
Masobra sa 11,000 ka mga personnel ang gin-deploy sang 3rd Infantry Division sang Philippine Army sa Western kag Central Visayas para magbantay sa Barangay and Sangguniang Kabataan Elections sa Oktubre 30, 2023.
Sa kabilugan may 11,148 ka mga tropa ang gin-deploy para sa pinili-ay kun sa diin 6,741 ang para sa Region 6 kag 4,407 naman sa Region 7 upod sa 112 ka mga military vehicles.
Ini ang ginabug-usan sang mga military personnel kag mga miembro sang Civilian Armed Forces Geographical Unit (CAFGU) Active Auxiliary (CAA) halin sa headquarters sang 3rd ID, 301st, 302nd, kag 303rd Infantry Brigades.
Upod man sa deployment ang Quick Reaction Force (QRF) nga ginabug-usan sang 66 military officers, 721 enlisted personnel, kag 155 CAA members nga may 60 mobility assets nga gin-deploy sa mga probinsiya sang Western kag Central Visayas.