Balita Hiligaynon

Disyembre 26 na lamang ang bilin nga working day sini nga bulan sang Disyembre.Bwas, Disyembre 24 kag 25 ukon ang Christmas day ang holiday.Gindeklarar man damlag pa ni Presidente Ferdinand Marcos, Jr nga holiday ang Disyembre 29 kag Enero 2, gani humalin Disyembre 29 tubtob Enero 2 ukon bilog nga semana ang holiday na.Enero 5 na magabalik ang trabaho sa mga talatapan sang gobyerno.Samtang sa Provincial Capitol, acting governor si Vice Governor Jose Benito Alonso, kag acting vice governor naman si Board Member Genaro Alvarez, IV.On leave si Governor Eugenio Jose Lacson sumugod sang Disyembre 20 tubtob Enero 3, 2026. Siya ang nagbiyahe pa Singapore.Suno kay Provincial Administrator Rayfrando Diaz, personal ang leave sang gobernador.

Nadakpan sang kapulisan ang isa ka high value individual kag nakuhaan sang masobra P2.7 Milyones nga balor sang suspected shabu sa Brgy. Magatas, Sibulan sa Negros Oriental.Lapit sa tunga ka kilo nga illegal drugs ang nakuha kay alyas "Macmac", 33-anyos, nga taga Manjuyod.Nakabaton sang impormasyon ang kapulisan gikan sa confidential informant angut sa mga transaksyon sa iligal nga droga ni "Macmac" rason nga gin-subject siya sa buy-bust.Nakuha sa iya ang 11 ka pakete sang ginasuspetsuhan shabu, isa ka libo ka pesos, 12 ka boodle money kag cellphone.*

Pilas sa ulo ang na agum sang 13 anyos nga lalaki matapos ini ang malukpan sang palupok sa Evo Center Relocation Site, Paet, Brgy. Batuan sa La Carlota City sang Domingo sang gab-i.Suno sa hepe sang La Carlota PNP nga si Police Lt. Col. Eduardo Corpuz, ang biktima ang pinaka una nga firecracker victim sang siudad subong nga 2025.Gina-alegar nga ginbutang sang menor de edad ang palupok sa sulod sang lata nga iya man gina uyatan.Gilayon nga naglupok ang palupok sa lata kag naigo ang biktima sa iya nga ulo.Gilayon siya nga gindala sa ospital para mapabulong.Ang La Carlota City Primary Care facility ang naga pabaskog na sang ila kampanya kontra palupok temprano pa para malikawan ang pagdamo sang mga biktima sang palupok.May mga safety reminders na sila kag mga first...

Isa ka adlaw matapos malumos sa suba ang 11 anyos nga bata nga lalaki, nasapwan ang iya nga lawas sa Barangay Tampalon, Kabankalan City Lunes sang hapon.Nag-gwa sa imbestigasyon sang Kabankalan PNP nga naghagaday ang biktima kag ang duha niya ka mga pakaisa kag isa ka abyan nga magkadto sa suba agud nga manguha sang isda sadtong Domingo sang aga.Nagkabalaka ang ginikanan sang biktima mga las 8 sang gab-i sang wala pa ini makapauli.Nanugid ang abyan sang biktima nga naligo sila sa manabaw nga bahin sang suba apang gulpi lang nga nakakadto sa madalum nga porsyon ang biktima kag nalumos.Nagpatigayon sang search and retrieval operations ang Kabankalan City Disaster Risk Reduction and Management Office, upod ang Philippine Coast Guard kag narekober ang lawas sang biktima....

Patay ang isa ka rider matapos makabunggo sa sementado nga kudal ang iya ginamaneho nga motorsiklo sa Hacienda Gamboa Road, Barangay Guimbala-on sa Silay City.Gindeklarar nga dead on arrival sa ospital ang 38-anyos nga lalaki, residente sang Brgy. Bagtic sa Silay.Nag-gwa sa traffic investigation nga gikan Brgy. Patag kag padulhog sa city proper sang Silay ang rider sakay sa iya nga motor apang nadulaan siya sang control.Nakabunggo sa kudal ang rider kag nahulog sa kanal, rason nga nakaangkon siya sang mga pilas sa lawas.*

Trending sa social media ang panawagan nga ipaandaron ang traffic lights kag indi pag ibilin sa traffic enforcers.Ang Bacolod Traffic nagpaathag kun ngaa ginapatay ang traffic lights sa subong nga holiday rush.Ginpahayag ni Atty. Reuben Mikhail Sabig, head sang Bacolod Traffic and Transport Management Department ukon BTTMD nga ginpatay anay ang pila ka mga traffic lights sa nagkalain-lain nga intersection sa Bacolod City subong nga holiday season.Suno sa iya, indi nagakaangay paandaron ang traffic lights sa tion nga madamo gid sang salakyan, bangud indi pa “smart” ang traffic light system sang siudad.Apang suno kay Sabig, may ginpatuman naman ang BTTMD nga adjustment sa oras sang pagpaandar sang pila ka mga traffic lights agud mabuligan ang dalagan sang trapiko.Gins...

Tigayon na nga napirmahan sang mga signatories ang Deed of Donation para sa P50 million nga bulig sa mga apektado sang bagyo Tino nga gikan sa Presidental Assistance Fund.Suno kay Provincial Administrator Rayfrando Diaz, ginahulat na lamang nila ang pag-abot sang amo nga dokumento.Personal man nga ginhikut sang tiglawas sang probinsya sa Malacañang agudto matigayon tapos ang pag process sang gina kinahanglan nga mga dokumento.Suno kay Diaz, sa tion nga mag-abot na ang dokumento, iga-release sang probinsya sa mga Tino affected LGUs labi na ang sa 4th kag 5th District ang pondo ang amo nga financial assistance.Ang LGU na ang maga pat-od sang mga magabaton sini lakip na ang kantidad.Ang mga nagub-an sang balay ang maga baton sang amo nga nga bulig.*

Wala anay ginbayaran sang Bacolod City Government Employees Union (BCGEU) ang supplier sang na report nga napan-os nga pagkaon sa Employees’ Day sang tinalikdan nga semana.Base sa statement nga gin pagwa sang BCGEU President nga si Erry Lagtapon, indi anay sila magbayad tubtob makumpleto ang imbestigasyon kag masiguro ang kabug-usan nga report halin sa mga department heads.Matapos ang insidente, nagpatawag sang emergency meeting ang BCGEU kaupod ang mga supplier. Posible nga ang ambient temperature ukon ang kainiton sang lugar nga ginkargahan sang pagkaon samtang ginabyahe ini amo ang rason sang pagkapan-os.Yara sa ₱3.2 million ang kabug-usan nga budget sang Employees Day, kag yara naman sa kapin ₱1.3 million ang gin tigana para sa pagkaon sang mga empleyado. Ang amo nga ka...

Temporaryo ang gina-limitahan sang Corazon Locsin Montelibano Memorial Regional Hospital ang admission sini para sa mother and child cases.Ini kasunod sang Candida Auris outbreak sa Neonatal Intensive Care Unit ukon NICU.Ini ang gin-announce sang ospital sang Lunes. Tuyo sini nga malikawan ang paglapta sang amo nga tumalagsahon nga fungal pathogen kag mapangapinan man ang mga premature nga lapsag.Gin siling ni Dr Joan Cerrada, ang CLMMRH chief, nga may yara sang oubreak sa NICU. Tatlo ka mga premature babies ang apektado sang Candida Auris.Ang amo nga fungal pathogen sa masami naga apekto sa yadtong may yara sang severely compromised immune system.May 50 diyas na nga yara sa ospital ang natungdan nga mga lapsag kag sila ang gina isolate gikan sa iban nga mga lapsag....