Sa una nga semana sang bulan sang Hulyo target sang Bureau of Soils and Water Management maka patigayon sang cloudseeding operation sa Negros Occidental kag Western Visayas.
Ginsiling ni Department of Agriculture Negros Island Region Director, Engr Jose Albert Barrogo sa update nga iya nabaton gikan sa BSWM, na bid out na nila kag gina process na karon ang awarding kag procurement para sa rental sang eroplano nga paga gamiton sa cloudseeding operation.
P6 million ang gin pain nga pondo sang BSWM para sa cloudseeding operation.
Sa Bacolod maga station ang team suno kay Barrogo kag kun may yara na sang mga panganod nga makit-an amo ang pag lupad para sa cloudseeding operation nga target sa una nga semana sang July.
Suno kay Barrogo padayon pa sila nga naga hulat sang consolidated report sa kahalitan sang moisture stress ukon tuman ka init sa mga tanom.
Ang Negros Occidental sa May 22 nga report sini ang may P16 million nga balor sang kahalitan sa pananom tuga sang moisture stress.
Suno kay Barrog gina lauman nila nga maka pahagan-hagan sang epekto sang tuman ka init nga panahon ang cloudseeding operation. Tuyo nila nga malambot sang ulan sa cloudseeding ang mga watershed.
“July first week of July amo na ang target nila maka start sang cloudseeding operation. Diri sila sa Bacolod ma station, monitoring sang clouds. Kun may clouds sa Panay Island lupad sila, kun may clouds sa Negros lupad man sila. Isa man lang gid ka purpose naton ang watershed tani amo nga ang pinaka, nga mapaulanan naton ang watershed kay para at least ang tubig naton sa mga irrigation facilities naton mag saka man”, suno kay Barrogo.
[sibwp_form id=1]