Balita Hiligaynon

Duha ka gina alegar katapo sang  New People’s Army ang patay sa separado nga engkwentro sa Himamaylan City kag Guihulngan City.Patay ang isa ka wala pa makilal-an nga gina siling katapo sang NPA sa nag luntad nga engkwentro kahapon sang aga sa tunga sang hanay sang rebelde kag tropa sang 94th Infantry Battalion sa Barangay Carabalan sa siudad sang Himamaylan.Nag responde lang kahapon ang tropa angut sa report nga pag pangilkil sa Sitio Maliko-liko sang amo nga barangay kag didto nag luntad ang lima ka minuto nga firefight batuk sa ginabulubanta napulo ka gina siling myembro sang NPA.Na recover man sang militar ang duha ka M16 rifle, isa ka M4 rifle, 1 ka grenade launcher, isa ka rifle grenade kasubong man mga bala kag magazine pati na ang iban pa gid nga mga kagamitan. Samta...

Performance based bonus sang mga empleyado sang Kapitolyo Probinsyal ang gina paabot sini nga bulan sang Enero.Pero sa karon gina hulat pa ang guidelines gikan sa Civil Service Commission suno kay Provincial Adminsitrator Rayfrando Diaz.Malakip sa PBB ang mga permanent employees kasubong man mga casuals sa Kapitolyo Probinsyal. 60 percent sang sweldo sang tagsa ka empleyado ang maximum nga mabaton para sa PBB.Sang Disyembre tigayon nakabaton sang 50,000 pesos nga kabilugan nga  bonus ang mga empleyado sang gobyerno probinsyal kag ginpasalig naman ang pag process sang PBB sini nga Enero.

Gin aprobahan na sang selection board ang appointment sang maga pungko nga General Services Office head kag Assistant Provincial Accountant.Suno kay Provincial Administrator Rayfrando Diaz, sini lamang gin aprobahan sang selection board ang appointment ni Arnel Argusar bilang pamuno sang GSO kag Jamira Magbanua bilang Assistant Provincial Accountant.Suno kay Diaz kinahanglan na lamang ang concurrence sang Sangguniang Panlalawigan. Wala labot sini may mga iban pa gid nga na promote kag tigayon naman na fill up ang mga permanent nga position nga nabakante.Suno kay Diaz sini lamang na fill up na ang mga permanent position sa ospital, Provincial Budget kag Accounting Office kag iban pa gid nga departamento.“We are trying to strengthen ang  tanan ta nga departments by fil...

Construction sang MassKara Coliseum yara na sa 50 por siento. Halin kapin 800 milyones pesos nga loan contract para sa MassKara Coliseum Project,  nakasugtan sang siudad upod sa tagdumalahan sang banko kag contractor nga mapanubo sa 700 milyones pesos ang budget para sa proyekto.Suno kay Mayor Albee Benitez, natigayon nila nga ma-redesign ang coliseum agud magamit bilang convention center magluwas sa sports arena.Ang construction sang coliseum project ang yara sa 50 por siento humalin sang ginsuguran ini sang nagligad nga tuig. Ang pag re-purpose sang loan ang ginhinyo sadto sang alkalde agud magamit pa ang pondo para sa iban pa nga infrastructure project nalakip diri ang pagkaayo sang mga merkado sa siudad.

Mga market vendors nga ginpangkakas sa pwesto sa sidewalk malapit sa Libertad Market ang nagsulong sa Bacolod Mayor's Office sang kahapon.Naghinulat sa gwa sang City Mayor's Office ang mga vendors gikan sa Amelia kag Margarita Street sa Bacolod nga ginpang kakas sa sidewalk sang City Legal Office sang tinalikdan nga semana. Nag ayo sila nga maka istorya sa kay Mayor Albee Benitez.  Nagwa ang alkalde kag gin ayo sila nga mag hulat hulat lang kay may naka schedule pa ini nga press conference.  Pagkatapos sang press conference sila naman ang ginpasulod kag gin istorya sang alkalde sa isa ka closed door meeting.Isa sa mga nakig sugilanon sa kay Mayor Benitez amo si Romeo Monte nga taga Moises Padilla pa kag naga baligya sang mga utan sa higad sang karsada malapit sa bagsakan. ...

[embedyt] https://www.youtube.com/watch?v=JiTjDICh818[/embedyt]Malapit sa 900 ka mga Jo workers sang Bacolod wala sang mga assignments

[embedyt] https://www.youtube.com/watch?v=uN_cRx915II[/embedyt]Governor Eugenio Jose Lacson ang maga tinguha nga makig sapol kay Negros Oriental Governor Roel Degamo sini nga semana ukon sa masunod.Sang Disyembre pa naka-sugilanon si Governor Lacson kag Governor Degamo angut sa gina duso nga Negros Island Region. Ginpahayag damlag pa ni Degamo nga indi siya pabor sa pagbalik sang NIR kag pila sa iya gintudlo rason amo ang linguahe kag cultural diffrences.Damlag pa ginsiling ni Lacson luyag niya masugilanon si Degamo para mapat-od kun ano ang mga rason sa iya nga pag kambyo sang iya nga panindugan. Ang mga representative gikan sa Negros Occidental kag Oriental ang naga suporta sa pagbalik sang Negros Island Region.

Duha ka mga stall sa Manokan Country ang natalana nga serbehan sang closure order sang City Legal Office sang Bacolod. Natapos na ang plaso nga ginhatag sang siudad sa duha ka mga naga renta sang stall sa Manokan Country gani kun indi subong nga adlaw, sa buas serbehan sila sang closure order sang siudad. Suno sa kay City Legal Officer Romeo Carlos Ting, Jr., wala gid may nabayad nga kantidad ang naga renta sang amo nga mga stall kag ang isa sa ila ang nagpadulong sa Bacolod City Government Center sang Biernes indi para magbayad kundi para may ayo pa gid sang extension. Samtang, may dose pa gid ka mga naga renta sang stall ang kulang pa ang bayad sa siudad.  Kalabanan sa mga rason sang mga naga renta nga pigaw ang ila nga income.  Damlag pa ginpapanaugan sang closure ord...

Nakainom nga driver nakabunggo sang taxi driver, biktima yara lang sa hood sang salakyan samtang nagadalagan sang lima ka kilometro.Driver kag pamilya sang napatay nag aregolahanay. I-release subong nga adlaw ang 22 anyos nga driver sang salakyan nga naka bunggo kag nakapatay sa 58 anyos nga taxi driver nga si Leonilo Borbon sang Sabado sang kaagahon sa dalan Araneta sa Barangay Singcang-Airport sa Bacolod City.Ini matapos ang initial nga areglohanay sang pamilya sang suspek kag sa pamilya sang biktima. Nabungguan sang salakyan sang suspek sang Sabado si Borbon nga nag tabok sa dalan gikan sa iya ginkan-an sa atubang sang Goldenfields Commercial Complex.Matapos mabungguan, nag diretso pa sa pag drive ang suspek bisan yara na naka angut ang ulo snag biktima sa iya windshield. ...

Patay ang 17 anyos nga si John Michael Joaquin matapos maka bunggo sang kahapon ang iya sini ginadala nga motorsiklo sa highway sang Barangay Salvacion sa Murcia.Pilason man ang iya 18 anyos nga angkas. Sa imbestigasyon sang PNP, nagadalagan sa opposite lane ang motor kag ang Toyota Hilux kag sang mag lab-ot sa kurbada nga bahin sang dalan, naglapaw sa pihak nga lane ang motor.Didto kag  nag bunggo ini sa nagasugata nga Hilux. Dead on arrival sa ospital ang menor de edad samtang padayon nga gina bulong ang iya angkas. Gin-detain man sa Murcia PNP ang driver sang pick-up.