Balita Hiligaynon

Para sini nga bulan sang Disyembre, tubtob na lamang bwas, Disyembre 23, Martes nga adlaw ang Voter Registration sang Commission on Elections.Suno kay COMELEC Regional Director, Atty Lionel Marco Castillano, katapusan nila ang Disyembre 23 para sa naga padayon nga Voter Registration, maga resume sila sa Enero 5 na.Humalin sang pagsugod liwat sang voter registration sang Oktubre tubtob December 20, may 52,375 ka nag process sang ila nga application.35,538 diri ang sa Negros Occidental. 16,076 naman sa Negros Oriental kag 761 sa Siquijor.Suno Castillano, kinahanglan nila nga iduso ang kampanya sang voter registration kay kun mag salig lamang sila sa maga padulong sa ila nga mga talatapan, manubo ang naga pa rehistro.Ang COMELEC naga laum nga indi na maghulat ang mga l...

₱3.2M ang budget para sa Employees’ Day sa Bacolod City kag Kapin ₱1.3 Milyon naman ang gin tigana para sa pagkaon sang mga empleyado nga gin-gasto sa duha ka caterers sang Bacolod City Government Employees Union ukon BCGEU pero may reklamo halin sa mga empleyado nga pan-os nga pagkaon ang ginhatag sa Employees’ Party sang Biyernes.Suno kay Atty. Mark Mayo ang city administrator, nag meeting ang mga opisyales sang Bacolod City Government kag ang Bacolod City Government Employees Union agud mausisa ang amo nga isyu.Suno sa City Administrator, may duha ka mga caterers nga ginpili sang BCGEU para sa party kag gina usisa pa para mahibaluan kun sin-o ang dapat nga manabat sa natabo nga insidente.*

Ang Department of Agriculture kag Sugar Regulatory Administration ang nag klaro nga ang ban sa sugar importation ang maga pabilin tubtob sa December 2026.Sa interview kay SRA Administrator Pablo Luis Azcona sang Domingo, iya ginsiling nga sa December 2026 kag indi sa September, maga pabilin ang importation ban.Mga government officials kag sugar leaders sa isa ka sulat kay Presidente Ferdinand Marcos, Jr sang Biyernes ang nag panawagan sang declaration sang no sugar import policy sa masunod nga 18 ka bulan, magluwas na lamang kun tuman manaog ang domestic stock. Tuyo sini nga mabuligan ang pagsarurot sang mill gate prices.Ginalauman ni Azcona nga ang millgate price maga ayo sini nga semana, sa tunga sang mga tikang nga ginapatuman sang gobyerno para mapanubo ang importation kasubong m...

Isa ka rambol ang nagluntad sa tunga sang kapistahan sang Barangay Ma-ao sa siudad sang BagoBase sa inisyal nga report, mga menor de edad ang imbolbado sa natabo nga insidente nga nagluntad samtang nagapadayon ang selebrasyon sang kapistahan sa Barangay Ma-ao.Suno sa saksi sa insidente, antes pa magsugod ang ginamo, nakita niya ang pila ka grupo sang mga kabataan nga naga-ilinom sa kilid sang dalan.Kag inoras ang nagligad, nag sugod na ang kinagamo sang mga kabataan.Sa video nga kuha ni Rhean Gonzaga makita pa ang hinabuyanay sang botelya.Gin siling man sang nakakita nga gilayon nga nagresponde ang tanod sang Barangay Maao, kaupod ang mga pulis nga naka-assign sa area agud mapunggan ang paglala sang sitwasyon.*

Provincial Disaster Reduction Management Council Emergency Operations ang ipaidalom sa blue alert status sumugod sa Lunes.Suno kay Irene Bel Ploteña effective 5pm sang December 22 tubtob 8am sang January 2, 2026 ipaidalom sa blue alert status ang PDRRMC EOC nga naga lakip sang nag kalain-lain nga ahensya kaangay sang Provincial Health Office, Police, PSWDO, BFP kag iban pa, para sa holiday celebration kag year-end activities.Nagakasayuran suno kay Ploteña nga may mga naka preposition nga mga resources nga pwede ma deploy sa ano man nga oras. May mga naka standby naman sa mga EOC sa mga nagkalain-lain nga LGU kag sa probinsya.Naga pahanumdom man si Ploteña nga sa tunga sang kasadyahan indi mag inom kag mag drive, maghalong sa gina kaon nga pagkaon kag sa tanan nga tion ipasi...

Ang pondo para sa year-end incentives nagalakip sang ₱45 milyon para sa Collective Negotiation Agreement ukon CNA Incentive, ₱30 milyon para sa Service Recognition Incentive ukon SRI , ₱25 milyon para sa Performance-Based Bonus ukon PBB kag ₱8.815 milyon para sa Productivity Incentive Allowance / Performance Enhancement Incentive ukon PIA/PEI.Para naman sa mga Job Order kag Contract of Service nga empleyado, may ₱29.1 milyon nga Gratuity Pay, sa ₱7,000 kada isa. Dugang pa, gin-aprobahan ang ₱8.815 milyon para sa cash gifts kag ₱52.2 milyon nga year-end bonuses para sa mga regular kag casual nga empleyado, nga ginpagwa sang nagligad pa nga Nobyembre.Suno kay Gasataya, ini nga mga benepisyo kabahin sang legal kag contractual nga obligasyon sang siudad sa iya mga empleyado, nga am...

Ang Regional Peace and Order Council - Negros Island Region ang nag pasar sang resolution nga naga pakamalaot sang pag pamatay sang Communist Party of the Philippines-New People’s Army.Ini ang natigayon sa RPOC-NIR fourth quarter meeting sa Dumaguete City kag gin pamunuan ni Negros Occidental Governor Eugenio Jose Lacson sang Hwebes.Damlag pa nag patuman na sang moto proprio investigation ang Commission on Human Rights bangud sang asud-asud nga pag pamatay sa nag kalain lain nga bahin sang Negros Occidental kun sa diin gin-ako mismo sang rebeldeng grupo nga sila ang responsable.Sa amo man nga pagsinapol, nag pasar ang RPOC-NIR sang resolution nga naga duso sang pag tuga sang inter-agency committee para ma address ang mga rape incidents sa NIR.Gin pasalamatan man ni Lacs...

Pila ka minutos nga gintinguhaan sang mga responders nga makuha ang mga sakay sang pickup matapos makabunggo sa likod sang truck nga may karga nga tubo sa Purok Acasia, Barangay Tapi sa Kabankalan City.Nakaangkon sang mga pilas ang 42-anyos nga driver sang pickup, kag ang duha niya ka mga pasahero nga naga-edad 69 kag 38 anyos.Mga manugbaligya sang ukay-ukay ang mga sakay sang pickup.Base sa impormasyon, gikan Brgy. Locotan kag papauli na kuntani sa Himamaylan ang mga sakay sang pickup, sang magluntad ang insidente.Naggwa sa traffic investigation sang Kabankalan PNP, temporaryo nga nag-park ang Fuso dump truck sa lugar kag nagbutang sang early warning device.Apang sang hana na nga maglakat ang 25-anyos nga driver, ginkuha sini ang warning device kag nagsakay sa tru...

Mga manugtapas sang tubo ang naka diskubre sang bangkay sang tawo sa sulod sang kampo sa Hacienda Bernabe, Barangay Salvacion, sa banwa sang Murcia pasado las-9 sang aga kaina.Suno kay Police Captain Honey Labaro, hepe sang Murcia PNP una nga napanimahuan sang mga nakatapas sang tubo ang naga usbong nga baho kag sang nakita nila ang bangkay ila nga ginpahibalo ang ila enkargado.Pensar anay sang mga naka sapo tul-an lang sang tawo ang ila nakita pero sang ginkadtuan na sang pulis bangkay pa ini nga nalubong.Wala pa makilala ang amo nga persona tubtob sa karon.*

Ginbawian sang kabuhi mag nobyohanay sang mabunggo ang ila motor sa truck sa Purok Masinadyahon, Barangay Lag-asan sa Bago City, Huwebes nga adlaw.Gindala sa Bago City Hospital ang 28-anyos nga lalaki kag ang iya miga apang pareho sila nga gindeklarar dead on arrival.Residente sang Brgy. Lag-asan sa Bago ang lalaki samtang taga San Enrique ang babaye.Naggwa sa imbestigasyon sang kapulisan nga gikan Bago City proper kag padulong sur ang duha sakay sa motor.Gin-alegar nadulaan sang control ang driver kag nabunggo sa nasugata nga truck.*