Balita Hiligaynon

Ginsiling ni retired Police Colonel Levy Pangue, head sang City Legal Enforcement Team, nagdangat na sa kapin 300 ka mga barker ang nadakpan bangud sa hugot nga pagpatuman sang Anti-Barking Ordinance sang siudad.Ginpahayag ni Pangue nga ginatun-an liwat sang ila talatapan ang mas epektibo nga pagpatuman sang ordinansa, kag nagapakig-angut sila sa Bacolod City Police Office agud mas mapabakod pa ang operasyon batok sa barkers.Dugang pa niya, ang mga barker nga nadakpan ang napasakaan na sang nagkalain-lain nga mga kaso, kag ginapatihan nga kapin 80 porsyento sa ila ang may record, lakip na ang kaso angut sa iligal nga droga, pagpangawat kag pagpanghimulos.Nagapangabay man si Pangue sang kooperasyon sang publiko, ilabi na sang mga barangay, bangud dapat wala sang presensya sang m...

Gobernador sang Negros Occidental ang naga panawagan sa national government nga mag patuman sang tikang angut sa pagsaka sa importation sang sugar sweeteners.Luyag ni Governor Eugenio Jose Lacson nga magpatuman ang national government kag naga kaigo nga ahensya sang gobyerno sang review sa import volume kag mga policies angut sa artificial sweeteners.Base sa available nga import data may yara sang tayuyon nga pag saka sa unregulated nga artificial sweeteners nga naga sulod sa pungsod. Sang 2021 yara ini sa 355,196 metric tons, sang 2025 yara na ini sa 427,523 metric tons. Ini nga bagay ang naga apekto sa demand sa locally produced sugar.Nagapanawagan man ang gobernador sang pagpasiguro nga may yara sang proper classification. Indi lamang ang bahin sa ekomiya ang ginalantaw nga ...

Ginpaidalum sa random drug testing ang ginatos ka mga jail officers kag persons deprived of liberty sang tatlo ka mga Bureau of Jail Management and Penology facilities sa Dumaguete City, Talisay City kag Silay City.Nag-negatibo sa pag-gamit sang iligal nga droga ang mga gin-subject sa drug tests.Nagpatigayon man sang greyhound operations sa mga selda sang mga babaye kag lalaki nga PDLs. Wala sang mga kontrabando nga narekober sa nasambit nga mga prisohan.Kabahin ang drug test kag greyhound sa jail drug-clearing operations sang BJMP upod ang Philippine Drug Enforcement Agency-Negros Island Region.*

Patay ang isa ka motoryclce rider matapos mabungguan kag malapakan sang truck sa bahin sang Bacolod-Silay Airport Access Road sa Barangay Efegenio Lizares sa Talisay City, Negros Occidental, Domingo sang hapon.Ginkilala ang napatay kay alyas Rex, 35-anyos, residente sang Brgy. Cabatangan sa Talisay City.Nag-gwa sa traffic investigation nga pareho gina-usoy sang motorsiklo kag sang Isuzu Giga truck ang Airport Access Road padulong sa direksyon sang Silay City.Nadulaan sang kontrol ang truck nga ginamaneho ni alyas “Jet”, 52-anyos, residente sang Novaliches sa Quezon City, kag nabungguan ang pang-ulihi nga bahin sang motor.Bangud sang impact, nagdiretso ang motor sa gutter, natumba kag nalapakan sang truck.Nakaangkon sang head injuries kag mga pilas sa lawas ang rider...

Gintiro sang isa ka lalaki ang isa ka kagawad sang Barangay Santa Rosa sa banwa sang Murcia pasado las 10 kaina sang aga.Dead on arrival sa ospital si alyas “Joe”, 59-anyos, isa ka kagawad, residente sang Purok Relocation sa Brgy. Sta. Rosa.Ginsiling ni Police Capt. Honey Labaro, hepe sang Murcia PNP, gikan sa clean-up drive sa proper sang barangay ang biktima. Nagsakay siya sa motor sang isa niya ka kaupod nga kagawad.Apang paglab-ot sa Purok Puncian, nanaug sa motor ang biktima kag may nagpalapit sa iya nga lalaki kag siya ang gintiro sa ulo.Nalagyo ang gunman sakay sang motorsiklo nga ginamaneho sang wala pa makilal-an nga persona.Padayon karon ang imbestigasyon sang kapulisan agud mahibaluan ang motibo sa insidente.*

Mga apektado sang Bagyo Tino sa banwa sang La Castellana ang gintingub na sa isa ka evacuation site.Ini suno kay Mayor Añejo Nicor nga nag paathag nga mas mangin mahapos na lamang kun yara sila sa isa ka evacuation site.Ang mga nag tenir sadto sa mga eskwelahan ang ila na nga ginpasaylo labi na nga apektado naman ang face-to-face classes sang mga kabataan sa gina teniran nga eskwelahan.Dugang pa ni Nicor mas maayo nga sila ang ma secure.Suno kay Remuel Lajo ang PIO sang banwa, ang evacuation site nahamtang sa grounds sang Colegio de La Castellana.Sa tupad mismo sang Municipal Evacuation Center napahamtang ang temporary shelter sang mga apektado sang Bagyo Tino.Suno kay Lajo tigayon na nasaylo na ang tanan nga evacuees.*

Tigayon nga na-rescue ang tatlo ka mga mangingisda nga taga Hinoba-an sa kalalawran matapos nga malabyan sang isa ka international vessel.Na rescue sang MV MAUD nga isa ka Singaporean-flagged bulk carrier samtang ini ang ang padulong sa Siocon, Zamboanga del Noprte sadtong Enero 25 ang tatlo ka mga mangingisda.Ginsiling ni Hinoba-an Mayor Daph Reliquias nga la una, Lunes sang kaagahon nadul-ong na sa Brgy Culipapa sang Philippine Coast Guard ang tatlo ka mga mangingisda. Luwas na sila sa peligro.Sa report sang Coast Guard, duha man ka adlaw kag isa ka gab-i nga nag utaw-utaw ang tatlo ka mga mangingisda matapos nga malunod ang ila nga sakayan - ang MB Princess Henna.Suno sa alkalde tuman ka sulog sang balod rason nga nagkulob ang sakayan.Hatagan ang tatlo sang finan...

Gindayaw ni Philippine Coast Guard Commandant Admiral Ronnie Gil Gavan ang kapitan sang M/V Devon Bay na si Elimar Jucal nga taga San Enrique, Negros Occidental nga isa sa karon sa apat ka mga missing matapos maglugdang ang barko sang Huwebes, January 22 malapit sa Scarborough Shoal.Para sa opisyal sang Philippine Coast Guard, nagpakita sang pagkabaganihan si Jucal kag wala niya gid ginpabay-an ang iya nga mga kaupdanan bisan pa yara na sa peligro ang iya kabuhi.21 ang sakay nga crew sang M/V Devon Bay nga mga Pinoy kag duha sa ila taga Negros. 15 ang nakaluwas, duha ang napatay kag may apat pa nga missing.https://youtu.be/81fJBPbHi94?si=bbIZDhdxcjPjLyK5Ang Thunderbugs Bacolod Motorcycle Club Inc. kun sa diin miyembro si Jucal ang nagpabutyag sang suporta kag pangamuyo pa...

Sang Sabado, Domingo pati Lunes sang kaagahon may sunog nga nagluntad sa Bacolod.Masobra tanan sa 40 ka mga balay ang nagkalasunog.May report si Romeo Subaldo.*https://youtu.be/xQ4j2Ram79E?si=kxOgC7AQcIcbEFrD

Ginpanginwala sang City Legal Office ang alegasyon nga pagpanakit sa isa ka 63-anyos nga sidewalk vendor sa clearing operation sa Libertad Public Market.Suno kay City Legal Officer Atty. Karol Joseph Chiu, natabo ang insidente las 6 sang aga sadtong Enero 15, 2026, sang ginkompronta sang City Legal Office Enforcement Team ang 63-anyos nga vendor.Ang vendor, suno kay Chiu, nagpamalibad nga kakson ang ginabaligya sini nga kamote nga naga-obstruct sa pedestrian lane sa corner sang Lizares Street kag Amelia Avenue.Nagresulta ini sa pagkumpiskar sang sako sang kamote. Suno sa opisyal, ang vendor mismo ang nagpakita sang agresibo nga pamatasan nga nagtulod kag nag-atake sa tatlo ka miyembro sang enforcement team.Base sa CCTV footage nga gin-review sang CLO, makapila ka beses ...