Balita Hiligaynon

Na-intercept sang kapulisan ang P787,500 nga balor sang smuggled cigarettes samtang nagapatigayon sang mobile patrol operation sa Purok Margarita, Barangay Balintawak sa Escalante City, Lunes sang gab-i.Base sa report, nakit-an sang mga mobile patrollers kag intelligence operatives sang Escalante PNP ang isa ka lalaki nga nagapapanaog sang mga kinarton nga sigarilyo sa isa ka Polar White Utility Vehicle.Nalagyo ang lalaki sang nagpalapit ang pulis apang siya ang nakilal-an sa follow-up operation.Narekober sa lugar ang salakyan kag ang 35 ka master cases ukon 1,750 ka reams sang nanari-sari nga klase sang sigarilyo.*

P27 million ang ginbulig nga pondo sang siudad sang Bacolod sa Department of Education para sa pag-host sa labing una nga Negros Island Region Athletic Association Meet.Pagahiwaton sa siudad ang pinakadako nga sports competition sa rehiyon sumugod Marso 1 tubtob 7.Ginsiling ni Atty. Marty Go, Secretary to the Mayor, nga ang pondo nga ginpa-in sang siudad posible nga iga-release na buwas nga adlaw, Miyerkules.Ang pondo ang pagagamiton sang DepEd para sa mga galastohon sa sulod sang isa ka semana nga kompetisyon.Ginabulunta nga mga 15,000 ka mga athletes kag coaches ang magapadulong sa siudad agud magtambong sa amo nga kahiwatan.Nagpa-in naman sang P28.2 million ang syudad agud suportahan ang masobra sa 900 ka mga athletes nga mga tiglawas sang Bacolod sa amo nga kompetisyon.12 k...

Nadakpan sang katapo sang Police Station 4 ang 40-anyos nga lalaki nga wanted sa kaso nga murder kag ginakabig Top 1 Most Wanted sa Bacolod City.Ginserbehan sang warrant of arrest sa Banahaw Street, Barangay Villamonte sa Bacolod ang akusado nga ginkilala kay alyas “Allan”, taga Barangay 20 sa Bacolod.Gin-issue ang arrest warrant sang Regional Trial Court, Branch 50 sa Bacolod City. Wala sang may gin-recommend nga piyansa ang Korte para sa iya temporaryo nga kahilwayan.Suno sa pulis, ang akusado ang ginatudlo suspek sa pagpaniro sadtong Setyembre 29, 2025 sa Barangay Mandalagan, Bacolod City kun diin biktima ang mag-utod nga naga-angkasanay sa motor.Sa amo nga insidente, napatay ang magulang samtang pilason ang manghod.*

Nalumos ang 9-anyos nga lalaki samtang nagapanguha sang isda sa Nabinay River sakop sang Barangay Mabini sa Cadiz City, kaina Martes sang aga, Pebrero 17.Ang iya tiyo nga ginkilala kay alyas “Jesus”, 42-anyos, ang nagtinguha nga salbaron ang iya hinablos apang siya ang nalumos man bangud sang mabaskog nga bulyada sang tubig.Upod sang magtiyo ang isa pa ka menor de edad sa suba. Tatlo sila ang nagpanguha sang isda.Suno sa nakasalbar nga menor de edad, gin-anod ang magtiyo kag nalumos.Nagpatigayon sang search and retrieval operations ang katapo sang Cadiz PNP, Philippine Coast Guard kag Cadiz City Rescue.Pila ka oras kag nakit-an sini nga hapon ang lawas sang magtiyo sa suba kag gindala sa Cadiz City District Hospital apang gindeklarar nga dead on arrival.*

May 894 ka mga pamilya sa banwa sang Moises Padilla nga apektado sang bagyo Tino ang nakabaton na sang tig P1,600.Ini ang gikan sa P10 million nga Presidential Assistance Fund ukon PAF nga gin download paagi sa gobyerno probinsyal.Suno sa LGU ang mga pamilya nga nag baton ang gikan sa Barangay 1, 2, 3, 5 kag 7. Ini ang una nga batch.Nalakip man sa first batch ang gikan sa Brgy Macagahay, Montilla kag Quintin Remo kag natalana pa ang distribution sini nga semana.Ang P10 million nga PAF nga gin-download sa probinsya ang kinahanglan nga ma-distribute sa sulod sang 90 diyas.Ang P10 million naman nga direkta ginhatag sa LGU sa idalom sang PAF ang natalana pa nga i-release. May delay ini suno sa LGU bangud may pag kambyo sa mga signatories sa Deed of Donation tuga sang pag-resign ni Un...

Nagdangat sa P 6.5 billion ang contribution sang tourism industry sa bug-os nga economic income sang siudad sang Bacolod sa tuig 2025.May nakit-an man nga pagdamo sang mga domestic kag foreign tourist sa siudad. Nagsaka ini sa 873,573 ka mga turista kun ikumpara sa 833,345 nga na record sang 2024.Sa record sang City Tourism Office, mas nagdamo ang turista sa siudad sadtong bulan sang Oktubre tubtob Disyembre.May 5.11 percent nga pagsaka sa domestic tourist samtang may 2.21 percent naman sa mga foreign tourists.Ang data ang ginbase sang tourism office sa mga accommodation records sang mga hotels sa Bacolod.Dugang pa, may 77 percent man nga pagsaka sa mga nagatambong sa Meetings, Incentives, Conventions, and Exhibitions ukon MICE nga ginhiwat sa siudad.Suno kay Harold Geronimo, M...

Nagdangat na sa 11 ka tapak ang gin-usmod sang duta sa Sitio Bairan, Brgy General Luna sa banwa sang Toboso.Ini suno kay Engr Hospicio Carbajosa, Jr., ang Municipal Disaster Risk Reduction Management Office sandig sa ila nga monitoring subong nga Martes.Hwebes sang nagligad nga semana una namutikan ang pag-usmod sang duta nga sadto 9 feet pa lamang ang pag ka usmod. Suno kay Carbajosa, nag-ulan kagab-i sa banwa, nga basi isa man sa rason nga nag-usmod pa gid ang duta.Pero bwas maga abot na ang tiglawas sang Mines and Geosciences Bureau, Provincial Disaster Risk Reduction Management Office kag Provincial Environment Management Office.Suno kay Carabajosa gina hulat nila ang pag pangusisa sang mga natungdan nga ahensya para mapat-od kun bala ang natungdan sinkhole gid man....

Sumugod sang kahapon, Pebrero 16, gin-lift na ang closed fishing season para sa conservation sang sardines, herrings kag mackerel sa baybayon sakop sang Visayan Sea.Ang commercial fishing ang sarang na liwat mapadayon kasunod sang tatlo ka bulan nga ban sang pagdakop sa amo nga mga species sang isda.Kada Nobyembre 15 ginapatuman ang fishing ban sa amo nga mga isda sa Visayan Sea para matagaan sang higayon ang mga isda nga makapang itlog kag mapadako anay ang mga bag-ong buto.Sakop sang closed season ang baybayon sang Capiz, Iloilo, Negros Occidental kag Cebu.*

Nagapanawagan ang obispo sang Diocese of San Carlos nga si Bishop Gerardo Alminaza sang peace talks sa tunga sang gobyerno kag New People’s Army angut sang sunod-sunod nga mga engkwentro kag insurgency killings sa Negros.Ginsiling sang obispo nga ang solusyon sa madugay na nga away sa tunga sang gobyerno kag mga rebelde amo ang malinong kag matawhay nga pagsugilanon.Dugang pa niya, madamo na nga kabuhi ang nadula kag mga tawhanon nga kinamatarong ang natapakan, rason nga kinahanglan na nga ma-istoryahan ini sang magtimbang nga bahin agud indi na magdangat pa sa pag-gamit sang armas.Handa nga maghatag sang suporta ang simbahan apang siling ni Alminaza gobyerno mismo ang may kapasidad nga magduso sang amo nga peace talks.Ini matapos nga nagpanawagan ang 3rd Infantry Division sang Phi...