Balita Hiligaynon

‎Nagpaguwa ang Department of Labor and Employment ukon DOLE sang Labor Advisory angut sa pay rules para sa EDSA People Power - Special (Working) Day sa bwas Miyerkules, Pebrero 25.‎Base sa Proclamation No. 1006, Series of 2025, ang Pebrero 25 ang ginakabig "ordinary working day" may kaangtanan sa "payment of wages" kag "wage-related benefits."Suno sa DOLE kun ang empleyado ang indi magtrabaho, ang “no work, no pay” principle ang pagasundon luwas lamang kon may yara sang "favorable company policy, practice, or collective bargaining agreement (CBA)" nga nagahatag sang bayad sa special day.‎Kon ang trabaho ang nahimo sa "ordinary working day," ang employer ang magabayad sang 100% sang employee’s wage para sa una nga walo ka oras (Basic wage x 100%).‎Kon ang trabaho naman ang n...

Wala sang klase sa pribado kag pampubliko nga mga buluthuan sa banwa sang Hinigaran kag Isabela, samtang ang mga Catholic Schools sa siudad sang Bacolod ang nag-suspend man sang klase sa pagdumdom sang ika-40 nga EDSA People Power Revolution.Sa Executive Order 008-2025 nga ginpirmahan ni Hinigaran Mayor Grace Arceo, suspendido ang klase kag trabaho sa government offices buwas nga adlaw.Kanselado man ang trabaho sa government offices kag klase sa banwa sang Isabela. Ini base man sa isa ka executive order nga ginpaguwa ni Mayor Miguel Angelo Yulo.Ginsiling ni Atty. Neil Yanson, Legal Officer sang Department of the Interior and Local Government nga may ara man iban nga mga LGU sa bug-os nga pungsod ang nag deklarar sang work and class suspension.Ginklaro niya nga apesar sang P...

Manugsakay sa iya motor ang isa ka lalaki sang siya ang gintiro sang gin-alegar mga katapo sang New People’s Army sa Purok Tuburan, Barangay Tapi sa Kabankalan City, Lunes sang hapon.Dead on arrival sa ospital si alyas Renante, 39-anyos, residente sang nasambit nga barangay matapos makaangkon sang igo sang bala sa iya ulo.Ginsiling ni Police Lt. Col. Gary Alan Resuma, hepe sang Kabankalan PNP, antes sang insidente, may nabaton na daan nga mga pagpamahog sa iya kabuhi ang biktima.Ginkilala ang mga suspek nga amo sanday alyas “R-Jay”, 30-anyos kag alyas “Makoy ukon Akiro”, 30-anyos, pareho miyembro sang New People’s Army kag residente sang Brgy. Trinidad sa Guihulngan City, Negros Oriental.Suno kay Resuma, natabuan nga nagapatigayon sang imbestigasyon sa isa ka separado n...

Gin lagdaan na ni Governor Eugenio Jose Lacson ang Deed of Donation para sa 8.6 nga ektariya sang duta nga maga serbe nga relocation site sa La Castellana.Ang duta ang para sa mga na displace bangud sang bulkan Kanlaon. Ini ang napahamtang sa Barangay Talaptap.Suno kay Governor Lacson yara na sa banwa sang La Castellana kun paano lubos nga magamit ang duta.Sarang man maka hinyo sang assistance ang banwa gikan sa national government sa pag develop sini.*

Mga alkalde sang 19 tanan ka mga siudad sa Negros Island Region ang nagbuylog sa MOA signing nga gin patigayon sang Lunes sa Malacañang angut sa nationwide Classroom Building Program.Ginpahayag ni Department of Education Negros Island Region Director, Ramir Uytico nga ang pag buylog kabahin sang united commitment sa pag pa bakod sang educational infrastructure kag pag pasiguro sang maayo nga bwas damlag para sa mga pamatan-on. Gin-una anay ang mga siudad.Sa pihak nga bahin may 16 ka mga banwa naman sa Negros Occidental ang nag padala sang Letter of Intent para sa amo nga program.Sa pagsulundan sang programa kabahin sa requirement ang sound financial judgement kaangay sang certificate of Good Financial Housekeeping, Seal of Good Local Governance ukon kaangay nga mga credential.Sa 16...

Nagdangat na sa 2,047 ang traffic violation nga na record sang Bacolod Traffic and Transport Management Department sa sulod sang halos duha ka bulan sini nga tuig.Sandig sa datus nga ginpaguwa sang BTTMD humalin Enero 1 tubtob Pebrero 19, ang pinakadamo nga violation amo ang wala nagasuksok sang helmet samtang nagadala sang motorsiklo.May ara naman sang 115 ka mga salakyan ang na tow na sang BTTMD, 33 ang na-clamp kag 63 naman ang nadakpan sa paglapas sang truck ban.https://youtu.be/MyUICl-4mT0?si=lqMaDPavh0-sUr8vAng traffic protocols ang hugot nga ginapatuman base sa mga ordinansa nga gina patuman sang siudad.Sandig sa ordinansa sang siudad sarang nga mamultahan ang mga nagalapas sa sini nga mga traffic ordinance sang 500 tubtob 1,000 pesos. Ang mga wala lisensya nga...

Duha ka units sang caliber .357 revolver kag duha ka units sang caliber .38 revolver ang narekober sang Criminal Investigation and Detection Group personnel gikan sa gin-alegar gunrunner sa Barangay Binicuil, Kabankalan City.Gindakop ang suspek nga si alyas “Nonoy”, 36-anyos, residente sang Brgy. 9 sa Kabankalan, matapos siya ang nagbaligya sang apat ka mga pusil sa pulis nga nag pakuno-kuno nga buyer.Wala sang may napakita nga permit ukon gun license ang suspek.Suno sa CIDG, imbulbado ang suspek sa mga gunrunning activities kag naga-operate sa Kabankalan kag kaiping nga mga banwa sa Negros Occidental.*

May mga tul-an sang tawo na naman nga nasapwan Martes lang sang aga sa Hacienda Maria Cecilia sa Barangay Crossing Magallon sa Moises Padilla.Sa report sang Moises Padilla PNP, isa ka nagapang tapas sang tubo sa kampo ang naka sapo sa mga tul-an.Suno sa hepe sang PNP nga si Police Major Ryan Villasario, posible nga tul-an ini sang isa pa gid sa mga nagkala-anod sang flash flood sa paglaslas sang bagyo Tino sang nagligad nga tuig.Sang Sabado may mga tul-an man sang tawo nga nasapwan sa banwa nga may kulintas pa pero tubtob karon wala pa makilala ang amo nga persona.Panawagan sang PNP sa mga nadulaan sang mga himata sang pagbagyo nga makig-angut lang sa ila nga talatapan.*

Senador Juan Miguel Zubiri ang nag-file sang bill nga naga duso sa pag hatag sa SRA sang gahum sa pag-monitor kag pag regulate sang sweeteners kag sugar substitute.Suno sa senador sa interview sang media, masubo nga wala sang safeguards nga mapatuman sang Sugar Regulatory Administration bangud wala sila sang jurisdiction sa artificial sweeteners kag sugar substitutes.Suno kay Zubiri nag hinyo man siya sa mga kongresista sa Negros kaangay kay 5th District Rep Emilio Bernardino "Dino" Yulo nga mag-file man sa ila nga bahin sang counterpart measure sa pag amend sang gahum sang SRA.Ang pag shift sa pag gamit sang artificial sweeteners karon sang mga kumpanya kaangay sang pila ka beverage companies gikan sa kalamay isa sa gina tudlo man rason sa pag sarurot sang presyo sini.Damlag pa gi...

Ipanagtag na buwas nga adlaw, Miyerkules, ang mga allowances sang mga atleta nga maga tiglawas sang siudad sang Bacolod para sa labing nahauna nga Negros Island Region Association Athletic Meet.Ang tagsa ka mga atleta ang makakuha sang ila allowance nga 10,500 pesos gikan sa siudad.Ginsiling ni Atty. Marty Go, Secretary to the Mayor, nga pagahiwaton buwas sa Bacolod City National High School Gymnasium ang pag-release sang allowances.Kadungan sini amo man ang send-off ceremony sang mga atleta.https://youtu.be/151TtCGgxT0?si=RxFR9odsv05aiNq6Nagpa-in ang siudad sang Bacolod sang 28.2 million pesos para sa mga kinahanglanon sang masobra sa 900 ka mga tiglawas sang siudad.Lakip diri amo ang ila allowance para sa isa ka semana nga kompetisyon, mga sporting gears, jersey...