Balita Hiligaynon

Positibo nga ginkilala sang iya iloy ang lalaki nga nasapwan patay sa Bangga Adam, Barangay Pahanocoy sa Bacolod City kahapon Huwebes, Marso 5.Ginkilala ang biktima kay alyas “Welthon”, 32-anyos kag residente sang Barangay Tangub sa Bacolod.Nakit-an sang mga naglabay nga driver sa Bangga Adam ang biktima nga nagahapa, may mga pilas sa pa-a, liog kag ulo.Ginsiling ni Police Captain Sherwin Galupar, hepe sang Station 8 nga ila pa ginahulat ang resulta sang examination sang SOCO kag autopsy report agud mapat-ud kung ano ang mga samad nga naangkon sang biktima kag ang kabangdanan sang iya kamatayon.*

Wala sang may natabo nga abduction. Ini ang gin klaro sang San Carlos PNP sa tunga sang naglapta sa social media nga may yara kuno sang gin-abduct nga 28 anyos nga babaye sa Barangy Prosperidad.Sa press conference nga gin pamununuan ni Lt Col Nazer Canja, iya ginsiling nga ang San Carlos City Police Station paagi sa Tactical Operations Center, ang nag responde sa 911 call sadtong aga sang March 4.Gani sila ang gilayon nag coordinate sa barangay officials para mapat-od ang impormasyon. Wala labot nga ginbisitahan ang area gin-review man ang mga CCTV footage gikan sa mga estabilsimiento.Diri nakit-an nga ang gina siling biktima ang naga sakay sa motorsiklo kag hilway man nga naga libot sa lugar. Taliw-as ini sa nag gwa nga impormasyon nga ang biktima ang pwersa nga ginkuha sang mga sus...

Wala madayon ang pag-demolish sang mga baligyaan nga nahamtang sa palibot sang Bacolod City Government Office subong nga adlaw.Ini bangud naghatag ang City Legal Office sang 10-day extension sa mga vendors samtang ginaplastar pa sang siudad ang posible nga lugar nga ila pagasaylohan.Ginsiling ni Retired Colonel Levy Pangue, pamuno sang City Legal Office Enforcement team nga gindesisyonan kahapon sang siudad kaupod sang mga vendors nga papanaugan anay sa liwat sang final notice ang mga baligyaan.Nagapadayon naman ang negosasyon sang siudad sa pamilya Gonzaga, nga amo ang nag donate sang duta nga ginatindugan sang BCGC, sa posible private lot nga saylohan sang mga stationary nga mga baligyaan lakip na ang mga relipan.Dugang ni Pangue, nga kun tigayon na nga masaylo ang mga vendors, o...

Nakit-an sang mga manugtapas tubo ang mga tul-an sang tawo sa tunga sang kampo sa Hacienda Balatong, Barangay Bulad sa banwa sang Isabela, Negros Occidental, kaina sang aga.Positibo nga ginkilala ang biktima nga si alyas “Jessica”, 48-anyos, taga Crossing Magallon sa banwa sang Moises Padilla.Ginsiling ni Police Major Joseph Partidas, hepe sang Isabela PNP, nakilal-an sang iya manghod nga si alyas “Armando” ang biktima paagi sa ID cord nga may mga yabe, dental features, bayo kag kulintas.Si alyas “Jessica” ang naanod sang flash flood santong naglaslas si Bagyong Tino sang Nobyembre 4, 2025.*

Patay ang 27-anyos nga lalaki matapos gintiro sa ulo sang tatlo ka beses sa nabukid nga bahin sang Sitio Cagayon, Barangay Paitan sa Escalante City, Negros Occidental sang Huwebes.Nag-gwa sa imbestigasyon nga ang biktima nga si alyas “Buboy” ang naga-prekorar sang iya mga manok sa gwa sang iya balay sang nagpalapit ang lima ka mga kalalahinhan kag siya ang gintiro, antis nalagyo padulong sa Barangay Malasibog sa Escalante.Narekober sa crime scene ang duha ka mga empty shells sang .45 caliber nga pusil.Sa isa ka statement, gin-ako sang Roselyn Jean Pelle Command-New People's Army Northern Negros Guerrilla Front ang pagpatay kay alyas “Buboy”, nga suno sa ila amo ang suspek sa pagbuno-patay kay Martino Fuentes Jr. sadtong 2024.Suno sa NPA, ginpagwa sa prisohan si “Buboy” matapos iya ...

Ginkumpirmar ni Bacolod City Fire Marshall FSupt. Jenny Mae Masip nga ang paghampang sang isa ka pito ka tuig nga bata nga lalaki sang lighter kag kandila sa sulod sang ila balay ang ginhalinan sang kalayo.Base sa ila nga imbestigasyon, wala sang upod nga ginikanan ang amo nga bata sang natabo ang insidente.Ginklaro ni Masip, nga indi man masiling nga may negligence ang ginikanan bangud aksidente ang natabo. Indi man mapasabat ang bata nga karon nagapabilin sa hinakop sang iya ginikanan.Nagdangat sa 29 ka mga balay ang gintupok sang kalayo. Beinte diri ang totally destroyed samtang siyam naman ang partially damaged.Sa record sang Department of Social Welfare and Development may 32 ka mga pamilya ukon 109 ka indibidwal ang nadulaan sang balay.Suno sa pamuno sang DSSD nga si Dr. Ri...

Masobra sa katunga ang tigayon nga na save sang probinsya sa energy costs sini humalin sang nagpatuman sang rehabilitation sa mga wirings sa Kapitolyo Probinsyal kag pag-shift sa solar energy.Dala sang epekto sa padayon nga gamo sa Middle East, nag panawagan ang Department of Energy sa mga government offices nga mag kinot, kaangay na lamang sa mga air conditioning units nga dapat indi na mas mag tugnaw pa ang temperatura sini sa 24 degrees celsisus.Suno kay Provincial Administrator Rayfrando Diaz, ang sadto anay 1.5 million pesos nga balayran sa kuryente kada bulan karon 700,000 pesos na lang.September 2025 nag-sugod sa pag gamit sang solar energy ang Capitol building, Food Terminal Market of Negros Occidental kag ang Negros Residences.Suno kay Diaz ang ginbayran sang 2024 sang pro...

May duha pa gid ka nga Negrense OFW nga yara sa Middle East ang naghinyo sang bulig nga sila ang ma repariate.Sa datus sang help desk nga gin set-up sang probinsya sa idalom sang Public Employment Service Offiice ukon PESO, suno kay Provincial Administrator Rayfrando Diaz, lima na tanan ang nagpadangat sang ila nga concern nga luyag nila nga mag pa repatriate.Sa lima, tatlo diri ang naga trabaho sa Kuwait, isa sa Qatar kag isa sa Saudi Arabia.Ang ila nga concern ang napadangat na sa talatapan sang Overseas Workers Welfare Administration ukon OWWA.16,623 ka mga Negrense ang nagatrabaho sa Middle East base sa datus nga gin-release sang probinsya.*

Kun ibase sa una nga apat ka adlaw nga trading gina lantaw nga posible maglab-ot sa 18 pesos kada litro ang isaka sang bili sang diesel sa madason nga semana, ginakakulbaan nga basi madamo ang estudyante nga mag untat sa pag eskwela.Subong pa lang ang main campus sang Central Philippine State University sa Kabankalan ang naga himo na sang mga tikang para ma mapahagan-hagan ang impact sini.Yari ang report.*

104 ka mga katapo sang Kapatiran ukon ang sadto anay RPM/RPA-ABB sa Negros ang bag-o nga benepisyaryo sang housing projects bilang kabahin sang ila ginlagdaan pa sadto nga peace agreement sa gobyerno.Kaina ginpatigayon ang groundbreaking sa P88.4 million proyekto sa Napoles sa Bago kag sa Damgo sa EB Magalona.Yari ang report.