
Wala na maka report pa sa Silay City Government ang City Legal Officer sini.
Pero antes sini, suno sa alkalde iya na nga gin papanaugan sang memorandum ang natungdan nga atubangon ang contempt order sa Kongreso.
Ginsiling ni Silay City Mayor Joedith Gallego nga wala naman gid sa karon naka report sa opisina sa Silay City Government si Atty Janus Jarder.
Pero, antes pa man siya nadula ukon indi na ma locate, napapanaugan niya sang memorandum ang City Legal Officer nga atubangon ang contempt order nga ginpapanaog sa iya.
Suno kay Gallego indi pa man makabig nga absent without leave si Jarder bangud paathaag niya sa pagsulundan may mga balasehan ang pagkabig AWOL sang isa ka nagatrabaho sa gobyerno.
Padayon man ang serbiso sa City Legal Office bisan wala si Jarder bangud may yara man sang Assistant Legal Officer.
Sang Enero 6, ginserbe sang PNP ang contempt order sa iya nga balay, ugaling wala si Jarder kag anak lamang niya ang nagbaton sini.
Gin-cite si Jarder sang two counts sang contempt sang Committee on
Public Accounts kag ginmanduan nga iga detain sa lower house sadtong Disyembre sang nagligad nga tuig sang gina patigayon ang congressional inquiry angut sa gina alegar irregularities sa P1B nga infrastructure kag iban pa nga proyekto sang Silay.
Nag manifest sadto si Abang Lingkod Rep. Joseph Stephen Paduano nga ang detention ni Jarder maga sugod na Enero 7 para man maka holiday siya upod sa iya nga pamilya.
Gin-cite si Jarder sang contempt sa pagbinutig kag bangud man sang paglikaw sabat sa mga ginpamangkot sa iya sang mga committee members.
Samtang sa Lunes natalana man ang isa ka committee hearing suno kay Paduano.
Posible suno kay Gallego magatambong siya.
“Ginpapanaugan ko na siya memo. Nabaton ya gid na, sang ara pa siya. (Ano ang status ni Atty Janus?) indi pa AWOL. May period pa na ma declare AWOL”, suno kay Gallego.