Balita Hiligaynon

8 ka barangay nalakip sa nagbaton sang Seal of Good Local Governance, 12 ang ginkilala bilang best performing barangay sa Bacolod. Ang gulayan sa barangay nga yara sa kilid sang baybay sang Barangay 1 kabahin sa mga kabangdanan nga liwat nakilala ang Barangay 1 Bilang Best Performing Barangay sa 2023.Nalakip man sa ginpasidunggan sa Pabugal 2023 awarding ceremony sang Department of the Interior and.Local Government bilang best performing barangay ang Barangay 17,18, Alangilan, Pahanocoy kag Sum ag.Ginpasidunggan man ang Barangay 5,32, Montevista, Pahanocoy kag Vista Alegre sa bahin sang anti- drug abuse campaign.Nalakip naman sa shortlist sang nagbaton sang Seal of Good Local Governance ang Barangay Taculing, Mansilingan, Bata, Felisa, Granada, 15, Montevista kag Pahanocoy.

Mga baligyaan sang palupok sa reclamation area ang gin atake sang mga kawatan. Wala pa nakabukas ang mga baligyaan sang palupok sa likod sang mall sa reclamation area.Pero humalin sang nagligad nga semana makaduha na ka beses nga gin-sulod sang wala makilal-an nga mga pamatan-on ang mga stalls kag ginkuha nila ang mga cellphone kag mga pagkabutang sang mga trabahador.Gani hugot nga ginapabantayan karon sang mga tag-iya ang mga baligyaan samtang ginaproseso pa ang ila mga requirements antes sugdan ang pag display sang ila mga produkto.Ginpakudalan man nila ang lugar agud indi masulod sang mga kawatan.

Kun mag abot ang tion nga kinahanglan nga mag gamit liwat sang face mask ini ang ipatuman.Ini suno kay Negros Occidental Governor Eugenio Jose Lacson sa tunga sang panawagan sang liwat nga pag gamit sang face mask kasunod man sa pagsaka sang kaso sang influenza like illness kag lakip na sang sitwasyon man sa bahin sang ikaayong lawas sa iban nga pungsod.Sa karon suno kay Lacson, gina hulat ang abiso sang Department of Health angut sa “walking” pneumonia kag humalin pa man sadto ang probinsya ang naga patuman sang tikang santo sa gina pa gwa nga pagsulundan.Ang DOH sang Miyerkules ang nag report sang apat ka kumpirmado nga kaso “walking” pneumonia nga kabahin sang na record nga influenza like illness nga mga kaso as of Nov. 25.Indi ini bag-o nga pathogen suno sa DOH kag ...

Nagdangat na sa 18 ang napatay sa pagkahulog sang bus sa may "killer curve" sa banwa sang Hamtic sa Antique.Ang pinaka ulihi nga nag dugang sa mga nagkalamatay amo si Arianne Raiven Mejia.Sa post sang iya sini nga iloy nga si Venus sa Facebook, i-surprise siya kun tani ni Arianne sa iya nga pagpauli.Na surprise siya matuod pero ang ini nga surpresa amo ang iya gina kabig nga heart breaking.Nakabaton sang tawag si Venus gikan sa ospital kag iya naabtan didto nga unconscious na si Arianne.Masobrta sa 24 oras man ang pagpakigbato ni Arianne para mabuhi pero napatay siya.Martes sang hapon sang nahulog sa banglid sa Hamtic ang Ceres Bus. Sa karon 18 na ang patay, 6 ang yara sa critical nga kondisyon kag 4 ang estable na.Ginsabat sang tagdumalahan sang Vallacar...

Reklamo nga grave threat kag alarm and scandal napasaka na sang mga staff sang restobar batuk sa isa ka intel officer sang NBI.Paagi sa regular filing napasaka na sang manager kag waiter upod sa tagdumalahan sang restobar ang reklamo nga grave threat kag alarm and scandal batuk sa intelligence officer sang NBI Bacolod nga gin alegar namahog kag nagpakita sang pusil.Sa ginpadala nga statement sang management sang restobar sa Digicast Negros, ila ginpahayag nga nagapanindugan sila upod sa mga staff agud matagaan hustisya ang natabo nga pagpamahog sang intel officer nga si Jana Marie Navales sa pihak man nga nangayo na ini sang pasaylo.Ginsiling man sang waiter nga asta subong halos indi pa siya mahim-os sa natabo ilabi na nga siya ang nag atubang sa intel officer nga sadto nag...

Notice to vacate gin issue Bacolod sang City Legal Office sa malapit 150 ka residente sang Brgy 12.Ginsuguran na sang City Legal Office ang pag-issue sang Notice to Vacate sa masobra 150 ka mga illegal settler families lakip na diri tag iya sang mga illegal structures nga sarang maapektuhan sang natalana nga development project sang SM Prime Holdings Incorporated sa Manokan Country sa Barangay 12.Ginsiling ni City Legal Officer Romeo Carlos Ting, Jr., nga pending sang mangin resulta sang negosasyon nagpadala na sila sang notices kag demand letter bilang pagsunod sa napirmahan nga kasugtanan upod sa SMPHI.Enero 8 ang gintalana nga deadline sang City Legal Office para sa mga residente.Gani liwat nga magasugilanon si Punong Barangay Ely Alcantara sa alkalde agud nga mataga...

Nagpadulong kaina sang aga sa talatapan sang Provincial Comelec ang duha ka mga anay nagpapili sa Barangay Elections sa Marcelo, Calatrava para ipadangat ang ila kabalaka kasunod sang gina alegar pag misrepresent sa COMELEC - Negros Occidental.Suno kay Maximo Rezaga, sadtong Nobyembre 10 nag lab-ot sa ila igtalupangod nga may nag padulong sa Barangay Hall sang Marcelo nga nag pakilala tiglawas sang Provincial Comelec.Gina alegar nga may mga folders ini nga ginkuha gikan sa barangay nga ginsulod sa karton kag ila nga ginbitbit.Bagay nga suno kanday Rezaga kag kaupod sini nga si Joy Parlocha naghatag sa ila sang kabalaka.Suno kay Provincial Elections Supervisor, Ian Lee Ananoria, , gin-abisuhan na sila nga mag execute sang affidavit kag mag sulat sang formal complaint kag...

Patay ang 59 anyos nga si Nilo Abrasado Argoncillo, Sr., matapos nga malumos sa Sitio Looc, Brgy. Tampocon I ,Ayungon Negros Oriental Miyerklues sang aga. Sa imbestigasyon sang PNP, sa panaysayon sang anak sang biktima, nanagat ang iya amay Martes sang kaagahon.Iya man ginsiling nga nangisda nga naka inum ang iya amay.Naglangoy langoy pa ini kag nalumos.Ang rescue team sang Ayungon kag Philippine Coast Guard nagpatigayon sang search and rescue operations kag narecover ang bangkay sang biktima kahapon.Suspetso sang pamilya, posible nga na cardiac arrest ang biktima samtang naga langoy kay mataas ang iya nga blood pressure.

Tropa sang Army kag gina alegar katapo sang NPA nag engkwentrohanay sa Brgy. Buenavista, Himamaylan City Nakuha ang M-16 rifle sa nagluntad nga engkwentro sa Brgy. Buenavista sa Himamaylan City kaina sang kaagahon.Suno sa kay Lieutenant Colonel J-jay Javines, spokesperson sang 3rd Infantry Division sang Philippine Army, nagapatigayon sang combat operations ang 94th Infantry Battalion tubtob nga nag sugat-anay sila sang apat ka mga katapo sang Sentro De Gravidad Platoon, Central Negros Front 2, Komiteng Rehiyon-Negros, Cebu, Bohol, Siquijor.8 ka minutos ang bayluhanay sang lupok kag nabilin sa lugar ang isa ka M16 rifle, magazines, kag mga subersibo nga dokumento kag mga personal nga kagamitan sang NPA.Nagapadayon sa karon ang hot pursuit operation sang militar sa mga nabilin...

Wala na sang may nag-file sang Certificate of Candidacy para sa pagka presidente sang Liga ng Barangay sa Bacolod magluwas kay incumbent liga president Punong Barangay Lady Gles Pallen sang Barangay Taculing.Kasubong ni Pallen, unopposed man si Barangay Mansilingan Punong Barangay Franz Tionko sa pagka bise president kag Barangay Vista Alegre Punong Barangay Lindy De Leon nga liwat man nag-file sang COC bilang auditor sang liga.Sa napulo ka mga nagfile sang COC bilang katapo sang board of directors, siyam ang naka file sang kompleto nga requirements.Nalakip diri sanday Punong Barangay Rodney Carmona sang Sum-ag, Yolanda Noble sang Pahanocoy, Rommel Flores sang Villamonte, Baldo Benjamin sang Banago, Jerry Tingson sang Estefania, Armando Vito sang Granada, Elmer Villanuva san...