Ginsuguran na ang closed season sang Visayan Sea ukon ang pagdumili anay sa pagpangisda sa Visayan Sea sa pila ka mga sahi sang mga isda.
Sumugod Nobyembre kinse tubtob Pebrero kinse sa madason nga tuig gina dumilian anay sang Bureau of Fisheries and Aquatic Resources ang pagpangisda sang tabagak, balantiyong, tuloy,bulaw kag gumaa sa Visayan Sea.
Sa sulod sang tatlo ka bulan, commercial kag municipal fisherfolks ang gina haylo nga indi anay magpanakop sang sini nga mga sahi sang isda.
Suno sa kay BFAR Region 6 director Remia Aparri nahangpan nila nga maga gamay ang income sang mga mangingisda pero ang ni nga proseso ang pamaagi para mapa siguro nga may nagakaigo pa nga supply para sa merkado kag lamesa sang mga puluy-an.
Gina hinyo man ni Aparri ang mga fisherfolk leaders, commercial fishing vessel operators, bantay dagat kag local government units nga magpanguna sa pagbantay sa baybayon.
Duha na ka tuig nga hina himo ini para mapangapinan ang supply sang isda sa baybayon.