Balita Hiligaynon

As of 2pm isa na ka Tropical Depression ukon mahinay nga bagyo ang low pressure area sa gwa sang Philippine Area of Responsibility.Ginapaabot nga magasulod na sa PAR sa masunod nga inadlaw ang bagyo kag tawgon nga Bagyo Queenie.Ang trough ukon extension sang bagyo ang magadala sang ulan sa mga porsyon sang Visayas kag Mindanao.https://youtu.be/NHDHcCQlAsU?si=WHTtMuhhNJJuwjZbSa Negros mangin magal-umon ang kalangitan kag posible naman ang pag-ulan dala sang localized thunderstorms.Sa weekend mahimo mangin maulanon ang western nga side sang Pilipinas bangud butungon sang bagyo ang Habagat.Mahimo pa magkambyo ang mangin lakat sang panahon gani padayon lang nga magtutok sa lakat sang panahon kag sa pagsulod sang bagyo nga Queenie.

Ika 54 nga anibersaryo sang deklarasyon sang martial law gindumdom sa Bacolod.Mga grupo liwat nga nagpanawagan sang aksyon gikan sa gobyerno may angut sa nagapadayon nga korapsyon kag land grabbing sa Negros.May report si Richard Caballero.https://youtu.be/o0vmMRhSDXc?si=hwylFiQl_5Ln5MDi

BCCO photoSi Provincial Elections Supervisor Ian Lee Ananoria sa karon ang concurrent nga maga pungko bilang Acting Election Officer sang Bacolod.Nabakante ang position sa pagbiya ni anay Bacolod Election Officer, Atty Kathrina Trinio-Caña.Sa iya nga pag courtesy visit kay Bacolod Mayor Greg Gasataya, Lunes sang aga, nalakip sa ila nga gintakalay ang pangabay sang COMELEC-Bacolod nga maka saylo sang opisina, labi na nga ang nahamtangan karon ang gina baha kun mag-ulan.Luyag man nila nga mangin convenient ang talatapan para sa mga botante. Sa karon naga tutok sila sa preparasyon para sa November 2 nga Barangay kag SK Election.Nagpasalig naman si Bacolod Mayor Greg Gasataya sang suporta.Sa pihak nga bahin nagpungko naman bilang Election Officer sang San Carlos City si...

DSWD NIR photoNagdangat na sa P410.2 million ang balor sang ayuda nga na-release sang DSWD para sa mga mangunguma nga apektado sang RSSI ang ila nga katubuhan.Sa datus sang Department of Social Welfare and Development - Negros Island Region as of September 18, sa Negros Occidental 34,164 ka mga benepisyaryo gikan sa 18 ka mga banwa kag siudad ang nakabaton na sang ayuda sa idalom sang Emergency Cash Transfer. Ini ang naga balor sa P352.7 million nga na-release nga pondo.Ang siudad sang Kabankalan ang may pinaka damo nga benepisyaryo sa mga LGU sa Negros Occidental - 6,675 beneficiaries ukon nagdangat sa P68.9 million ang tigayon nga na-release nga pondo.https://youtu.be/gGdItjbeYw8?si=rJMT7OObiU5vwm2pSa Negros Oriental, may 5,683 ka benepisyaryo gikan sa 13 ka banwa k...

Liwat nga nagpangabay si Bacolod City Mayor Greg Gasataya sa mga empleyado sang siudad nga may mga licensed firearms nga mangin responsable sa pagtago sang ila nga mga armas.Ini matapos ang isa pagid ka school shooting incident nga natabo sa South Cotabato kun sa diin ang armas nga gingamit sang menor de edad nga suspek ang iya sang iya amay nga naga trabaho sa gobyerno.Ginsiling ni Gasataya, nga madamo sang mga empleyado sang siudad sang Bacolod ang lisensyado man nga gun owners, rason nga nagpahanumdom ini agud indi man matabo ang kaangay nga insidente sa South Cotabato.https://youtu.be/Dk1c-eAl0Y4?si=Gva2ZXsGLUd56-uxDugang niya, kinahanglan nga sigurohon sang mga gun owners nga indi ma access sang ila mga bata ang ila mga armas.Hugot sa gihapon ang pagbantay sang m...

Gina-imbestigahan pa sang fire investigators ang nagluntad nga sunog sa detachment sang Philippine National Police - Special Action Force - 6th Special Action Battalion sa Sitio Tan-ao, Barangay Poblacion II sa Sagay City sadtong Sabado sang hapon.Bangud sa kalaparon sang nagakasunog nga building, ginpasaka sa 2nd alarm ang sunog agud gilayon nga mapalong ang kalayo kag indi na maglapta kag makahalit pa sa mga kaiping nga propiedad.Nag-ibwal ang kalayo pasado las 5:30 sang hapon kag na-deklarar ang Bureau of Fire Protection sang fire out mga las syete sang gab-i.https://youtu.be/y0znIcNnvJM?si=ev-iDq9GIDRMrmADBase sa inisyal nga impormasyon, nasunog ang administration building sang detachment.Nagbulig responde ang mga firetrucks halin sa Escalante kag Cadiz, pati na a...

Berto Gaquit/K5 News FM Bacolod, BCPO photosDaan na nga dinumtanay ang ginalantaw nga motibo sa pagpatay sa e-bike driver sa Purok Saturn, Barangay Handumanan sa Bacolod City, mga las 3:30 sang hapon sadtong Domingo, Setyembre 20.Na-igo sang bala ka sulpak sa tyan ang biktima nga si alyas "Rene", 40-anyos.Ginsiling ni Police Capt. Lelanie Lagoting, hepe sang Station 10 nga iga-operahan na kuntani ang biktima apang siya ang nagtaliwan.https://youtu.be/8egHeyD19tY?si=8UnWErpQqYC5Y2O9Nagwa sa imbestigasyon sang PNP nga sang Sabado, nag-away ang biktima kag ang suspek nga si alyas "Reymark" nga iya man lang tupad balay.Sila ang natambagan pa apang sang Domingo liwat sila naglab-utanay kag didto na natiruhan ang biktima.Padayon karon ang hot-pursuit operation sang ...

Rommel Exanes photoIsa ka high-value target ang nadakpan kag nakuhaan sang P6.8 Million nga balor sang suspected shabu sa Bacolod City sang weekend.Ginatigana kuntani ang ini nga suplay para sa palaabuton nga MassKara Festival, suno sa report sang Police Regional Office-Negros Island Region.Ginpatigayon ang buy-bust operation sang katapo sang City Drug Enforcement Unit sa Islamic Center, Purok Fatima, Barangay 31 sa Bacolod sang Sabado, Setyembre 19.Ginkilala ang gindakop kay alyas "Jak", 25-anyos.https://youtu.be/vi1F1BZVArU?si=mR_60yKPvg7K86OYSuno sa pulis, wala sa listahan sang Barangay Anti-Drug Abuse Council ang subject apang makabig siya nga HVI bangod sa bulto sang illegal drugs nga nakuha sa iya.Ginabulubanta isa ka kilo ang ginasuspetsuhan shabu nga n...

May panibag-o na naman nga low pressure area nga na monitor ang PAGASA sa gwa sang Philippine Area of Responsibility.Ginapaabot nga sa Martes ukon Miyerkules magasulod na ini sa PAR kag gina forecast man nga sa Huwebes ukon Biyernes mangin isa ini ka bagyo kag paga tawgon nga Queenie.https://youtu.be/aKVVvLguh-4?si=4behMn-SgiWZUyxQSa subong wala pa sang direkta nga epekto ang LPA sa Pilipinas pero kun magsulod na sa PAR mahimo sini pabaskugon liwat ang Habagat nga amo naman ang magadala sang ulan.Samtang wala pa sa sulod sang PAR ang LPA, maka eksperyensya ang halos bilog nga pungsod sang mainit kag mapaang nga panahon pero may posibilidad sang pag-ulan kun hapon kag kun gab-i bangud sang mga thunderstorms.

Video grab Province of Negros Occidental pageMaga bukas ang 40th Negros Trade Fair bwas nga adlaw sa SM Aura Premiere, Bonifacio Global City.178 ka mga booth kag 125 ka mga brands ang maga salida sang nanari-sari nga mga produkto gikan sa Negros.Suno kay Mary Ann Colmenares, chairperson sang Negros Trade Fair, las 10 sang aga pormal nga maga bukas ang Negros Trade Fair upod ang isa ka misa kag blessing.Sa hapon naman las 3 ang Arima nga maga lakip sang isa ka programa. Dinapit nga bisita si Sec Benjamin Abalos.Padayon ang pag pang agda sa publiko sa pag bisita sa "Butlak" ang 40th Negros Trade Fair nga isa ka selebrasyon sang ka tahum sang Negros.Humalin sa pagkaon, padulong sa nanari-sari nga mga produkto nga tatak Negros kag himo sang mga local prod...