Sa padayon nga operation sang Land Transportation Office-Negros Island Region, isa naman ka colorum nga van ang na-intercept sa dalan Magsaysay, Barangay Singcang-Airport sa Bacolod City.
Martes sang aga, naaktohan nga nagabiyahe kag nagapasaka sang pasahero ang nasambit nga van apisar nga wala ini sang nagakaigo nga dokumento, suno sa LTO.
May karga nga pito ka mga pasahero ang van kag sila ang ginsukot sang tig-P400 nga plete para sa biyahe nga Sipalay City padulong Bacolod.
Sini nga bulan, may una na nga apat ka apprehension sang colorum van ang LTO sa EB Magalona, Silay City, Valladolid kag Pontevedra.*
[sibwp_form id=1]