Shadow

Presyo sang baboy sa mga merkado nagsaka

Presyo sa kada kilo sang baboy sa merkado ang nagsaka sa halos duha ka pesos sandig sa average price monitoring sang Provincial Veterinary Office.

Paathag ni Dr Placeda Lemana ang Provincial Veterinarian, sa una nga quarter sang tuig, masami gid man nga nagasaka ang presyo sang baboy.

Paathag niya, tuman abi ka taas sang demand sa last quarter sang tuig dala sang holidays rason nga ang supply apektado.

Pag abot sang first quarter bisan daw alang-alang pa ang kadakuon sang baboy ang gina ihaw na suno kay Lemana.

Pinaka mahal nga kilo sang baboy sa monitoring ang yara sa San Carlos City P380, pinaka barato naman ang yara sa Don Salvador Benedicto, Calatrava kag Toboso P300.

Samtang, naga pabilin nga istrikto ang monitoring sang probinsya kontra African Swine Fever.

Padayon ang pagbantay sa mga borders kag pag dumili sang pagsulod sang baboy kag karne sang baboy nga gikan sa mga red zones ukon infected area magluwas na lamang kun fully cooked.

Tuyo sang probinsya nga fully maka recover ikan sa ASF.

Secured By miniOrangeSecured By miniOrange