Balita Hiligaynon

Wala sang ash emission nga na-record kahapon ang PHIVOLCS sa bulkan Kanlaon.Ini ang gina klaro ni resident volcanologist, Mari-Andylene Quintia kasunod sang pila ka mga social media post nga ila na monitor nga may yara sang ash emission nga nakit-an sa crater sang bulkan.Suno kay Quintia mabaskog ang degassing ukon ang pag pa gwa sang puti nga steam gikan sa bulkan nga may upod nga iban pa gid nga sahi sang gas, pero wala sang may natabo nga ash emission.Sa pihak nga bahin gin klaro man ni Quintia nga ang superheated plume nga gin-emit sang Kanlaon sadtong Enero 28 ang isa ka common occurence.Ang superheated plume ukon gas nagapatimaan nga ang magma naga intrude kag nagahulat sa idalom sang edifice.Gin post nila ang video sang superheated plume bilang pahanumdom nga bis...

April 13 tubtob 19 ang selebrasyon sang Panaad sa Negros Festival.Ang kahiwatan ang mangin 30th Panaad sa Negros Festival.Ginsiling ni Governor Eugenio Jose Lacson nga sa karon padayon pa ang pag plano kag pag plastar sang gina kabig Festival of Festivals sang probinsya.P50 million pesos ang target nga pondo para sa Panaad nga nalakip na diri ang tuigan nga subsidy para sa mga banwa kag siudad nga naga pakigbahin sa selebrasyon.Nagalaum si Governor Lacson nga mangin all out ang mga LGU para sa 30th Panaad sa Negros Festival.Gina paabot niya nga sila ang maga pakigbahin kag maghatag sang ila nga suporta.Ang Panaad sa Negros isa sa labing gina bantayan nga selebrasyon sang probinsya.*

Wala sang may magasulod nga bag-o nga mga transport company sa siudad sang Bacolod. Ini ang ginpahayag ni Mayor Greg Gasataya matapos mag-gwa ang impormasyon nga may mga kumpanya sang salakyan nga nagaplano mag-operate sa siudad.Personal nga gin-verify ni Gasataya sa Land Transportation Franchising and Regulatory Board ukon LTFRB ini matapos nga may mga drayber kag operators sang taxi ang nagpadulong sa iya talatapan kag ginpatuhoy ini sa iya nga atensyon.Suno kay Gasataya, sa iya pagpakig-istorya kay LTFRB Regional Director Richard Osmeña, wala sang pormal nga komunikasyon ukon dokumento nga nabaton ang iya talatapan angut sa amo nga report.Ginklaro man ni Gasataya nga madamo sang mga taxi kag modern units nga naga-biyahe para sa mga Bacolodnon.*

Ginapadali ni Bacolod City Mayor Greg Gasataya ang pagtapos sang Bacolod MassKara Coliseum sa Barangay Alijis.Suno sa iya, dapat handa na ini antes sang pagpatigayon sang Batang Pinoy 2026.Yara na sa mga 60% nga nahuman proyekto.Ang structure nahuman kag ginatrabaho suno sa iya ang mga interior works sang pasilidad.Ginpahayag man sang alkalde nga antes pa sang pandemya nagsugod ang pagpatukod sang coliseum, gani iya ginmanduan ang mga concerned nga opisina nga padasigon ang pagtapos sini.Ginapaabot nga magamit ini sa Batang Pinoy 2026, nga pagahiwaton sa bulan sang Oktubre ukon Nobyembre sini nga tuig.Ang museo naman ang ginapaabot nga matapos man sa sini nga tuig.Kumpiyansa si Mayor Gasataya nga mangin handa ang pasilidad sa tion nga kinahanglanon ini p...

Personal nga ginbisitahan ni Bacolod City Mayor Greg Gasataya ang mga pamilya nga nagboluntaryo nga naghalin sa Purok Balinday, Barangay 2 agud magsaylo sa Progreso Village Relocation Site II sa Barangay Vista Alegre.Suno kay Gasataya, ginatutukan sang syudad ang pagtakod sang kuryente sa bulig sang Negros Electric and Power Corporation ukon NEPC.Magluwas sa kuryente, ginpasiguro man ni Gasataya nga indi mag problema sa tubig ang mga residente bangud gina-assist na sang LGU ang ila application kag ang siudad na mismo ang magabayad sang ₱1,600 nga connection fee kada pamilya.Gin-kompirmar man sang alkalde nga may ara sang 20 ka mga pamilya nga opisyal na nga nagsaylo kag ginhatagan sang nagkalain-lain nga assistance lakip ang galvanized sheets para sa ila balay, butane stoves k...

Patay ang isa ka tuig nga bata nga babaye, samtang duha ang pilason sa nagluntad nga vehicular incident sa Hacienda Balandra 2, Barangay Daga sa Cadiz City.Nag-gwa sa imbestigasyon nga sakay sang tricycle ang 45-anyos nga babaye kag ang menor de edad. Ginamaneho ang tricycle ni alyas “Jun”, 29-anyos.Halin sa Barangay Andres Bonifacio ang tricycle kag padulong Brgy. Luna sang magdasok ang tapaludo sa pang-unahan nga goma sang tricycle, rason nga nadulaan sang kontrol ang driver kag sila ang nagtabog sa sementado nga dalan.Gindala ang driver kag duha ka mga pasahero sa Cadiz District Hospital apang ang bata ang gindeklarar nga dead on arrival.*

Sumugod February 1, 2026, ang Provincial Government sang Siquijor magasugod sa pagpanukot sang Tourism Ecological Fee gikan sa mga turista nga magabiya sa isla.Ini base sa ginpagwa announcement sang Tourism office sang probinsya.P50.00 ang fee para sa domestic kag foreign tourists, P40.00 para sa senior citizens kag mga estudyante kag exempted naman ang mga kabataan nga 6 years old and below.  Exempted man ang mga residente sang Siquijor.Tuyo sinu nga masuportahan ang environmental protection, sustainable tourism development kag preservation sang natural and cultural heritage sang Siquijor.Base sa announcement, ang matipon nga kwarta gamiton para sa environmental conservation programs, tourism infrastructure improvement, kag ecological sustainability projects sa bi...

Pinaagi sa pag-scan sang QR Code, mahimo na makita sang bisan sin-o nga Bacolodnon ang detalyado nga impormasyon nahanungod sa mga proyekto sang gobyerno sang siudad.Lakip diri kun ano ang ginapatukod, pila ang pondo nga gin-gamit, sin-o ang contractor kag project engineer, pati na ang project timeline, mga litrato, kag mga update sa sitwasyon sang proyekto.May ara man sang built-in nga feedback kag complaint mechanism ang sistema kun sa diin mahimo maghatag sang komento ukon mag reklamo ang pumuluyo parte sa proyekto.Ang paglunsar sang ini nga sistema, nga ginapatuman paagi sa Executive Order No. 39, kabahin sang tikang sang lokal nga panguluhan sang Bacolod para mapabaskog ang transparency kag accountability sa Bacolod City.*

Nagpatigayon sang Oplan Harabas ukon surprise drug testing ang otoridad sa 200 ka mga drayber kag konduktor sang public transport services sa Dumaguete Ceres Terminal sa Dumaguete City.Ginpa-submit sila sang ila urine samples agud nga ma-test kun sila ang nagagamit sang iligal nga droga ukon wala.Ginhimo ang drug test agud ipasiguro nga mentally kag physically fit ang mga drayber kag konduktor sa paghimo sang ila obra kag agud mapasiguro ang passenger kag road safety.Suno sa Land Transportation Office-Negros Island Region, ang maga-positibo ang ipaidalum sa confirmatory testing kag kun sila ang liwat nga mag-positive, paga-pasakaan sila sang administrative sanctions.Upod sang LTO sa paglunsar sang Oplan Harabas amo ang Philippine Drug Enforcement Agency, Philippine Coast Gu...

Patay sa pagpanglabo sang iya magulang ang isa ka lalaki gamit ang espading sa Purok Detachment, Sitio Mambato sa Barangay To-oy, Himamaylan City.Ginsiling ni Police Lt. Peter Genovea, deputy chief sang Himamaylan PNP, naluoy ang suspek nga si alyas “Ruel”, 50-anyos, sa iya magulang nga si alyas “Edgar”, 56-anyos, bangud masami sila nga naga-inaway sang iya live-in partner.Martes sang gab-i, nagkadto si alyas “Ruel”, nga naka-inom, sa balay sang iya magulang. Samtang naga-inaway ang mag-partner sa sulod sang balay, nagma-oy ang suspek sa gwa.Naakig ang iya magulang nga si “Edgar” gani nag-gwa siya bitbit ang isa ka metro nga lipak kag ginlampusan ang iya manghod.Nagpuli si alyas “Ruel” kag nagkuha sang espading. Sa iya pagbalik, iya na ginlabo ang iya magulang kag nagpalagy...