Balita Hiligaynon

Si Katrina Drilon Loretizo, sang Barangay Montevista sa Bacolod kag miyembro sang Philippine National Rhythmic Gymnastics Team, nagdala sang tatlo ka bronze medals sa mga kategorya nga Rhythmic Gymnastics Team, Apparatus Routine nga may 2 Balls and 3 Hoops, kag Apparatus Routine nga may 5 Ribbons.Bilang isa ka student-athlete, indi lamang sa sports nag-excel si Loretizo kundi pati man sa academics. Nagtapos siya bilang Magna Cum Laude sa kurso nga Pharmacy kag rank 5 sa 2024 Pharmacy Board Examinations.Ginpahayag sang lokal nga pamunuan sang Bacolod, ang ila pagpasalamat kag pagdayaw sa kadalag-an ni Loretizo nga naghatag sang dungog kag inspirasyon indi lamang sa Bacolod City kundi sa bilog nga pungsod. Ginpasiguro man sang LGU ang padayon nga suporta para sa mga atleta kag sa pag...

Ginpalawig tubtob sa Marso 31, 2026 ang Business One-Stop Shop ukon BOSS sa syudad sang Bacolod.Ini matapos gin-aprubahan sang Sangguniang Panlungsod ang ordinansa nga gin-author ni Councilor Caesar Distrito, nga nagatugot sa extension sang application kag renewal sang business permits, kasunod sang pormal nga hinyo ni Mayor Greg Gasataya.Suno kay Councilor Distrito, chairperson sang Committee on Laws and Ordinances sang city council, gin-aprubahan ang ordinansa sang konseho.Ginpaathag sang konsehal nga ang mga kliyente nga maga-proseso sang business permit kag maga-bayad sa one-time payment tubtob sa Pebrero 28 ang maka-avail gihapon sang 10 percent discount.Samtang, sumugod naman sa Marso 1 tubtob Marso 31, 2026, wala na sang discount nga ma-avail ang mga kliyente, apang ...

Pila ka mga motorista ang nasampolan sa pagpatigayon sang operation batok sa mga motorsiklo nga may open-pipe ukon modified mufflers nga nagabiyahe sa La Carlota City.Ginpatigayon ang operation sang La Carlota City Police Station kag Local Traffic Enforcement Unit.Suno sa La Carlota PNP, ila ginpatuman ang La Carlota City Ordinance No. 2012-130 ukon mas kilala nga La Carlota City Environment Code, ilabi na ang Section 60 natuhoy sa Noise Reduction kag Section 62(R).Ang nasambit nga ordinansa, nagadumili sa pag-operate sang mga motor vehicles nga wala sang muffler, silencer ukon similar mechanical device nga gin-disenyo agud mapahagan-hagan ang engine noise.Nagpanugyan ang kapulisan sa mga motorista nga mag-comply agud nga indi madakpan kag ma-multahan.*

Ginpatigayon subong nga adlaw ang Send-Off Ceremony kag Blessing sang security forces kag equipment para sa pagsaulog sang Golden Jubilee celebration sang Sinulog Festival sa Kabankalan City.Ginsiling ni Police Lt. Col. Gary Alan Resuma, bag-o nga hepe sang Kabankalan City Police Station, masobra 900 ka mga security force ang magapasiguro nga safe and secure ang pagsaulog sang festival.Lakip sa mga ginsend-off kaina amo ang mga kapulisan, soldado, fire personnel, coast guard, iban pa nga augmentation personnel, force multipliers kag mga volunteers.Prayoridad karon sang Kabankalan PNP ang safety sa tagsa ka mga events kag sang mga bisita, suno say Resuma.Samtang, wala naman sang ipatuman nga liquor kag gun ban sa sulod sang 10 diyas nga selebrasyon.Nagbukas subong ng...

Napatay ang rider matapos nakabunggo ang iya ginamaneho nga motorsiklo sa gutter sa Circumferential Road, sakop sang Purok Active sa Barangay Mandalagan, Bacolod City, kagab-i.Sakay sa iya motor si alyas “Quirico”, 38-anyos, residente sang Brgy. Banago sa Bacolod.Nag-gwa sa imbestigasyon sang PNP nga padulong sa sur sang Circumferential Road ang lalaki sang nakabunggo ang iya motor sa gutter. Bangud sang impact, nagtabog ang rider.Gindala si alyas “Quirico” sa Corazon Locsin Montelibano Memorial Regional Hospital apang ginbawian sang kabuhi.Ginsiling ni Police Major Elmer Bonilla, hepe sang Traffic Management Unit, wala pa mahibaluan ang rason kun ngaa nakabunggo sa gutter ang nasambit nga driver.*

Ginpresentar sang International Solid Waste Integrated Management Specialists Inc. ukon ISWIMS ang ila proposed schedule sang garbage collection sa mga punong barangay sa siudad sang Bacolod.Ginpatigayon ang presentasyon kaupod ang BENRO, mga miyembro sang Sangguniang Panlungsod kag ginpangunahan ni Mayor Greg Gasataya, agud mabaton sang ISWIMS ang mga suhestiyon sang mga barangay antes i-finalize ang regular nga schedule sang pagkolekta sang basura, ilabi na sa inner roads kag subdivisions.Suno sa ISWIMS, sa sulod sang isa ka semana, naka-kolekta na sila sang 10,512 cubic meters sang basura, lakip ang mga backlog antes sang opisyal nga pagsugod sang operasyon. Ginpahayag man nila nga may ginpatuman nga engineering improvement sa sanitary landfill sa Brgy. Felisa kag may 60 ka bag-...

May pagdamo gid man sa karon sang kaso sang trangkaso.Ini bangud sang matugnaw nga panahon. Kun bulan abe sang Enero, peak sang hangin nga Amihan diri sa Pilipinas gani matugnaw ang dapya sang hangin, ilabi na kun gab-i kag kaagahon.Suno sa kay Dr. Grace Tan, ang pamuno sang Environmental Sanitation Division sang City Health Office, isa ini ka sahi sang influenza pero kun ano nga sahi sang virus ang naga tuga sini, indi pa mahibaluan.Suno kay Tan indi man abe ang tanan nga gina trangkaso ang naga pa konsulta.May gina tawag nga seasonal influenza ukon ang seasonal flu, isa ka acute respiratory infection tuga sang influenza virus kag yara lang sa palibot.Ini ang mahimo magresulta sa paglain sang pamatyag sang pasyente pwede mild lang ukon severe. Kag mahimo man magresult...

Matapos ang duha ka bulan humalin sang nag-igo ang bagyo Tino, target karon sang banwa sang La Castellana nga matigayon na saylo sa mga tents ang mga evacuees nga naga tenir sa La Castellana Elementary School.Suno kay Remuel Lajo ang PIO sang banwa, padayon ang pag pahamtang sang mga tents gikan sa Office of the Civil Defense sa Colegio de La Castellana para temporaryo nga masayluhan sang 83 ka pamilya ukon 319 ka mga individuals bangud kuhaon naman balik sang eskwelahan ang mga classrooms karon nga nagbalik na ang klase.Suno kay Lajo target nga matigayon ang transfer sini nga weekend. Pero suno sa iya may mga iban pa nga Tino affected evacuees nga naga tenir sa lain-lain nga mga evacuation centers pa gid nga napahamtang sa mga barangay.Sa karon suno kay Lajo may 370 famili...

Bulkan Kanlaon ang liwat nagbuga sang abo sini lamang nga hapon.Sa advisory sang National Disaster Risk Reduction Managment Council, gina pahalong ang tanan bangud sang posible pag tupa sang abo gikan sa pag buga sang bulkan Kanlaon sa southwest direction mga 1:45 sini nga hapon.Sang nagligad lamang nga adlaw, maka duha ka beses man nga nag ash emission ang bulkan. Ang una naglawig sang masobra sa anum ka oras.Sa pihak nga bahin, opisyal na nga gin turn-over ni Office of the Civil Defense Western Visayas Director, Raul Fernandez ang chairmanship sang Regional Task Force Kanlaon kay OCD Negros Island Regional Director, Donato Sermeno, III kaina.Ginsaksihan ini mismo ni Civil Defense Administrator, kag NDRRMC Executive Director, Harold Cabreros ang turn-over.Suno kay Serm...

Mismo diri sa Negros Occidental patigayunon ang House-Senate inquiry angut sa gina atubang sa karon nga pag panghangkat sang industriya sang kalamay.Gin-announce ni third District Representative Javier Miguel Benitez nga maga host sini nga ang amo nga House-Senate inquiry ang patigayunon sa Enero 23 kag ini ang pamunuan ni Representative Mark Enverga para sa House kag ni Senador Francis Pangilinan para sa Senado.Suno kay Benitez ini kasunod sang resolution nga iya gin-file kun sa diin siya ang nagpanawagan sang joint House-Senate inquiry sa sugar industry.Importante ini nga bagay para tigayon mabatian ang mga tingug sang farmers suno kay Benitez para mabuligan ang sugarcane industry.Gina abi-abi ini ni Negros Association of Chief Executives, Cadiz Mayor Salvador Escalante, ...