Balita Hiligaynon

Natalana ang isa pa gid ka public hearing sa EB Magalona angut sa Negros Bulk Water Supply Project sa Malogo River.Suno kay Governor Eugenio Jose Lacson sa ika duha nga public hearing, may yara pa man nga italakay bahin sa technical nga mga bagay sa proyekto pero tuyo sini nga mapatpat sa mga maga tambong sa pamaagi nga mahangpan sang tanan.Ang una nga public hearing ang ginpamunuan sang Department of Environment and Natural Resources paagi sa Environmental Management Bureau. Ini nga bagay ang mandatory suno kay Lacson.Pila sa mga feedback sa amo nga hearing nga tuman ka technical kag may ma palamangkutanon nga luyag pa gid nga ma klaruhan.Kun mag sugot gid man ang banwa sa amo nga proyekto suno kay Lacson, mangin priority ang EB Magalona bilang host sa bulk water project. ...

Caught in the act sa sini nga video ang isa ka lalaki nga naga-ula sang basura sa higad sang baybay sa Barangay Punta Taytay sa Bacolod City.photo grab from BCCO videoSang Mayo 24 natabo ang ini nga insidente kag ginpadangat ini sang isa ka concerned citizen sa Bacolod City Government.Sandig sa pagpang-usisa sang barangay, isa ka staff sang isa ka beach resort ang amo nga lalaki.Ginsiling ni Punong Barangay Cliff Orland Palma, nga ila na ginkadtuan ang amo nga resort agud mag-imbestigar. Suno sa pahayag sang tagdumalahan sang resort, ila kuntani itampok lang ang basura sa amo nga porsyon sang baybay kay nagapakay-o sila sang ila nga pika-pika.Dugang sang punong Barangay, matapos nga ginsaway ang pag-ula sang basura, ginmanduan man sang kapitan ang resort nga pagkwaon an...

Ang pagtipon-tipon sang isa ka pamilya para ululupod magpanyaga ang nagresulta sa isa ka trahedya.Contributed photoGin-arado sang isa ka truck ang ila nga balay nga nag resulta sa kamatayon sang isa ka iloy kag iya isa ka tuig nga anak samtang walo ang pilason.Nadulaan sang preno ang isa ka truck kag nagdiretso sa isa ka balay kun diin nagatipon-tipon kag nagapanyaga ang magpamilya sa Purok Super L, Barangay Pandanon sa banwa sang Don Salvador Benedicto, Lunes sang udto.Nawasak ang balay, patay ang iloy nga si “Judy”, 23-anyos kag ang iya bata nga si “JB”, naga-edad isa ka tuig kag napulo ka bulan...nalapakan siya sang truck.Sa karon, duha pa ang nagapabilin nga kritikal nga kahimtangan sa ospital.May anum pa gid ka mga pilason, lakip na ang duha ka mga menor de eda...

Nadulaan sang preno ang duag green nga Weapon Carrier Truck kag nagdiretso sa isa ka balay kung diin nagatipon-tipon nga nagapaniyaga ang magpamilya sa Purok Super L, Barangay Pandanon sa banwa sang Don Salvador Benedicto, mga las 12:55 sang udto sang Lunes, Mayo 25.Nawasak ang balay, samtang ginbawian sang kabuhi ang iloy nga si alyas “Judy”, 23-anyos kag ang iya bata nga si alyas “JB”, naga-edad isa ka tuig kag 10 ka bulan. Ang bata ang nalapakan sang guma sang truck.Sa karon, duha pa ang nagapabilin nga kritikal sa ospital. Sila amo ang ginkilala kay alyas “Larry” kag alyas “Melanie”, 51-anyos, residente sang nasambit nga lugar.Samtang may anum pa gid ka mga pilason, lakip na ang duha ka mga menor de edad kag apat ka legal aged nga mga indibidwal, pati na ang 58-anyos nga dr...

Sumugod Lunes, Mayo 25, nangin legal na ang pagbaligya sang 42 ka mga ambulant vendors sa North Capitol Road sa gwa sang Capitol Lagoon matapos nga tigayon na nila nga nakuha ang special permit nga gin-issue sa ila sang siudad sang Bacolod.Lunes sang aga, nagsapol si Bacolod City Mayor Greg Gasataya sa mga vendors agud masolusyonan ang ila mga concerns sa ila pagbaligya sa nasambit nga lugar.Isa sa mga gintalakay amo ang pagbutang sang siudad sang dugang nga mga suga sa North Capitol Road kag ang pagpatuman sang weekly nga flushing sa ginapwestohan sang mga vendors.Ginsiling ni Mayor Greg Gasataya nga ini palang ang pinakauna nga tion nga nahatagan sang permit ang mga vendors sa amo nga lugar.Plano man sang siudad nga i-regulate man ang mga vendors nga nasakpan sang vending...

Luyag na sang siudad nga matapos na ang pagkay-o sang Bacolod City Public Plaza sa bulan sang Hulyo.Ginsiling ni Mayor Greg Gasataya nga sandig sa kontrata sang siudad kag sang Tourism Infrastructure and Enterprise Zone Authority ukon TIEZA, dapat sang tinalikdan pa nga tuig ini natapos, apang, nagpangabay ang TIEZA sang extension.Suno sa alkalde, kinahanglan nga indi na mag lawig pa ang construction bangud madamo na sang negatibo nga komento ang publiko nahanungod sini.Madumduman nga kapin 300 million pesos ang budget para sa pagkay-o sang plaza kag sang fountain sa Bacolod City Government Center.https://youtu.be/ngG0eWQYdj8?si=8oNiEkCjpaRgOIyFDamlag pa, gintipon sang siudad ang mga barker sa palibot sang plaza agud ipropose ang plano sang siudad nga livelihood progr...

Makita sa video ang pagdaba-daba sang isa ka salakyan pasaka sa Mt. Hermit sa banwa sang Binalbagan, Negros Occidental, Sabado nga adlaw.Ang salakyan, isa ka Suzuki Ertiga 2020 model nga ginbakal sang tag-iya sang Enero sini nga tuig.Sakay sang salakyan ang apat ka miyembro sang pamilya gikan Himamaylan City nga magalagaw kuntani sa Hermit mountain, isa sa mga tourist spots sa banwa sang Binalbagan.Nag-gwa sa imbestigasyon nga nagpondo ang pamilya agud nga magpa-picture kag sa ila pag-gwa kag pagbalikid, nakita na lang nila ngha nagkalayo na ang salakyan.Suno kay Fire Officer 1 Exxon Ylosorio, fire investigator sang Binalbagan Bureau of Fire Protection nga base sa inisyal nga imbestigasyon, nag-overheat ang engine sang salakyan.https://youtu.be/J8Ws8qD41JI?si=F3c0roehx...

Las 3 sang hapon sang Sabado, matapos ang ila obra sa kampo, nagsugod inom-inom ang lima ka magpakaisa sa Lower Balicaocao, Barangay Orong sa Kabankalan City.La una sang kaagahon sang Domingo, naghinagaray sila nga maligo sa kanal para sa irigasyon nga iya sang National Irrigation Administration, malapit sa lugar kun diin nag-inom-inom ang grupo.Hinali nga naglumpat sa irigasyon ang 19-anyos nga lalaki kag wala na ini makabutwa.Ginsiling ni Police Lt. Nolly Gudaca, deputy chief sang Kabankalan PNP nga mga las 7 na sang aga sadtong Domingo sang makit-an ang lawas sang biktima, mga 500 tubtob 600 metros ang kalayuon halin sa ila ginpaliguan.Suno kay Gudaca, masulog ang bulyada sang tubig sa irigasyon bangud man sa pagtupa sang ulan sa nabukid nga area.Wala naman sang may ...

Yara na karon sa custody sang Cadiz PNP ang ginakabig “person of interest” sa pagpatay sa 38-anyos nga iloy nga ang bangkay nasapwan sa bakante nga lote sa Sitio Capayas, Barangay Sicaba sa Cadiz City sadtong Mayo 21.Ginsiling ni Police Lt. Daleen Grace Loreno, deputy chief sang Cadiz PNP, nadakpan sa buy-bust ang 21-anyos nga lalaki kag narekober sa iya ang isa ka .38 caliber nga pusil kag 11 ka gramos sang suspected shabu.Ang POI amo ang ginatudlo nga may kahimuan sa pagpatay sa biktima nga si alyas “Jen”.Udto sang Huwebes, magakuha kuntani sang kwarta sa lending firm ang biktima upod ang iya bana, apang nagpa-gas ang iya bana kag naghulat ang biktima sa waiting shed. Pagbalik sang iya bana, wala na ang iya asawa.https://youtu.be/0TkXMhg8B7Q?si=lPuGdON6qpFMZ_A2Nagha...

Masobra sa 500 ka ektariya sang humayan sa sur nga bahin sang Negros Occidental ang naigo sang tuman nga kainiton ukon moisture stress.Sa damage report sang Office of the Provincial Agriculturist nga gin-submit kay Negros Occidental Governor Eugenio Jose Lacson sadtong Mayo 22, nagdangat sa P16.2 million ang balor sang kahalitan tuga sang moisture stress sa pananum.P15.8 million diri ang sa humayan sa Silay City, San Enrique, Bago City, Pulupandan, kag Hinoba-an.Masobra naman sa P323,000 ang kahalitan sa high value crops sa Pulupandan.Suno sa Provincial Disaster Risk Reduction Management Office, pila man ka semana nga may mga lugar pwerte ang init rason nga nag apekto sa pananum. Pero, ginsiling ni PDRRMO head, Irene Bel Ploteña nga may mga lugar sa probinsya nga padayon an...