Samtang masako ang preparasyon sang organizers para sa Bacolaodiat Festival 2024, may mga masako man nga makalam ang kamot.
Makita sa karon ang mga chinese lanterns sa Lacson Street sa Bacolod pati na sa North Capitol Road ang mga napamutang nga lanterns sa dalan.
Kahapon natukiban sang organizers nga missing na ang iban diri.
Gani na alarma ang organizing team nga amo ang Bacolaodiat Incorporated.
Sa Facebook post ginsiling sang chairman sang organization nga si John Stephen Sy nga pati lanterns sa Lacson Street ang ginpangkawat pa kag wala gid sang patawad ang naghimo sini.
Ang ginakakulbaan sang organizers nga basi makibot na lang sila nga antes pa man ang festival naubos na kawat ang lanterns.
Sa Pebrero 9-11 ang Bacolaodiat Festival sa Bacolod City.