Balita Hiligaynon

Binalbagan Cares photoNagsugod na ang rekorida ukon pagpabalo sa publiko nga ginadumili-an na ang pagpanigarilyo sa mga public places sa banwa sang Binalbagan, Negros Occidental.Nagtukod ang local government unit sang Binalbagan sang Task Force Anti-Smoking nga ginalakipan sang katapo sang Philippine National Police, Municipal Health Office kag Traffic Management Unit Cares.https://youtu.be/4t5e1NLpryg?si=xRiH0rBsmlyGtaj1Sa idalom sang Republic Act 9211 ukon ang Tobacco Regulation Act of 2003, may yara sang smoke-free places nga ginadumilian ang pagpanigarilyo, lakip na sa mga pampubliko nga transportasyon, merkado, eskwelahan, ospital kag mga lugar nga may mga fire hazards.Suno sa task force, wala sang exemption ang layi kag pagadakpon ang mga nagalapas sini, tumando...

Liwat nga ginpangkakas sang Bacolod City Legal Office Enforcement Team ang mga extension sang mga stall sa sulod kag sa gwa sang Libertad Public Market.Sa sulod sang amo nga merkado, gin pangkumpiska sang enforcement team ang mga lamesa sang mga baligyaan bangud nagasablag na ini sa alagyan sang mga manugbakal.Ginsiling ni Enforcement Team Leader Levy Pangue nga daw indi na makapatuman sang flushing activity ang siudad bangud sa tuman ka gutok sa sulod sang merkado.Dugang pa niya, 15 na ka beses sini nga tuig ila gin pang kumpiska ang mga extension nga lamesa, apang ginabalik ini sa gihapon sang mga vendors.Samtang, liwat naman nga gin panghawanan ang gwa sang merkado ilabi na sa Amelia Street kun sa diin nagalabay ang mga depsahero nga salakyan.Ini bangud nga may mga p...

Fogging sa Brgy E Lopez sa SilaySilay CHO photo11 ka dengue related deaths ang gin-report sang probinsya sang Negros Occidental humalin Enero 4 tubtob Setyembre 15 sini nga tuig.2,889 naman ang kadamuon sang dengue cases nga na report sa nagkalain-lain nga banwa kag siudad. Kun ipaanggid sa kasubong nga tion sang nagligad nga tuig 38.22 percent ini nga mas manubo.Ginsiling ni Dr Ayessa Hugnatan, Provincial Health Officer 1, sa onse ka dengue deaths nga na-report, apat diri ang kumpirmado nga dengue.Ang apat ka iban pa ang ginkamatay bangud sang lain nga rason, ugaling paathag niya kun na hambal sang duktor nga ‘to consider’ dengue, gina report man ang kaso nga dengue related death.Ang tatlo ka iban pa sa 11 dengue deaths reported ang wala pa nila ma-review.Wala pa ...

Martes nga adlaw, ginpatigayon ang isa ka Committe Hearing sa pagpanguna ni Councilor Homer Bais, pamuno sang Committee on Environment, may angut sa iya ginaduso nga ordinansa nga magahimo sang isa ka joint-team para sa pagbantay kag pag-usisa sa mga aktibidad sa Sanitary Landfill sa Barangay Felisa.Ang ordinansa nga ginaduso ang pagatawagon nga Landfill Inspection, Monitoring, and Investigation Team ukon LIMIT. Suno kay Bais, ang composition sang ini nga team ang nagikan man sa nanari-sari nga mga grupo, lakip na ang mga Non-Government Organizations, Barangay Council sang Felisa, Bacolod LGU, kag iban pa nga mga ahensya sang gobyerno. Kun tigayon na nga mapasa ang ordinansa, ang ini nga grupo ang magpakigbahin sa tanan nga mga testing, kag aktibidad sa landfill. ...

Allan Tomquin video grab163 ka persona ang pre-emptive nga gin-evacuate sa La Castellana kag Canlaon City bangud sang mabunok nga ulan.Sa La Castellana, ang mabunok nga ulan nagtuga sang muddy stream flow.Ini ang sitwasyon sang Ibid Creek sa Sitio Tamburong sa Brgy Biaknabato 5:40 sang hapon sang Setyembre 15, sa kuha ni Kagawad Allan Tomaquin. Suno kay Tomaquin nagsugod ang pag ulan mga la una sang hapon sang Martes.27 ka pamilya ukon 92 ka persona ang ila nga gin pre-emptive evacuate sa daan nga barangay hall kag day care center. Temporaryo sila nga gin papauli pero sini nga gab-i sila ang maga balik sa evacuation center suno kay Tomaquin.Sini nga Miyerkules sang hapon liwat naman nga nag-awas ang creek suno sa kagawad.Suno kay Mayor Añejo Nicor may report man sil...

Maga request ang Office of the Civil Defense sang pag palupad sang drone sa palibot sang bulkan Kanlaon sa pag pasiguro nga wala sang artificial damming nga naga katabo.Ginsiling ni OCD Negros Island Region Director, Donato Sermeno, III, nga sila ang maga request sang bulig para sa drone operation gikan sa provincial government kag maga pakig angut sa Mines and Geosciences Bureau.Paathag ni Sermeno luyag nila nga mapasiguro nga wala sang artifical damming. Naga katabo ang artificial damming kun ang debris gikan ayhan sa landslide ukon volcanic debris man ang maga block ukon maga pugong sang pag-ilig sang tubig kun sa diin ang epekto amo ang pag tipon sang tubig.Kun indi ini ma aksyonan maga tuga ini sang flash flood ukon pag daludo sang debris paidalom.Padayon ang pag buga ...

Nagpatigayon sang isa ka rally ang nagkalain-lain nga mga grupo sa Bacolod City para mag pangayo sang sabat sa Department of Energy sa adlaw-adlaw nga rotational brownouts.Ginsiling sang Presidente sang Bukluran ng Mangagawang Pilipino Negros nga si Jun Año, nga ini na ang tion agud mag transition na ang gobyerno sa renewable energy.Suno sa iya, mga dalagko lamang nga korporasyon ang naga control sang kuryente, apang ang mga konsumedor sa gihapon ang nagaka apektohan.Nagapati ang grupo, indi sustainable ang coal kag gas bilang source sang kuryente, rason nga mas bentaha suno sa ila ang renewable energy, ilabi na ang solar panel para sa tagsa ka balay.Suportado man nila ang hagna nga ginaduso ni Bacolod City Lone District Representative Alfredo Abelardo Benitez agud mausisa ...

Wilson Villena photoHugot na nga ginapatuman sang Bacolod City Legal Office ang 1 by 1 meter nga pwesto sa kada vendor sa downtown area agud mas mangin malapad na ang alagyan sang publiko.Martes sang hapon, liwat nga ginbisitahan sang CLO Enforcement Team kaupod ang pamunuan sang federation sang mga vendors sa downtown area agud liwat nga ipahanumdum sa mga vendors ang nakasaad sa laye sang siudad.Ginsiling sang Presidente sang Federation of Bacolod Vendors Association nga si Lucelyn DelaPaz, nga nag pakighinun-anon na ang CLO sa ila kag nakasugtan na sundon ang 1 by 1 meter kag dapat indi maglapaw sa 5 feet ang kataason sang tagsa ka stall.Ginkasugtan man nga ang tanan nga stalls sa area ang kinahanglan may uniform nga mga payong agud mas manami ini lantawon sa dalan.S...

Papauli na kuntani ang lending supervisor sakay sang iya motorsiklo sang siya ang nakabunggo sa nagapondo nga wing van sa highway nga sakop sang Sitio Mohon, Barangay Binicuil sa Kabankalan City, Martes sang gab-i.Dead on arrival sa ospital ang 27-anyos nga biktima nga taga Himamaylan City.Nagwa sa imbestigasyon sang pulis nga gulpi lang nagbunggo sa likod sang nagapondo nga wing van ang motor nga halin Kabankalan City kag padulong sa Himamaylan.Ang wing van ang gikan sa Dumaguete City kag pakadto Bacolod City sang nagdesisyon ang driver, nga magpondo sang makadali sa higad sang dalan agud mangape.Suno sa driver sang wing van, iya gin activate ang hazard lights sang salakyan.Pahayag ni Police Lt. Col. John Ganzon, hepe sang Kabankalan PNP, may yara sang initial settleme...

Wala pa sa gihapon sang himata nga nag-identify kag nag-claim sa bangkay sang lalaki nga nasapwan sa higad sang baybayon nga sakop sang Galicia Baybay, Barangay 5 sa San Carlos City, Martes sang gab-i.Ginsiling ni Police Capt. Rodney Sarona, deputy chief sang San Carlos PNP, nahamtang ang bangkay sang lalaki sa St. Francis Funeral Homes sa San Carlos.Nakasuksok sang itom nga t-shirt kag maong pants ang lalaki, ginabulobanta 5 feet and 5 inches ang kataason, naga-edad 40 plus, kag may uyat ini nga flashlight nga may putos.Wala naman sang may nakita ang PNP nga foul play sa insidente.“May uyat ni siya nga flashlight nga nakaputos na bala kay nagapanulo allegedly according sa mga bystanders. Sa panagat, nagapanulo. Basi sa neighboring barangays pa ni siya, sa Brgy. Guadalupe. ...