Balita Hiligaynon

Arestado ang tatlo ka mga persona sa buy-bust operation sang operatiba sang Philippine Drug Enforcement Agency sa Purok 4, Barangay Magatas, Sibulan, Negros Oriental.Sa amo nga operation isa ka drug den ang ginsulod sang otoridad.Nakuha sa lugar ang 14 tanan ka mga sachet sang suspected shabu nga naga bug-at sang 6 grams kag marijuana.Arestado naman sanday alias Tufi, Romeo kag Mitz nga naabtan sang PDEA sa sulod ang drug den.Ginsiling man sang PDEA nga si Tufi ang naga padalagan sang drug den kag bisita lang sanday Romeo kag Mitz.Pasakaan sila sang mga kaso angut sa pagsupak sang Republic Act No. 9165 ukon ang ang Comprehensive Dangerous Drugs Act of 2002.*

Wasak ang isa ka Fortuner matapos nga makabunggo sa isa ka simbahan sa national highway nga sakop sang Barangay Poblacion sa banwa sang San Enrique kaina sang kaagahon.Wala sang may napatay sa insidente apang nakaangkon sang minor injuries ang driver kag pasahero sang SUV. Sila ang gindala sa Valladolid District Hospital.Nag-gwa sa imbestigasyon sang PNP nga padulong sa Binalbagan ang SUV nga ginamaneho ni alyas “Sam”, 54-anyos. Pasahero niya ang isa ka 60-anyos nga si alyas “Rey”.Nadulaan sang kontrol ang driver rason nga nagdiretso ini sa kurbada nga dalan kag nakabunggo sa simbahan.Naigu-an sang SUV ang steel gate kag sementado nga kudal sang World of Life Ministry.Ginsiling ni Police Captain Rosinie Cabuena, hepe sang San Enrique PNP, may initial na nga pag-istoryah...

Isa ka biktima sang Bagyo Tino ang nakit-an sa Sitio Simboryo, Barangay Bulad sa banwa sang Isabela, Negros Occidental, matapos ang duha ka bulan humalin sang paglaslas sang bagyo sadtong Nobyembre 4, 2025.Isa ka manugtapas sang tubo ang nakadiskubre sa mga tul-an. Nagalapta sa tunga sang katubohan ang mga skeletal remains.Paagi sa bayo nga nakit-an sa kampo, positibo nga ginkilala ang biktima sang iya manghod.Ulihi nga nakit-an ang 59-anyos nga biktima samtang siya ang nagakakas sang higot ka karbaw sa kampo sa Hacienda Pilar, antes siya ang naanod sang flash flood.*

Ang City Social Welfare and Development Office sang San Carlos City ang nag patuman sang validation sa mga pamilya nga apektado sang bagyo Tino nga gikan sa mga barangay nga yara sa kabukiran.Ang CSWDO team nga ginpamunuan sang Officer-in-Charge nga si Edena Dagondon, ang nagpatuman sang validation activities sa mga apektado nga pamilya sa Barangay Prosperidad kag Quezon sang Lunes.May 300 ka mga balay nga gin-identify nga apektado sa Barangay Prosperidad kag 459 naman sa Barangay Quezon.Suno kay Dagondon, sandig sa nakasaad sa LGU information page, ang CSWDO ang maga validate sang 18 kag mga barangays sa San Carlos City biling requirement sa idalom sang Integrated Disaster Shelter Assistance Program ukon IDSAP.Ini ang isa ka initiative sa idalom sang Department of Human Se...

Ginpirmahan ni Bacolod City Mayor Greg Gasataya ang kasugtanan kaupod ang Department of Energy para sa pagtukod sang Waste-to-Energy (WTE) facility, nga magahatag kuryente halin sa basura kag mangin isa sa mga una nga LGU sa Negros Occidental nga makapatigayon sini.Pinaagi sa kasugtanan, isa ang Bacolod sa mga una nga LGU nga makapatukod sang Waste-To-Energy ukon WTE facility, kun sa diin mahimo maka-generate sang kuryente halin sa basura.Indi lang ini magabulig sa paghatag sang enerhiya, kundi magabukas man sang oportunidad sa pag-ubra, resource recovery, kag pagpanubo sa kadamuon sang basura sa Bacolod. Ginapasanyog sini ang ekonomiya sa siudad pinaagi sa prinsipyo sang Circular Economy.Dugang pa, ginpirmahan man ang Memorandum of Agreement para sa pag-install kag pag-deploy ...

Ang probinsya sang Negros Occidental ang naga panawagan nga padayunon kag pabaskugon ang search and rescue operations para sa mga missing nga seafarers sa naglugdang nga barko malapit sa Scarborough Shoal kun sa diin may duha ka mga Negrense ang nalakip sa missing.Sa pahayag nga gin pa gwa sang Negros Occidental sa page sini gina panawagan ni Governor Eugenio Jose Lacson ang nagakaigo nga ahensya sang gobyerno kasubong man sa maritime stakeholders nga padayunon ang pag pangita.Naka saad nga ang probinsya naga isa kag naga unong sa pamilya nanday Captain Elimar Jucal sang San Enrique kag Jejanfer Partosa Marfa sang Cadiz City, kasubong man sa mga pamilya sang iban pa gid nga crew members sang M/V Devon Bay nga padayon missing matapos malunod ini sang Enero 23.https://youtu.be/i...

BTTMD nagpaathag nga ang motorsiko kag tricycle indi pwede sa flyover. Ini kasunod sang viral video sang motorcycle rider nga naga overtake samtang yara sa flyover.Suno kay Bacolod Traffic and Transport Management Department ukon BTTMD Head Atty. Reuben Sabig, isa ka driver sang motorsiklo ang nag viral sa social media matapos nag-overtake sa Magsaysay Flyover sa Barangay Singcang Airport.Suno kay Atty. Sabig, ginadumilian ang paglabay sang mga motorsiklo kag tricycle sa flyover bangud ini para lamang sa mga salakyan nga 4-wheel ukon masobra pa. Dugang pa niya, may yara sang nagkalain-lain nga traffic sign sa siudad nga dapat sundon, kag ang mga magalapas sini ang magapang-atubang sang kaso.https://youtu.be/zYNovCabaTc?si=NVWGAiIgzMAtXP_OPanugyan pa sang BTTMD sa mga driv...

Ginsiling ni retired Police Colonel Levy Pangue, head sang City Legal Enforcement Team, nagdangat na sa kapin 300 ka mga barker ang nadakpan bangud sa hugot nga pagpatuman sang Anti-Barking Ordinance sang siudad.Ginpahayag ni Pangue nga ginatun-an liwat sang ila talatapan ang mas epektibo nga pagpatuman sang ordinansa, kag nagapakig-angut sila sa Bacolod City Police Office agud mas mapabakod pa ang operasyon batok sa barkers.Dugang pa niya, ang mga barker nga nadakpan ang napasakaan na sang nagkalain-lain nga mga kaso, kag ginapatihan nga kapin 80 porsyento sa ila ang may record, lakip na ang kaso angut sa iligal nga droga, pagpangawat kag pagpanghimulos.Nagapangabay man si Pangue sang kooperasyon sang publiko, ilabi na sang mga barangay, bangud dapat wala sang presensya sang m...

Gobernador sang Negros Occidental ang naga panawagan sa national government nga mag patuman sang tikang angut sa pagsaka sa importation sang sugar sweeteners.Luyag ni Governor Eugenio Jose Lacson nga magpatuman ang national government kag naga kaigo nga ahensya sang gobyerno sang review sa import volume kag mga policies angut sa artificial sweeteners.Base sa available nga import data may yara sang tayuyon nga pag saka sa unregulated nga artificial sweeteners nga naga sulod sa pungsod. Sang 2021 yara ini sa 355,196 metric tons, sang 2025 yara na ini sa 427,523 metric tons. Ini nga bagay ang naga apekto sa demand sa locally produced sugar.Nagapanawagan man ang gobernador sang pagpasiguro nga may yara sang proper classification. Indi lamang ang bahin sa ekomiya ang ginalantaw nga ...

Ginpaidalum sa random drug testing ang ginatos ka mga jail officers kag persons deprived of liberty sang tatlo ka mga Bureau of Jail Management and Penology facilities sa Dumaguete City, Talisay City kag Silay City.Nag-negatibo sa pag-gamit sang iligal nga droga ang mga gin-subject sa drug tests.Nagpatigayon man sang greyhound operations sa mga selda sang mga babaye kag lalaki nga PDLs. Wala sang mga kontrabando nga narekober sa nasambit nga mga prisohan.Kabahin ang drug test kag greyhound sa jail drug-clearing operations sang BJMP upod ang Philippine Drug Enforcement Agency-Negros Island Region.*