Balita Hiligaynon

Isa ang patay kag duha ang pilason sa nagluntad nga traffic incident sa national highway sang Purok Ipil, Barangay Pilar sa banwa sang Hinigaran.Nag-gwa sa imbestigasyon sang PNP nga nagatabok sa dalan ang pedestrian nga ginkilala kay alyas “Jesus”, 83-anyos, residente sang Brgy. Pilar, sang siya ang mabungguan sang motorsiklo, nga nagapakadto sa sur sang highway.Bangud sang impact, nakaangkon sang mga pilas ang pedestrian, pati na ang driver sang motor nga si alyas “Romeo”, 51-anyos kag ang iya angkas nga si alyas “Nestor”, 40-anyos.Gindala ang tatlo ka mga lalaki sa Hinigaran Medical Clinic apang napatay ang nabungguan nga pedestrian.*

Ginpatigayon kaina sang aga ang groundbreaking ceremony para sa pagtukod sang Cell No. 5 sang Sanitary Landfill sa Barangay Felisa, Bacolod City.Suno kay Mayor Greg Gasataya, ginapaabot nga mapuno na ang Cell No. 4 sa masunod nga tatlo tubtob apat ka bulan, gani importante nga masugdan na ang pagtukod sang bag-o nga pasilidad agud mapadayon ang husto nga pagdumala sang basura sa Bacolod.Ginsiling man niya nga ang pag-ubra sang Cell No. 5 magalawig sa 10 ka bulan, apang nag pasalig ang kompanya nga posible matapos ini sa mas temprano pa. Nagabalor ini sang ₱66 milyon.Dugang pa ni Gasataya, iya ginapangabay nga ini na ang pinaka ulihi nga cell bangud nga napirmahan na sang siudad ang memorandum of agreement sa Department of Energy para sa Waste-to-Energy project, nga magabulig sa...

Gintalana sa September 28, 2026 tubtob October 5, 2026 ang filing sang Certificates of Candidacy para sa Barangay kag SK Elections.Ini base sa bag-o nga gin pa gwa nga Calendar of Activities para sa November 2, 2026 nga BSKE sa idalom sang gin-approve nga Resolution no. 111-91.Magasugod naman sa October 3, ang election period kag maga lawig tubtob November 9, 2026.Angut diri ang pag patuman man sang Election Gun Ban.Nagakasayuran nga gina dumilian ang pagbitbit sang armas sagwa sang mga puluy-an magluwas na lamang kun may authorization gikan mismo sa COMELEC.Ang campaign period naman magasugod October 22, 2026 tubtob October 31, 2026.November 2 ang adlaw sang piniliay nga maga sugod las 7 sang aga tubtob las 3 sang hapon.Ang pag-isip kag pag canvass sang boto ka...

File photoSa ika duha nga semana sang bulan sang Pebrero target sang Department of Social Welfare and Development nga maka patigayon sang ikatlo nga tranche sang releasing sang emergency cash transfer para sa mga nagub-an sang balay sang mag-igo ang bagyo Tino.Suno kay DSWD Negros Island Region Director, Arwin Razo, halos P1.2 billion pesos ang pondo para diri.Nahuman na hatagan ang mga apektado sa Bacolod gani ang mga magabaton sunod ang gikan sa mga banwa kag siudad nga na igo sang bagyo Tino sa Negros Occidental labi na ang sa 4th kag 5th District, kag lakip man ang Canlaon City sa Negros Oriental.Halos 20,000 suno kay Razo nga ang ila balay totally destroyed kag 182,000 naman ang partially damaged.Ang kantidad sang batunon nga cash assistance nabase sa minimum wage ...

Superheated plume ukon gas ang na-record sang infra red channels sang Observation Station sang bulkan Kanlaon.Precursor ini, ukon patimaan sang mahimo explosive eruption nga magluntad.Sa time lapse video nga ginpost sang Philippine Institute of Volcanology and Seismology na-record sa tunga-tunga sang 6:41 pm tubtob 7:13 pm sang January 28 ang superheated plume activity.Na capture sang heat sensitive cameras nga napahamtang sa Upper Pantao, Canlaon City Observation Station ang nighttime emission sang superheated gas gikan sa bulkan nga indi makita sa ordinaryo nga mata.Suno sa PHIVOLS masami maka record sang kasubong nga mga emissions ang ila nga mga cameras.Paathag ni Mari-Andylene Quintia, ang resident Volcanologist, makabig nga precursor ukon patimaan sang explosive e...

Kasunod sang nag-viral nga video nga wala gilayon magpahigad ang lalaki nga naga dala sang motorsiklo sa may Araneta Street sa Bacolod LTO Chief ang nagpahanumdom sa mga driver nga hatagan ligwa ang mga emergency vehicles.Suno sa kay Land Transportation Office Chief Marcus Lacanilao, yara sa laye nga ang mga emergency vehicles kasubong sang firetruck kag ambulance ang dapat ginapauna kag wala gina delay.Sa kaso sang call center agent nga naga dala sang motor ginpapanaugan na siya sang show cause order kag nadiskubrehan nga wala siya sang driver’s license kag ang motor nga ginhulam niya wala man sang rehistro.Ang driver ang gin ban sa pagkuha sang driver’s license sa sulod sang isa ka tuig bangud sang iya mga bayolasyon.Paandam sang pamuno sang LTO, magaserbe man ini nga lek...

Kaina ginpapanaugan sang show cause order ang operator sang modernized jeepney sa Alijis route nga nag-viral sa social media ang video nga naga pakita nga overloaded sang pasahero, lakip na diri ang kabataan nga naga tindog na sa sulod sang salakyan.Suno kay Bacolod City Mayor Greg Gasataya, nga ginpapanaugan gilayon sang show cause order ang operator sang jeepney kaina sang aga.Ini ang ginpangunahan sang Land Transportation Office – Negros Island Region upod ang Bacolod Traffic and Transportation Management Department.Nakalab-ot sa atensyon sang lokal nga panguluhan sang Bacolod ini.Ginpatuhoy sa mga opisyal ang reklamo sa drayber nga naglalis pa sa kapasidad nga sarang makarga sa ginabiyahe nga modern jeepney.Sa statement sang LTO-NIR ginsiling sang ahensya nga naka r...

Isa sa ginatan-aw nga kabangdanan sang pagka-atrasar sang operasyon sa pagkolekta sang basura amo ang pagdamo sang mga “prank call” nga ginabaton sang Bacolod Environment and Natural Resources Office ukon BENRO.Ini ang suno kay City Administrator Atty. Mark Mayo. Dugang pa niya, sa tagsa ka reklamo nga ginatawag sa command center sang BENRO, ginahimo anay ang pag-usisa agud makumpirma kun ini lehitimo antes magpadala sang mga truck kag personnel.Apang madamo, suno sa iya, ang naga-tawag nga wala sing matuod nga reklamo naga tuga lang sang pagka delay sang paghakot sang basura.Ginsiling man ni Mayo nga ang amo nga sitwasyon nagaapekto sa operasyon sang BENRO, ilabi na sa pagbaton sang mga lehitimo nga reklamo gikan sa publiko.Ginpangabay niya ang paghangup sang mga pumuluyo ...

Ginapaabot nga matapos sa sulod sang sini nga semana ang clearing operation sa Reclamation Area nga natalana bilang impounding area sang Bacolod Traffic and Transportation Management Department ukon BTTMD.Nagapadayon ang paglimpyo sang bag-o nga impounding area suno kay Engr. Loben Ceballos, ang pamuno sang City Engineer’s Office. Ginpahayag niya nga bisan pa nga nasuguran na ini sang nagligad nga tuig, nautod ang operasyon bangud sang sunod-sunod nga mga bagyo nga nagdala sang nagkalain-lain nga mga butang lakip na ang mga dalagko nga kahoy.Dugang pa ni Ceballos, kinahanglan liwat nga limpyuhan ang area agud mangin handa ini para sa ginaplano nga proyekto sang siudad. Iya man ginsiling nga na identify na ang duta nga may kadakuon nga mga 3,000 square meters nga pagagamiton sang BT...

Nagkalatumba ang mga steel barriers nga yara sa intersection sang dalan Lacson kag 6th Street sa Bacolod City, matapos gin-arado sang pick up truck, pasado las tres kaina sang kaagahon.Ginamaneho ang salakyan ni alyas “Nonel”, 36-anyos, taga Pototan sa Iloilo.Nag-gwa sa imbestigasyon nga gikan sa isa ka bar sa Barangay Mandalagan ang driver kag padulong sa sur sang Lacson Street.Gin-alegar nga nadulaan sang kontrol ang driver kag nag-igo sa mga steel barrier sa dalan.Sa karon, gin-impound ang nasambit nga pick up truck.*