Progressive Alliance of Capitol Employees ang naghinyo sa kay Governor Eugenio Jose Lacson sang pag release sang Performance -Based Bonus para sa Capitol employees.
Sa sulat nga ginpadala ni Engineer Ruben Diamante ang presidente sang PACE, ila gina hinyo ang gobernador paagi sa kay Provincial Administrator Rayfrando Diaz sang releasing sang PBB.
Suno kay Diamante, 60 percent sang sweldo sang isa ka empleyado ang pwede nga mabaton bilang PBB.
Gina tugyan na nila ini sa gobernador, matapos man nga tigayon nga ginkilala ang probinsya sa compliance sini sa Seal of Good Local Governance nga isa man sa basehan sa releasing sang amo nga bonus.