Wala pa sang may nalab-utan nga desisyon ang coalition para sa 2028 nga piniliay. Ini suno kay Third District Representative Javier Miguel Benitez nga nag pahayag nga siya ang handa sa pag pungko kag pagsugilanon sa grupo.
Sa isa ka pagtililipon sang Hwebes sang gab-i upod sa katapo sang media kag mga content creators, gin-sabat ni Congressman Javi ang mga pamangkot karon nga naga gwa ang iya nga ngalan kag ni Second District Representative Alfredo Maranon, III nga gina lantaw maga sambuwa sa gubernatorial post sa 2028.
Iya ginsulit nga siya sa karon ang nakatutok sa iya nga trabo bilang tiglawas sang Third District sang Negros Occidental.
Kun bala siya ang naga hatag konsiderasyon nga mag papili bilang gobernador, iya ginsiling nga wala pa sang desisyon kag siya ang maga konsulta sa grupo.
Damlag pa naga duso si Governor Eugenio Jose Lacson sang Love Negros sang isa ka common candidate para sa coalition.
Karon indi pa man makahatag sang pahayag angut diri si Benitez bangud wala pa sang desisyon, pero sa ulihi suno kay Benitez ang pumuluyo man sa gihapon ang maga butang sang kun sin-o ang luyag nila sa pwesto.
Ano man ang maistoryahan sang coalition suno kay Benitez ang may bug-at.
Naga konsulta man siya sa iya nga amay nga si Bacolod Representative Alfredo Abelardo Benitez, pero iya ginsiling nga siya sa gihapon ang maga desisyon.
[sibwp_form id=1]