Balita Hiligaynon

Sini nga hapon liwat nga naglupok ang bulkan Kanlaon.Mga las 4:40 sini nga hapon sang nagpagwa ang advisory ang Philippine Institute of Volcanology and Seismology nga naga padayon ang explosive eruption sang bulkan Kanlaon.Sa Barangay Ma-ao makita sa video nga ginpadala ni Nory Rivera ang naga itom nga plume halin sa bulkan Kanlaon.Sa Moises Padilla, kitaon man ang ginbuga sang bulkan sa video naman nga kuha si Rad Garcia.Pati sa Don Salvador Benedicto makita pa ang aktibidad sang bulkan Kanlaon.Sa video naman ni kagawad Bernie Rojo sang Barangay Araal sa La Carlota makita ang naga dulom nga kalangitan.Ang NDRRMC ang nag paandam na batuk sa ash fall sa mga LGU malapit sa bulkan.Antes sini nagpaandam na nga daan ang PHIVOLCS sang posibilidad sang liwat nga pag alboroto sang bu...

No hard feelings. Ini ang ginpahayag ni Negros Occidental Governor Eugenio Jose Lacson, kasunod sang pag disapprove sang Silay Sangguniang Panlungsod sang hinyo sang probinsya sang RONO para kuntani sa P1.1 billion nga bulk water project sini nga iga source out sa Hinalinan/Imbang River.Yari ang report ni Barbara Mijareshttps://youtu.be/wvx7n-8yECk?si=7zYiI_hE0SQbk5Pn

Gintiro sang gunman nga naga-angkas sa motorsiklo ang tricycle driver sa Purok La Roca, Barangay Sta. Rosa sa banwa sang Murcia, Miyerkules sang aga.Nagabiyahe sang tricycle ang 49-anyos nga lalaki kag siya ang may gindul-ong nga mga pasahero nga estudyante sa Lopez Jaena, antes nagluntad ang pagpaniro.Ginsiling ni Police Capt. Honey Labaro, hepe sang Murcia PNP, dead on arrival sa ospita ang biktima.Nag-gwa sa imbestigasyon nga ginsundan ang biktima sang duha ka mga suspek nga naga-angkasanay sa motorsiklo kag paglab-ot sa Purok La Roca, gintiro siya sang gunman.Ang mga suspek, nakasuksok sang bonnet kag hood.https://youtu.be/adwibgXtGgw?si=UmfWfu5_sUwIRZn_Naga-backtracking karon ang kapulisan sa posible CCTV cameras.Sa karon, wala pa sang may nakita nga moti...

Patay ang isa ka planter sang tubo kag pilason ang iya nga kaupod matapos nga gintiro sang wala makilala nga persona Martes sang hapon sa Sitio Sulbod, Barangay Santol sa Binalbagan.Ginkilala ang napatay nga planter nga si alias Rey, kag si alias Edgar naman ang pilason.Sa inisyal nga imbestigasyon sang PNP gina hawanan sang biktima ang alagyan sang truck sang may nagtiro sa iya. Igo sang bala sa ulo kag butkon ang ginkamatay ni Rey samtang pilas sa paa ang na agom sang iya nga kaupod.https://www.youtube.com/watch?v=mjyxI0H8QNkSa statement nga ginpagwa sang Romeo Nanta Command sang NPA, ila gina alegar nga si Rey isa ka intel sang army sa lugar. Ginatudlo man siya ang mga rebelde nga nagtukod sang intel network sa area. Ila na siya naistorya sadto apang nag sige siya sa g...

Ginapasiguro ni Police Colonel Eugene Rebadomia, Director sang Bacolod City Police Office sa mga magatambong sa Bacoloadiat Festival kag Negros Island Region Athletic Association Meet nga malinong ang siudad sang Bacolod.Ini ang kasunod sang mga reports sang pagpangawat kag pang hold-up sa siudad.Ginsiling niya nga may mga tikang na ang kapulisan agud tapnaon ang amo nga mga kriminalidad. Nagapanawagan man siya sa mga pumuloyo nga mangisog sa pag report.Sa piyak sang mga na report nga pagpang hold-up kag pagpangawat, ginsiling ni Rebadomia nga wala sang mga dalagko nga grupo sang mga kawatan ang naga operate sa siudad.300 tubtob 400 ka mga kapulisan ang natalana nga i-deploy sa tuigan nga Bacolaodiat Festival. Ini ang pagahiwaton sa mga key festival sites kaangay sang Bacolod City ...

May 107 ka mga indibidwal ang suno sa Department of Social Services and Development sang Bacolod City nga naga-istar sa gihapon sa mga kilid sang dalan sa siudad.Sa ginpatigayon nga mapping sang DSSD sadtong Pebrero 12 kag 13, may 22 ka mga pamilya kag 50 ka mga solo living individuals ang ila nakit-an nga nagapuyo sa kilid sang dalan.Sandig sa record sang DSSD, nagdiutay na ang mga pamilya nga nagaistar sa kilid dalan pero nagdamo naman ang mga solo living individuals.Apesar sang nagapadayon nga Anti-Mendicancy program sang siudad, ginsiling ni Alma Gustilo, Assistant Department Head sang DSSD Bacolod nga nagapanago ang mga ini kun adlaw rason nga indi sila dali-dali nga ma identify.Pero kun magsira na ang mga malls kun gab-i, dira sila nagatulog sa guwa.Kalabanan sa ila yara na...

Patapos ang pag panagtag sang emergency cash transfer sang Department of Social Welfare and Development sa mga apektado sang bagyo Tino sa banwa sang Hinigaran.Ini suno kay DSWD Regional Director, Arwin Razo nga nag siling man nga masunod naman sila nga maga panagtag sa sini nga semana sa tatlo ka iban pa nga LGU.Suno kay Razo, padayon man ang preparatory activities sa tatlo ka mga LGU, isa diri ang yara sa District 4 kag duha sa District 5.May mga 23,000 ka pamilya sa Hinigaran ang kabilugan nga maga baton sang assistance paagi sa ECT.Damlag pa ginsiling ni Mayor Mary Grace Arceo nga masobra sa 3,000 ang yara sa ila nga listahan sang may yara sang totally damaged nga mga balay kag masobra naman sa 19,000 ang may partially damaged nga balay.P10,325 ang gin baton sang mga may tota...

‎Nagpositibo ang 24 sa mga 400 tanan ka mga casual kag contractual employees sang Binalbagan LGU nga ginpaidalum sa drug test sang nagligad nga semana.‎Ini suno kay Binalbagan Mayor Emmanuel Aranda kon sa diin ginpahayag sini nga ang kontrata sang mga nagpositibo sa drug test nga empeleyado sang banwa ang gilayon nga untaton.Ang mga nagpositibo sa pag gamit sang iligal nga droga ang gikan sa nagkalain-lain nga department sang LGU.Ang mga casual kag contractual employees pa lamang sang Binalbagan LGU ang napaidalum sa drug test kag wala pa ang mga regular employees.‎Suno sa alkalde, seryoso ang Binalbagan LGU sa pagduso sang isa ka drug free nga workplace.“May positive gid, 24 kabilog. 400 to ang ginpa-drug test. Casual kag Contractual. Ang matabo sini, indi nagid pag-renew, indi ...

Ginkumpirmar ni Bacolod City Mayor Greg Gasataya nga wala sang honorary mayor kag adopted son ang siudad sa paghiwat sang Bacoloadiat sini nga tuig.Suno sa iya, ini bangud gusto sang Bacolaodiat Committee nga mangin simple lamang ang selebrasyon kaangay sang ginpatigayon nga lights on Ceremony sang Disyembre.Nakigsapol ang alkade sa komitiba nga nagapanguna sa tuigan nga Bacoloadiat Festival, ginkasugtan nila nga simplehon nalang ang selebrasyon bangud sa sunod-sunod nga mga bagyo nga naglabay sa siudad.Ginsiling ni Gasataya, nga iya ginarespeto ang desisyon sang komitiba, kag nagalaum man siya nga sa masunod nga tuig magabalik na ang naandan nga pagsaulog sang Bacolaodiat Festival.Suno kay John Stephen Sy, Presidente sang Bacolaodiat, sa masunod nga tuig maga appoint na sila liwat...

Ginahulat karon sang Silay City PNP ang resulta sang evaluation of documents sa mga affidavits nga ila ginpasa sa Prosecutor’s Office, may angut sa kaso sang mag-utod nga Bornales nga ginpanglampusan sang bato sa ila balay sa Brgy. E. Lopez sadtong Pebrero 7, 2026.Ginsiling ni Police Captain Judesses Catalogo, spokesperson sang Negros Occidental Police Provincial Office, nalakip sa ginpasa nga affidavits amo ang testimonya sang mga saksi kag sang ginikanan, nga amo ang complainant sa kaso.Suno kay Catalogo, gina-evaluate sang Prosecutor ang material value sang unod sang mga testimonya. Ila karon ginahulat kung ano ang mangin comment kag requirement sang Prosecutor sa kapulisan sang Silay, may angot sa pag-file sang kaso.Enkaso nga nagakaigo na ang mga dokumento, magapadayon na sila s...