Balita Hiligaynon

Naaktohan sang mga kapulisan ang tatlo ka mga persona nga nagadiskarga sang kinarton nga gin-alegar smuggled cigarettes halin sa tricycle sa Park Homes 2, Barangay Washington sa Escalante City sadtong Lunes, Pebrero 23, 2026.Gindakup ang tatlo ka mga persona nga ginkilala kay alyas “Mon”, 27-anyos; alyas “So”, 23-anyos kag alyas “Van”, 22-anyos.Nagpatigayon sang surveillance kag monitoring ang katapo sang Escalante PNP batok sa mga smuggled nga sigarilyo kag didto nadakpan ang tatlo.Narekober sa ila ang 1,383 ka reams kag 352 ka pakete sang nagkalain-lain nga brands sang sigarilyo kag isa ka tricycle.Sang Biyernes, nagpaandam si Interior Secretary Jonvic Remulla sa mga retailer sang smuggled cigarettes sa mga merkado nga sila ang masunod nga iga-raid kag pagakasohan.*

Ginahaylo sang Bureau of Internal Revenue nga makaparehistro sa ila ang mga baligyaan kag establisimiento sa bug-os nga Pilipinas.Ini ang kabahin sang ginlunsar nga nation-wide tax mapping ukon Counsel, Help, Assist, Taxpayers program sang BIR subong nga adlaw.Kaina sang aga, una nga ginkadtuan sang BIR ang mga baligyaan sa Sum-Ag Public Market sa siudad sang Bacolod nga may yara sang masobra sa 100 ka mga vendors.Ginsiling ni Christine Juliet Chua, Regional Director sang Revenue Region 12-NIR nga ang katuyuan sang amo nga programa ang pagpasanyog sang ihibalo sang mga vendors sang mga benepisyo nga makuha nila kon naka rehistro sila sa BIR.https://youtu.be/sXbz5UqzY5M?si=Txpv7QHeoeHl70H3Una nga na mapping si Sally Aroz, Presidente sang Sum-ag Market Vendors. Ginsilin...

Mga tul-an sang tawo ang nakit-an sang caretaker sa kampo nga sakop sang Hacienda Guanzon, Simon Peter Village sa Barangay Mansilingan sa Bacolod City.Nakasuksok sang itom nga bayo kag shorts ang kalabera. Sa bayo sini, may naka-imprinta nga “beach please”. Isa ka tsinelas nga skyblue ang nakit-an man malapit sa mga tul-an.May kabudlayan ang pulis sa pagtumod kun iya sang babaye ukon lalaki ang mga tul-an bangud naagnas na gid ini.Padayon pa nga gina-identify kung kay sin-o ang nasambit nga mga tul-an.Wala naman sang may na-report nga missing sa lugar.*

Nasapwan ang mga tul-an sang isa ka tawo sa Hacienda Lillia, Barangay Crossing Magallon, Moises Padilla Sabado sang hapon.Suno kay Police Major Ryan Villasario, hepe sang Moises Padilla PNP isa ka residente sang amo nga lugar ang naka kita sa bagkay.Ginapatihan nga isa pa gid ini sa mga casualty sang Bagyo Tino sang nagligad nga tuig.Wala pa makilala ang amo nga persona pero ginalauman nga pinaagi sa na recover nga kulintas kaupod sa mga tul-an makilala ini sang iya nga pamilya.Nagapanawagan ang pulis sa mga may nadulaan sang himata bangud sang paghalit sang bagyo Tino nga makig angut lang sa PNP.*

Patay ang isa ka persona, samtang duha ang pilason matapos mag bungguanay ang duha ka mga motorsiklo sa atubang sang isa ka convenience store sa Felisa Road, Barangay Mansilingan sa Bacolod City, Sabado sang kaagahon.Ginkilala ang napatay kay alyas “Ricky”, 50-anyos, samtang, pilason ang iya angkas nga si alyas “Jolly”, 21-anyos. Sila ang pareho residente sang Brgy. Mansilingan.Nakaangkon man sang mga pilas si alyas “Alejandro,” 38-anyos, taga Brgy. San Miguel sa Murcia, nga amo ang driver sang isa pa gid ka motor, nga imbulbado sa insidente.Nag-gwa sa imbestigasyon nga padulong norte sang Felisa Road ang Rusi nga motor nanday alyas “Ricky” kag “Jolly” sang sila ang nag-overtake sa isa ka wala pa mahibaluan nga salakyan, kag nakabunggo sa nagasugata nga motor ni alyas “Alejandr...

Ginaduso sang Sanguniang Panlungsod sang Bacolod City nga matigayon na ang paglunsar sang Waste-to-Energy program sa siudad.Ginsiling ni Councilor Homer Bais nga kon malunsar na ang programa, mangin dako ini nga bulig sa pag dispose sang mga basura sa siudad.Ginklaro man sini nga wala sang gastohon ang siudad sa pagpatuman sang amo nga programa bangud may mga private investors na nga maga-ako sang tanan.Ang private partners nga magasulod sa siudad ang may yara na sang clearances kag accredited na ini sang Department of Energy.Dugang pa, kinahanglan man sang private investors nga rentahan ang sanitary landfill sa Barangay Felisa agud makapatukod sila sang ila istruktura.Ginduso na sa karon sang SP ang pagpasar sang ordinansa kag ang pagplastar sang sanitary landfill agud...

Pag-announce ni Vice President Sara Duterte sang iya nga tuyo nga mag papili bilang presidente sa 2028 ang kabahin sang iya nga strategy.Ini ang pag pati ni Fr Arman Onion lead convenor sang Tama Na Negros. Sa sitwasyon sang bise presidente karon ang paglantaw ni Onion ang temprano nga pag deklarar ni Duterte sang iya nga tinutuyo sa 2028 ang para maka likaw siya sa mga gina bato sa iya.Suno kay Onion dapat indi magpadala ang pumuluyo sa amo nga stratehiya.Maga padayon sila suno kay Onion sang ila nga mga gina pakigbato kag padayon nga pasabton nila si Duterte.Sa pihak nga bahin, “good luck” naman ang mensahe ni Governor Eugenio Jose Lacson para sa presidential bid ni VP Sara.*

Isa ka misa kag pag martsa sa dalanon ang patigayunon sa Bacolod City sa pag dumdom sang ika 40 nga anibersaryo sang Edsa People Power Revolution sa Pebrero 25.Sa press conference nga gin patigayon kaina sang aga sang grupo nga Tama Na Negros, ONE-C, C3 kag CGGB ginsiling ni Fr Arman Onion, nga indi mag nubo sa 5,000 ang ila nga gina paabot nga maga buylog sa padayon nga panawagan kontra korapsyon kag sa kapigaduhon.Las 12:30 sang udto sa Miyerkules, maga sugod ang hilikuton sa isa ka misa sa steps sang Provincial Capitol. Ini ang pamununuan mismo ni Bishop Patricio Buzon.Pagkatapos sini sila ang maga martsa padulong sa public plaza kag maga tipon sa replica kun sa diin may yara sang programa nga iga sakdag.Nalakip sa mga eskwelahan suno kay Onion nga maga pakig bahin amo a...

Isa ka empleyado sang gobyerno ang nadakpan sa ginpatigayon nga drug buy-bust sa Barangay Canal, banwa sang Siquijor sa probinsya sang Siquijor.Ang nadakpan amo si alyas “Gilbert”, 37 anyos, naga-obra bilang assistant statistician kag residente sang Brgy. Poblacion sa Siquijor.Ginakabig sang otoridad si alyas “Gilbert” bilang isa ka High Value Target.Nakuha sa iya ang duha ka pakete sang ginasuspetsuhan shabu, buy-bust money, kag isa ka Mio nga motorsiklo.Ang probinsya sang Siquijor ang gindeklarar nga drug-free matapos nakapasar ang 134 sini ka mga barangay sa deliberation process sang Regional Oversight Committee on Barangay Drug Clearing.*

Nakigbahin ang mga alkalde sa Negros Occidental sa ginpatigayon nga Memorandum of Agreement ukon MOA signing kaupod ang Department of Education para sa Nationwide Classroom Building Program sa Malacañang sini lamang nga hapon, Lunes, Pebrero 23.‎Ginbaton ni Presidente Ferdinand Marcos Jr. ang nasambit nga MOA nga ginpirmahan sang DepEd kag mga alkalde sa pungsod.‎Suno kay Marcos, pinaagi sa sini nga programa ginahatagan sang mas dako nga papel ang mga City government nga magpatindog sang mga proyekto kaangay sang classrooms.‎Ang DepEd naman ang magatalana sang mga pagsulundan agud masiguro nga ang tagsa ka mga classroom ang mapag-on, safe kag nagasunod sa national standard.https://youtu.be/MBWm8LpG7nQ?si=V_50M9YLA9TwPbQi‎Agud mapasiguro nga mapatuman ang proyekto, iga...