Balita Hiligaynon

Gin-report sang Police Regional Office Negros Island Region, nga ila nadakpan ang lima ka gina-alegar miyembro sang New People's Army sa dalan Circumferential, Barangay Matab-ang sa Talisay City, Miyerkules sang gab-i, Abril 22.Ginkilala sang Criminal Investigation and Detection Group nga sanday:Glenmar Bacusmo, 48-anyos, residente sang Ipil sa Zamboanga Sibugay, gin-alegar squad leader sang North Negros Front kag Danny Boy Baguio, 25-anyos, taga Brgy. Buenavista sa Himamaylan City, squad leader sang Central Negros 2.Ang tatlo ka iban pa nga gin-aresto amo sanday Judy Caramihan 34-anyos, taga Brgy. Bagonbon sa San Carlos City; Julie Ann Balora, 26-anyos, taga Brgy. Santa Rosa sa Murcia kag Jerome Seballos 57-anyos, taga Brgy. Bata sa Bacolod City.Si Bacusmo ginakabig Rank 2...

Ginpalawig pa gid sang isa ka semana ang pag baligya sang mga ornamental plants sa Panaad.Suno kay Office of the Provincial Agriculturist Officer in-charge, Dina Genzola, natapos naman ang Panaad sa Negros Festival, pero gintugutan nga mag extend tubtob sa April 26 ang mga katapo sang Ornamental Farmers Association of Negros Occidental nga makabaligya.Yara sila sa gihapon malapit sa pool area sang Panaad Park.Ini sila mga ornamental kag flower growers nga ginahatagan man sang assistance sang probinsya.Sila ang naga haylo sa mga may luyag sa tanom nga magpadulong lamang sa Panaad. Tuyo man sini nga mahandaan ang liwat nga pag reactivate sang cut flower industry sang probinsya.

Nag anunsyo na ang DOST-PAGASA nga halin sa ENSO Alert and Warning System ukon ang pagbalik sang klima nga nagalakip sang pagkambyo sang temperatura sang kadagatan sa central and eastern tropical Pacific Ocean, karon isa na ini ka El Niño Alert.Buot silingon mas mataas ang tsansa sang pag develop sini sa masunod nga mga bulan padulong sa una nga binulan sang 2027.Magadala ini sang mas mainit nga klima kag pag bagtik sang duta sa pila ka nagkalain-lain nga mga lugar sa Pilipinas.Nalakip man sa warning ang mas madamol nga pag ulan sa tion sang Habagat season.*

Ang Environmental Management Bureau ang aktibo nga naga track ukon naga monitor sang kalidad sang hangin sa Negros Island Region.Sa April 22, 8am nga monitoring sini, yara sa “good” tubtob “fair” ang Air Quality Index sa mga nagkalain-lain nga stations.Ang station sa Bacolod kag Canlaon nag-report sang “good” air quality. Samtang yara naman sa “fair” ang air quality nga gin-report gikan sa La Castellana kag La Carlota City Stations.Suno kay Vicente Losbanes ang EMB NIR Director, damlag pa nag report sang unhealthy air for sensitive groups ang station sa La Carlota kag very unhealth air ang station sa La Castellana.Ini bangud sang ash emissions tuga sang bulkan Kanlaon.Padayon ang pahanumdom sang EMB sa publiko nga naga lakip sa pagsira sang mga bentana sa mga balay kun ...

Tigayon na nga ginpatuman sang siudad sang Bacolod ang isa ka hotline agud magtatap sa mga reklamo sang pumuluyo may kaangtanan sa suplay sang tubig.Ginsiling ni Mayor Greg Gasataya nga bangud sa kadamuon sang reklamo nga napadangat sang publiko sa BACIWA-PrimeWater, ang hotline magabulig tipon sang mga concerns agud mahibaluan ang nagakaigo nga tikang sa pag lubad sang kakulang sa tubig.Padayon man ang pag-monitor sang siudad sa epekto sang malawig na nga dry spell.Nakigsapol sa liwat ang alkalde sa tiglawas sang BACIWA-PrimeWater Martes nga adlaw. Sandig sa ila nga report, ang 87 million liters per day nila nga suplay nagligad nga mga inadlaw ang nagsaka na sa 89 million liters per day.Ini ang manubo sa gihapon ikumpara sa 100 million liters per day nila nga suplay antes ...

Sa bag-o nga school year ipatuman na sang Department of Education ang three term school calender.Sa June 8 maga bukas ang klase para sa maga bukas nga school year. Suno sa DepEd, gikan sa sadto anay 4 grading period, mangin three terms na lamang.Tuyo sini suno kay Almyr Caezar Dequiña ang spokesperson sang DepEd NIR nga indi ma interrupt ukon mangin tayuyon ang contact time sa mga estudyante kag indi ma istorbo sa mga extra kag co-curricular activities.Suno kay Dequiña, may yara sang set of activities nga ipatuman para sa end of term block.Sa three term school calender pareho sa gihapon ang kadamuon sang school days kag amo sa gihapon ang mga competencies.“Ang salient feature sini, basically gina address naton ang uninterrupted nga contact time with students. Because wi...

Nagsugod na suno sa Land Transportation Franchising and Regulatory Board ang pag release sang P5,000 nga fuel subsidy para sa mga driver sang depasahero nga Jeep.Suno kay LTFRB NIR Director, Gerry Llena, Lunes nag sugod release sa mga operators kag sa mga drayber nga may yara sang GCash ukon Paymaya.Sa ini nga paagi mapagamay ang risgo sa cash exposure ang LTFRB.Pero sa mga wala gid sang GCash ukon Paymaya suno kay Llena, ipalab-ot sa gihapon ang fuel subsidy paagi sa actual nga cash distribution.Mga drayber sa depasahero nga jeep kag taxi ang nalakip diri suno kay Llena.Ang kadam-an sa mga drayber nga maga baton ang yara sa Bacolod City bangud man sang sahi sang transportation nga gina gamit sa siudad.Damlag pa ginpatigayon na ang fuel subsidy distribution sa mga t...

Dead on arrival sa ospital ang isa sa mga founder sang RGS Global Marketing, nga ginakabig isa ka investment scam, matapos siya ang gintiro sa Lopez Jaena Street, Barangay 2 Poblacion sa banwa sang Hinigaran, pasado las 7 sang gab-i, Martes, Abril 21.Naga-inom-inom sa tiyangge ang biktima nga si alyas “Henjie”, 40-anyos, upod ang kagawad nga si alyas “Novem” sang magpalapit ang gunman kag gintiro sa ulo si “Henjie”.Na-igo naman sang stray bullet ang kagawad sa iya nawala nga kamot kag karon ginabulong sa Hinigaran Medical Clinic.Narekober sa crime scene ang duha ka empty shells sang 9mm kag isa ka deformed fired bullet.Padayon karon ang pursuit sang kapulisan agud makilal-an ang nakapalagyo nga gunman.Si “Henjie” ang naka-agi dakup sadtong Agosto 25, 2022 sa kaso nga sy...

Isa ka planta sang gin-alegar counterfeit cigarettes ang nadiskubrehan sang awtoridad matapos nagpatigayon sang inspeksyon sa Purok Rosas, Barangay Calumangan, Bago City, Martes nga adlaw, Abril 21.Didto kag nadakpan ang siyam ka mga Chinese nationals kag apat ka mga Pinoy. Samtang, may isa pa gid ka Chinese national ang at large.Ang nasambit nga operation ginpangunahan sang katapo sang Police Regional Office - Negros Island Region Regional Intelligence Division sa bulig sang Business Permits and Licensing Office (BPLO).Nakita sa warehouse nga nagaserbe bilang pabrika sang smuggled cigarettes, ang tatlo ka loader machines, tatlo ka packaging machines kag nanari-sari nga paraphernalia nga amo ang ginagamit sa paghimo sang iligal nga sigarilyo.Sa follow-up operation, natukiba...

Isa sa 19 nga napatay sa engkwentro sa tunga sang New People’s Army kag 79th Infantry Battalion sa Barangay Salamanca, amo ang Bacolodnon nga si RJ Nichole Ledesma, writer-editor sang Paghimutad - Negros Island Alternative Media.Gin-identify kag gin-claim sang iya pamilya ang bangkay ni Ledesma nga yara sa funeral parlor sa Toboso, kahapon Martes, Abril 21.Sa isa ka pahayag, gina kasubo sang Altermidya Network ang pagkapatay sang ila nga kaupod nga si Ledesma nga naga serbe writer kag editor sang Paghimutad Negros kag regional coordinator sang Altermidya sa Negros Island.Suno sa Altermidya yara siya sa area para sa community work kag immersion reporting sa epekto sang renewable energy projects.Ang 30-anyos nga si Ledesma ang taga-Villamonte sa Bacolod kag nagtapos sa kurso ...