Balita Hiligaynon

Fake news. Ini ang pagkabig sang Malakanyang sa gina pasa-pasahan nga Proclamation Number 427 nga naga deklarar nga ang Biyernes nga adlaw, Disyembre 22 mangin half working day para matagaan ligwa ang mga Pinoy nga maka biyahe pauli bangud gina paabot nga maga dinaguso ang mga salakyan nga maga biyahe.Ang Official Gazette of the Republic of the Philippines ang gilayon naman nga nagpaathag nga ang amo nga proclamation nga may pirma ni Presidente Ferdinand Marcos Jr., ang peke.Paandam nila sa publiko, magkuha lamang sang impormasyon sa mga official government sources para indi mabiktima sang fake news.

Kadamuon sang nag postibo sa drug test sa Kapitolyo Probinsyal ang indi man makabig nga alarming.Pero ila atubangon ang konsekwensya sang ila na nangin aksyon.Ini suno kay Negros Occidental Governor Eugenio Jose Lacson nga nag paathag nga may mga 4,000 ka regular, casual, contract of service kag job order workers ang kapitolyo probinsyal.Gani ang 20 nga nag positbo sa pag gamit sang iligal nga droga kag ang 16 ka iban pa nga nakit-an may faint traces sang shabu ang pila man lamang ka porsiento sa kabilugan.Gina hulat pa sang probinsya ang dugang nga test kits.Suno kay Lacson sini man nga bulan sang Disyembre ipatuman ang confirmatory test sa 36 nga nagpositibo kag may faint trace sang shabu.Sa pagsulundan, ang mga casual, COS kag JO nga mag positibo ang indi n...

Isa ka menor de edad ang nasapwan nga may pilas sa ulo kag naga higda sa kaugalingon sini nga dugo mga las dose sang gab-i sang Lunes sa Purok San Jose 2, Barangay Sum-ag siudad sang Bacolod.Gindala sa Corazon Locsin Montelibano Memorial Regional Hospital ang biktima kag napatay sa pagkasunod nga adlaw. May pilas siya sa likod sang iya nga ulo.Suno kay Police Captain John Michael Tuburan ang hepe sang Police Station 9 nga ang biktima ang ginkilala sang iya nga mga himata. 14 anyos siya.Sang nagligad nga sinemana nadala ang biktima sa kaso sang kinawatay.Dugang pa ni Tuburan ini karon ang isa sa mga anggulo nga ila gina usisa sa pagkilala sa pagpatay sa iya.

May yara na sang person of interest ang mga kapulisan sa pagpatay sa isa ka drug personality sa Ylagan Extension, Brgy. 6, San Carlos City sang Lunes sang gab-i.Suno kay kay Police Major Ryan Villasario, Deputy Chief of Police sang San Carlos City Police Station, nagatindog sa kilid sang dalan ang biktima nga si Peter Paul Orbida, 39-anyos sang ini ang gintiro sang suspek sang makapila ka beses nga nagresulta sa iya kamatayon.Gilayon naman nga nagpalagyo ang suspek.Isa sa ginalantaw sang PNP nga anggulo sa krimen ang lansihanay sa iligal nga druga bangud nga drug personality ang biktima.Apang nagapadayon ang imbestigasyon sa krimen.

Duha ka mga naga busong nga katapo sang NPA ang na rescue sang 11th Infantry Battalion, 302nd Infantry Brigade sang Philippine Army kag PNP sa bulig man sang local government unit sang Siaton, Negros Oriental.Si alias Sarah kag alias Aubre naga busong sang lima kag siyam ka bulan kag may mga ranggo ang na rescue sa Barangay Tayak.Samtang may duha na naman ka mga NPA ang nagsungka man sa Community Support Program sa Barangay Sta. Catalina sa Negros Oriental.Ginkilala sila bilang si ka Delfin kag Ka Bombo.Gin turn-over man nila sa militar ang ila nga mga armas.Padayon ang panawagan sang army sa mga rebelde nga magbalik na sa sabak sang gobyerno kag isaulog nga malinong ang paskwa kag bag-ong tuig kaupod ang ila nga mga pamilya.

Dengue sa Western Visayas ang nag dangat sa 7,500 cases.Sa morbidity week 49, may 86 ka ang bag-o gin-report nga dengue cases.Humalin Enero tubtob December 9, nag lab-ot sa 7,563 ang dengue case sa Region 6 suno sa Department of Health.Pero kun ipaanggid sa kasubong nga tion sang 2022, 50 percent ini nga mas manubo.Sa mga bag-o nga dengue cases nga gin-report, ang Iloilo Province ang may pinaka mataas sang kaso nga gin-report - 29 new cases, naga sunod ang Aklan Province - 20 new cases kag ikatlo ang Capiz nga may 17 new cases.Ang Antique kag Guimaras may zero new cases.Ang Bacolod naman may 2 new cases kag ang Negros Occidental 8 new cases. Wala sang bag-o nga dengue death nga na-report sa Western Visayas suno sa DOH.

Ginaduso sang Western Visayas Regional Development Council ang pagtukod sang Guimaras Strait Commissio nga ginalauman nga amo ang maga dumala sa pag secure kag pagpangapin sang baybay sa baylo nga may separado nga pagsulundan ang mga Local Government Unit sa nasakpan sang Guimaras Strait.Suno kay Mayor Albee Benitez nga naga serbe chairperson sang RDC, ang commission ang kabahin mga tikang para sa plano nga himuon bilang seafood capital sang pungsod ang Western Visayas.Nagapati ang alkalde nga dako ang potential sang rehiyon nga mapabaskog pa ang ekonomiya paagi sa mga ginapabugal nga seafood products kasubong sa mga shellfish, talaba, diwal kag iban pa.Paagi man sa naaprobahan nga Blue Economy Bill sa kongreso ginalauman sang alkalde nga mas mapasanyug pa ang marine product...

[embedyt] https://www.youtube.com/watch?v=-DyxkpaGBu4[/embedyt]Wala sang Albee Vs Greg sa 2025. Ini ang gin-anunsyo mismo ni Mayor Albee Benitez sa pihak sang iya ginakabig kutcho-kutcho.

Sa public hearing sang Committee on Transportation and Traffic nangin palaligban ang dugang nga P4 nga saka sa plete kun matigayon ang pagpatuman sang lima ka mga dugang nga rota nga magabyahe sang igatalana nga transport hub sang Ayala Capitol Central.Suno kay Councilor Al Victor Espino, sarang man maka apekto ang dugang nga mga rota sa ginapatuman nga contract of service sang mga transport operators sa Local Public Transport Route Plan sang LTFRB.Gani pabor man siya plano sang LTFRB nga sa Enero na ipatuman ang pagdugang sang lima ka mga rota.Nalakip sa mga 5 ka mga new routes nga maga byahe pa-Ayala ang mga modernized jeepney nga nagabyahe Fortune Towne - Central Market, Alijis - Central Market, Eroreco Central Market, Shopping - Libertad kag Homesite - Central Market.

Police help desk kag dugang nga kapulisan gintalana malapit sa mga simbahan kag Business Process Outsourcing firm karon nga paskwa.May mga gin deploy na nga mga pulis nga maga serbe sa mga help desk nga gintalana malapit sa mga simbahan sa pagsugod sang misa de gallo sa Bacolod.Suno kay Bacolod City Police Office Director, Col. Noel Aliño, nagtalana man sila sang dugang nga police visibility patrol vehicles pati sa mga BPO firms agud mapaiway ang pagluntad sang krimen karon nga bulan sang paskwa.Nakigsugilanon naman siya sa katapo sang Muslim Community nga nagpasalig sang bulig agud mapabaskog ang kampanya angut sa peace and order.Natalana man nga mag inspeksyon ang kapulisan sa mga baligyaan sang palupok sa reclamation area kabahin sang tikang agud mapaiway ang baligya...