Balita Hiligaynon

Suno sa PNP, isa ka parachute flare ang yara sa video kag indi bulalakaw.Ini ang paathag sang Valencia PNP matapos nag-viral ang video post sang isa ka persona nga nag siling nga ang nakuhaan niya sang video amo ang pagkahulog sang bulalakaw sa Valencia, Negros Oriental.Suno sa hepe sang Valencia PNP nga si P/Cpt Donicko Angeles, ang parachute flare isa ka pyrotechnic distress signal nga naga pagwa sang kasanag nga naga attach sa parachute para makita sang rescuers kag masami gina gamit kun may emergency sa baybayon. Nagasiga ini sa sulod sang 40 segundos.Ginkumpirma man sang Bureau of Fire Protection ukon BFP ang resulta sang imbestigasyon sang PNP.Nangin viral ang post gani pangabay sang otoridad sa publiko, antes magpagwa sang kun ano man nga impormasyon nga mahimo m...

Mangin Lunes tubtob Hwebes na lang ang opisina sa mga talatapan sang DENR.Nag pagwa sang public advisory ang Department of Environment and Natural Resources – Negros Island and Siquijor Region nga ang ila nga field offices ang maga sunod sa national pilot implementation sang Flexible Work Arrangement sumugod January 5, 2026 tubtob March 27 sini nga tuig.Sa idalom sang sini nga sistema, gin compress ang work week humalin Lunes tubtob Huwebes, kag ang official working hours mangin 7:00 AM tubtob 7:00 PM.Gina abisuhan ang mga kliyente kag kutob sa may mga transaksyon sa ila nga opisina nga mag transact lamang sa sini nga mga adlaw kag oras.Pinaagi sini ginalauman nga maganubo ang ginakonsumo nga kuryente, tubig kag produkto petrolyo sang ila talatapan.Pero kutob sa mga...

Magapangayo sang bulig si Bacolod City Mayor Greg Gasataya sa Bacolod City Police Office agud makilala ang tag-iya sang puti nga pick up nga nagwigit sang mga basura.Suno sa alkalde, may yara na sang mga video gikan sa CCTV nga nagapakita sang isa ka salakyan nga naga wigit sang basura sa pila ka bahin sang siudad.Wala pa makilala ang tag-iya sang salakyan, gani ginapanawagan niya ang mga barangay officials nga mangin mabinantayon sa mga lugar nga gin limpyohan na sang siudad agud malikawan ang liwat nga pagpilak sang basura diri.Suno naman kay City Administrator, Mark Steven Mayo, may mga area man nga ila i-tag kag i-monitor, kag naga-plano sila nga maga-butang sang CCTV, ilabi na sa mga lugar nga dapat bantayan.*

Isa sa tatlo ka mga persona nga nadakpan sa buy-bust operation sadtong Domingo ang nakapalagyo samtang ginapaidalum sa medical examination sa Silay City Primary Care Facility, Lunes sang hapon.Ginkilala ang pugante kay alyas “Robin”, 19-anyos, residente sang Barangay E. Lopez sa Silay.Duha ka mga pulis ang nag-escort sa teenager kag duha pa gid ka mga suspek sa ospital para sa medical examination. Samtang nagahulat, nagdalagan si alyas “Robin”.Naglinagsanay kag tigayon nga nakapalagyo ang suspek.Matapos ang apat ka oras, mga las 9 kagab-i, nadakpan ang pugante sa follow-up operation.Ginsiling ni alyas “Robin” sa kapulisan, nga nalagyo siya tungod gusto niya makita ang iya bata.May mga record na nga daan sa police station si “Robin” sa kaso nga pagpangawat sang s...

Isa ka lalaki nga pedestrian ang nalapakan sang Fuso Fighter Truck sa Bacolod-Silay Access Road nga sakup sang Hacienda Otilia, Barangay Efigenio Lizares sa Talisay City, Lunes sang gab-i.Tubtob sini nga udto, wala pa sang identity ang lalaki nga nakasuksok sang itom nga t-shirt kag shorts, medium built, ginabulubanta 5’3” ang kataason kag naga-edad 35 tubtob 40 anyos.Sa imbestigasyon, padulong sa Bacolod City ang truck kag naga-usoy sa outerlane sang gulpi lang nagtabok ang lalaki kag nabungguan.Ginamaneho ni alyas “Placido” sang Bago City ang truck.Nakaangkon sang samad sa ulo ang biktima nga karon yara sa Manapla Funeral Homes sa Silay City.*

Patay ang isa ka lalaki matapos gintiro sang anum ka wala pa makilal-an nga mga persona sa Sitio Old Manghanoy sa Barangay Manghanoy, banwa sang La Castellana kagab-i.Dead on arrival sa Rural Health Unit ang biktima nga ginkilala kay alyas “Rehny”, 44-anyos, residente sang amo nga barangay.Nag-gwa sa imbestigasyon nga upod sang biktima ang iya pakaisa nga si alyas “Mark” pakadto sa ila nga fishpond.Samtang nagalakat, pila ka mga kalalakin-an ang gulpi nga nag-gwa sa kampo, nagpalapit sa biktima kag nagtiro sa iya sang makapila ka beses.Matapos ang pagpaniro, nagsinggit ang isa sa mga suspek nga madugay na nila nga ginapangita ang biktima.Nakapalagyo ang mga suspek.*

Suno kay Engr. Orlando Dalipe, Chief sang Annual Inspection Office sang Office of the Building Official, gina-hold ang mga business permit applications sang mga establisimento nga indi makasunod sa CCTV requirements.Ini gina-base sa City Ordinance No. 600, Series of 2012 kag sa DILG Memorandum Circular sang 2022.Ginpahayag man ni Dalipe nga sa ginapatigayon nga mga inspections, ginapasiguro sang ila opisina nga operational ang mga CCTV cameras.Apang ginaklaro niya nga wala gina-require ang paggamit sang mahal ukon mataas nga kalidad nga CCTV system.https://youtu.be/owp3-m5D2Q4Dugang pa niya, ang amo nga tikang indi lamang para sa siyudad kundi para man sa seguridad kag kaluwasan sang mga tenants kag sang publiko.*

Sa Cadiz City, kahalitan sa mga fishing boats lakip na sa mga nets ang nagdangat sa 1.9 million pesos.Ini base sa initial nga report sang Office of the City Agriculturist kay Mayor Salvador Escalante. Ang kahalitan tuga sang mabaskog nga balod kag hangin dala sang shearline sadtong Enero 4.Sa karon padayon pa ang pag consolidate sang report kag mahimo nga magasaka pa gid ang balor sang kahalitan.Sa EB Magalona naman may siyam ka mga pump boats ang nag kalaguba bangud man sang pag igo sang shearline sa report nga na submit sa Office of the Civil Defense NIR.Sa Manapla, suno kay Mayor Mika Escalante mga 80 ka bangka kag pumpboat ang gin-report man nga nag kalaguba bangud sang balod kag hangin. Mahimo nga ini ang magasaka pa.Padayon man ang pag consolidate pa sang datu...

Tubtob sa karon, may mga 500 pa ka indibidual sa banwa sang La Castellana ang naga pabilin sa mga evacuation center kasunod sang pag ka guba sang ila nga mga balay bangud sang bagyo Tino.Duha na ka bulan ang nagligad, pero may mga 500 pa ka pumuluyo nga yara sa mga identified evacuation centers.Ini suno kay John BF de Asis ang pamuno sang Disaster Risk Reduction Management Office sang La Castellana.Ang mga nagkalabilin suno sa iya yadtong mga nag kala wash out ang ila nga mga balay gani wala na sila sang may mabalikan.Ang pila sa ila padayon nga naga tenir sa mga eskwelahan kag iban nga identified nga evacuation site.Nagdangat sa 4,000 sadto ka pumuluyo ang nagkalagub-an sang balay sang mag igo ang bagyo Tino sang Nobyembre 4.“May ara pa inside sang evacuation center sa school....

Naglawig sa tatlo ka oras kag 30 minutos ang pag buga sang abo sang bulkan Kanlaon kaina sang aga.Sa report sang Philippine Institute of Volcanology and Seismology ukon Phivolcs ang weak ash emission ang nagsugod 5:55am kag nagtapos 9:25 am.Ini ang nag generate sang grayish plumes nga nagsaka tubtob sa 350 meters gikan sa baba sang bulkan. Ini ang nagpadulong southwest.Manipis man ang ash emission pero suno kay Mari-Andylene Quintia ang resident volcanologist sa Kanlaon Observatory sa La Carlota, mahimo nga may yara sang ash fall bangud sang kabaskog sang huyop sang hangin karon sa area sang Bago City kag La Carlota City. Pero as of press time, wala pa man sang reported ashfall.Enero 3 ang ulihi nga ash emission nga na-record sa bulkan Kanlaon.Paathag ni Quintia, ka...