Balita Hiligaynon

Nasapwan nga nagalutaw sang Sabado ang lawas sang isa ka lalaki sa dam sang National Irrigation Administration sa Barangay Consing sa EB Magalona.Suno sa PNP, una ini nakita sang isa ka nagapamunit sang Disyembre 27. Apang  nagdumdom siya nga lawas lang ini sang sapat kag sa iya liwat pag pamunit sang Sabado natukiban nga ini ang bangkay sang na missing nga si Richard Occeña, 46 anyos. Suno sa pulis, nagpauli nga hubog sang Disyembre 26 sang gab-i si Occeña kag wala na maka lab-ot sa ila nga balay.Posible nga natumba dala sang kahulugbon suno sa pulis ang biktima kag naanod sa suba.

Dakop ang tatlo ka mga katapo sang New People's Army lakip na ang isa ka lider sang hublag sa joint operation sang Army kag PNP sang Biernes sa Barangay Cambayobo sa banwa sang Calatrava.Ang operation ang gin patigayon bilang sabat sa mga reklamo sang pumuluyo sa Sitio Pinamactinan angut sa pag pangilkil sang rebelde nga grupo sa lugar. Dakop sa operation ang commanding officer sang SYP Platoon kag secretary sang Northern Negros Front nga si alias Rigor.Si alyas Rigor ang natukiban nga may yara sang pending nga murder case kag kaso nga paglapas sa RA 10591.  Nadakop man ang iya educational staff sang NNF nga si alyas Celo kag Alyas Cristel nga medical, finance kag educational staff man sang amo nga grupo.Nakuha sa ila ang duha ka caliber 45, isa ka caliber 9mm, apat ka rifle...

Capitol/file photoSang Biernes, ang mga city director kag provincial director sa idalom sang Police Regional Office 6 nga naga lakip kay Bacolod City Director Col Thomas Joseph Martir ang nag lagda sang ila nga courtesy resignation.Suno kay  Lt. Judesses Catalogo, public information officer  sang Negros Occidental PNP, as of press time wala pa sang opisyal nga pahayag sa bahin ni Provincial Director Col Leo Pamittan.Si Pamittan suno sa iya, ang padayon nga naga hulat sang advise sang National Headquarters. Nagpanawagan si DILG Sec Benjamin Abalos, Jr sa mga high ranking PNP officials nga maghatag sang courtesy resignation kasunod sang impormasyon nga may mga high ranking nga opisyal nga may kahilabtanan sa iligal nga droga.Nagapati si Governor Eugenio Jose Lacson nga ini...

Sa ika apat nga semana sang voter’s registration, nagdangat sa masobra 6,000 ang nag apply.Sa report sang Negros Occidental Comelec, 6,023 ang kabilugan nga nag apply para voter’s registration sa 4th week.Pinaka mataas ini sandig sa record  sang Comelec-Negros Occidental, humalin sang nagsugod ang amo nga registration.Ang datus ang naga lakip na sang Bacolod City kasubong man ang sa bilog nga kabanwahanan kag siudad sa probinsya. Ang Bacolod City ang naka record sang 2,084 ka application for registration sa 4th week. Sa kabilugan, humalin December 12 tubtob January 7, 15,829 ang total application for registration.Padayon ang paghaylo sang Comelec sa publiko nga sa mas temprano mag pa rehistro na kag indi na mag hulat sang last day sang registration. Tubtob Enero 31 ang v...

Isa ka kumpanya nga naka base sa China nga naga pang himo sang electric vehicle ang magapatukod sang electric vehicle plant sa bacolod city.Ini ang dala ni Bacolod City Mayor Albee Benitez nga balita sa iya nga pagbisita sa China kaupod si Presidente Ferdinand Marcos, Jr.  Suno sa alkalde personal niya nga na istorya ang Chief Executive Officer sang Jiangsu Fengchuen New Energy Power Technology Corporation kag ini ang nagpabalo sa iya nga sa Bacolod napilian sang kumpanya magpatukod sang planta sang eletric vehicle.Bagay nga gina pasalamatan naman sang alkalde.  May mga tiglawas na ang amo nga kumpanya nga naga padulong sa Bacolod. Chinese kag Korean ang nag collaborate para sa amo nga kumpanya.  Ang ila nga gina himo nga electric vehicle ang ginahimo nga public util...

[embedyt] https://www.youtube.com/watch?v=_rrDEETJN5s[/embedyt]Ipasirad-an ang Esplanade kay ginahimo nga halayan

ASF TF napatuman sang inspection sa mga salakyan samga entry points sang probinsya (photo: OPV)24.1 million pesos ang balor sang gina dumilian nga poultry products ang na intercept sang probinsya sang tuig 2022.Sa March 1 to December 31, 2022 nga report ni Dr Placeda Lemana, OIC-Provincial Veterinarian kay Governor Eugenio Jose Lacson, 24,106,154.74 pesos ang balor sang poultry products nga gina dumilian ang ila nga na intercept sa mga puerto, airport kag iban pa na entry points sa probinsya.Ini ang gin ship back sa point of origin ukon gin confiscate.Sang bulan lamang sang Disyembre, 2.6 million pesos ang balor sang poultry kag poultry related products ang na apprehend.Pila sa gina dumilian sang probinsya amo ang live wild k...

File photoAng pagkakas sa serbisyo sang apat ka mga empleyado sang Office of the Provincial Agriculturist ang gina lauman nga maga dala sang mensahe sa iban pa gid nga mga empleyado sang gobyerno probinsyal.Suno kay Provincial Administrator Rayfrando Diaz, gina tinguhaan sang probinsya nga mangin “understanding kag bisan pa gani lenient” pero daw kasubong lamang nga wala may naserbe nga leksyon.Sa bahin sang gobyerno probinsyal, luyag sini nga malikawan ang mga sitwasyon nga indi na available ang government assets bangud may yara sang naga abuso sini.Tatlo ka engineer kag isa ka project development assistant ang ginkakas sa serbisyo angut sa misuse of government vehicle.Hulyo 15 sang nagligad nga tuig, sang sila ang nagtambong sa meeting sa Victorias City. Pero nagdanga...

Bisan pa nga naghalog na ang Covid protocols, padayon nga mabinantayon ang probinsya. Ang publiko gina-abisuhan nga personal nga mangin vigilant.Damlag pa nag pahayag ang Department of Health nga gina paabot ang pagsaka sang kaso sang Covid-19 matapos ang holidays.Suno kay Provincial Administrator Rayfrando Diaz, padayon nga mabinantayon ang probinsya. Halos tanan gani sa gihapon ang naga gamit sang face mask.Ang molecular laboratory sang Teresita Lopez Jalandoni Provincial Hospital padayon ang operation kag sarang ini sa gihapon nga maka process sang 1000 ka tests sa isa ka adlaw.Wala naman gina patuman ang testing sa mga ports kag seaports bisan pa ang pag pangita sang vaccination cards sa mga naga abot sa airport kag puerto para magsanto sa national nga protocol, ang pan...

Patay ang 36 anyos nga si Jerald Gatilago matapos malumos sa suba sa Barangay Vista Alegre sa banwa sang Ilog.Suno sa PNP Miyerkules sang ulihi makit-an si Gatilago nga naga pungko sa kilid sang suba kag ini ang yara sa impluwensya sang makahulubog nga ilimnon.Posible suno sa pulis nga nahulog ini sa suba kag nalumos.Kahapon sang aga na recover ang iya sini nga bangkay.