May 56,000 ka mga learners ukon estudyante sa idalom sang DepEd Negros Occidental Division lamang ang apektado sang mataas nga heat index karon nga adlaw rason nga imbes mag face to face nga klase sila ang nag shift sa alternative delivery mode of learning.
Ini suno kay Ian Arnold Arnaez ang spokesperson sang Negros Occidental DepEd Division nga nag siling nga may 19 ka districts ang nag cancel sang face-to-face classes, siyam naman ang mga districts nga may pili lamang nga mga eskwelahan ang nag cancel sang klase kag tatlo ka district ang nag padayon sa face- to-face classes.
Sa record sang Provincial Disaster Risk Reduction Management Office may cancellation man sang face to face classes sa pila ka mga eskwelahan sang Schools Division Office sang Silay.
May cancellation man sang face to face classes sa Himamaylan.
41 degrees celsius ang forecasted heat index subong nga Nobyembre 3.
Damlag pa nag pa gwa na ang DepEd sang pagsulundan may kaangtanan sa mangin epekto sang El Niño.
“We have to remember na agyan ta na ni. Sang nalab-utan summer ang klase. Indi naman gid bag-o. Basta mag shift sa ADM ina ang counted as part their class days. Biskan wala sang face to face, counted na siya sa class days”, suno kay Arnaez.
Panugyan man sang PDRRMO sa publiko nga dapat halungan ang kaugalingon. Ang heat exhaustion isa sa dapat nga bantayan. Indi pag kalipatan ang mag inom sang tubig.
Pero sa gihapon, may mga pag tupa pa sang ulan sa pila ka bahin sang Negros Occidental suno sa PDRRMO.
“Gina advise ta lang ang aton mga communities nga maging sensitive kita sa aton kalawasan, sa aton gina batyag. May ara kita ma experience nga heat exhaustion and heat related illnesses, I make sure ta gid wala kita masyado ga expose ang aton selves sa init”, suno kay Ploteña.
[sibwp_form id=1]