CCTV gina pa review ni Mayor Albee Benitez agud mapat-ud ang nagpangawat sa Halandumon Tower.
Indi lang mga commercial establishment ang ginapangbiktima sang mga kawatan.
Nagligad lang nga Oktubre sang ginrungkab sang wala pa makilal an nga persona ang isa sa mga column sang tower kag ginkawat ang mga equipment kag linya sang kuryente.
Gani gin-mando ni Mayor Benitez ang pag review sang tanan nga mga CCTV halin sa Bacolod Public Plaza kag kaiping nga mga commercial establishment agud mapat-ud ang responsable sa pagpangawat.
Tubtob karon wala na nagasiliga ang mga programmable light emitting diode nga suga sa tower resulta sang natabo nga pagpangawat. Samtang, nagmando man ang alklade sa katapo sang Bacolod City Police Office para sa dugang nga pagpabaskog sang pagpatrolya sang kapulisan ilabi na kun gab-i agud nga matapna ang mga kaso sang kinawatay sa siudad.