Ginkakibot na lang kahapon ni Punong Barangay Atty. Caesar Distrito nga may nagkalabuka na nga mga tourism lights kag ginpang tumba na ang mga semento nga bench sa may bag-ong dalan ukon ang Arnaldo Street sa Barangay Singcang-Airport sa Bacolod.
Ini ang dalan nga naga angut sang Singcang-Aiport pa Barangay 35.
Siyam tanan ka mga tourism lights ang ginpang buka.
Makita pa ang mga buka nga parte sang suga sa higad sang dalan samtang ginpang tumba naman ang concrete benches sa amo man nga lugar.
Gani naga tanyag karon ang punong barangay sang reward money sa maka hatag sang impormasyon kun sanday sino ang sa likod sa pagpang halit nga natabo.
Kaina nagpamutang sang suga ang barangay sa bakante nga lote sa likod sang barangay hall nga gina gamit bilang parking space sang mga pumuluyo sang barangay para malikawan nga mahalitan.