Shadow

Chairman sang BAC may pagpangduha duha kun pwede matabo ang pag-repurpose sang loan para sa coliseum

Benitez

Chairman sang Bids and Awards Committee may pagduhaduha sa ginaduso nga pag repurpose sang P800 million loan para sa ginatukod nga coliseum.

Bangud nasugdan na kag nabayad na ang 20 porsyiento sang P800 million loan sa ginatukod nga coliseum,may pagduha duha si Atty. Maphilindo Polvora, chairman sang Bids and Awards Committee sang Bacolod kun pwede ma repurpose ang pondo para sa iban nga proyekto.

Tuyo ni mayor elect Albee Benitez nga gamiton ang pondo para matukod ang trade ukon convention center sa baylo sang coliseum sa gin donate nga duta sang pamilya Yanson sa Barangay Alijis.

Ini agud man magamit ang iban nga pondo para sa dugang nga pagkaayo kag pagpatahum sang mga merkado sang siyudad.

May gintalana ang present administration nga 150 million pesos nga budget para sa pag kaayo sang mga merkado pero suno kay Benitez para lang sa facelift ang pagkaayo diri.

Pahayag naman sang chairman sang BAC, may mga kasugtanan nga dapat i consider sa pag repurpose sang loan, kabahin diri ang bahin sa lot donation.

Secured By miniOrangeSecured By miniOrange