Padayon ang pagsapupo sang Department of Social Services and Development sa mga Badjao samtang naga-hulat sang feedback gikan sa Jolo, Sulu para sa ila pagpauli.
Ini suno kay Alma Gustilo, ang assistant department head sang Persons with Disability Affairs Office (PDAO) nga nagsiling man nga padayon ang operation sang Anti-Mendicancy Task Force kag may on-the-spot nga inspeksyon sa pila ka mga lugar sa siudad.
May mga aktibidad man nga gin hatag ang mga taga DSSD para sa mga kabataan nga Badjao ginaplantaw sang mga educational movies, kag ang mga ginikanan ginahatagan sang family kag personality development sessions nga ginabuligan sang mga social worker.
Antes sang Masskara Festival ginpang sikop ang mga Badjao kag ang mga naga pangayo-kayo sa dalanon.
Ginadumili-an ang paghatag sang kwarta sa ila bangud may ordinansa nga naga pamatuk diri kag para indi sila ma anad nga magbalik-balik sa Bacolod para magpangayo – kayo ilabi na kun Masskara Festival tubtob na Disyembre.