Balita Hiligaynon

Ginpahayag ni Bacolod Congressman Greg Gasataya nga ginpahibalo siya sang Department of Labor and Employment Region 6 nga handa na ang ila ahensya sa pagbaton liwat sang mga application para sa mga luyag maka avail sang financial assistance sa idalum sang COVID-19 Adjustment Measures Program ukon CAMP.Ini matapos nga naghatag sang privilege speech si Gasataya sa House of Representatives sang nagligad nga Mayo 20 kun sa diin iya ginpahayag nga may kapin 60,000 ka mga empleyado sa Bacolod kag Negros Occidental ang naka apply na sa idalum sang CAMP pero wala makabaton sang ayuda matapos maubusan sang pondo ang DOLE.Nagpasar man ang mamalidha sang house resolution nga nagapanawagan sa DOLE nga hatagan sang pagtamud ang mga apektado nga establisimiento komersyal nga luyag mag avail sang...

Mga personnel sang Central Negros Electric Cooperative (CENECO) kag Negros Occidental Electric Cooperative (NOCECO) igapadala sa Oriental kag Occidental Mindoro para magbulig balik sang supply sang kuryente sa amo nga mga probinsya.Ini ang sabat sang mga eletric cooperative sa Negros Occidental sa panawagan sang Philippine Rural Electric Cooperatives Association nga buligan nga gilayon mabalik ang supply sang kuryente sa mga probinsya nga lubos nga apektado sang super typhoon nga “Rolly” nga nag igo sa Pilipinas.Duha ka semana ang walo ka personnel sang CENECO kag pito sang NOCECO nga maga tinir sa Mindoro para sa power restoration.Ini tanan ang kabahin sang Power Restoration Rapid Deployment nga programa sang gobyerno.

Lakip sa bag-o nga mga kaso sang COVID-19 sa Negros Oriental ang pila ka mga government employees, barangay kagawad kag pulis.Ang Guihulngan City amo ang sa gihapon ang may pinkadamo nga bag-o nga kaso kag naga sunod ang Bayawan City.May mga bago man kaso sang COVID-19 sa Zamboanguita, La Libertad, Santa Catalina, Ayungon, Tanjay, Mabinay, Tayasan kag Bacong.May duha na ka napatay bangud sang COVID-19 sa probinsya.361 na tanan ang COVID-19 cases sa Negros Oriental kag 136 diri ang active cases.

Courtesy of City DRRMO98 ka mga trabahador sang slaughter house sa Bacolod ginpaidalom sa swab test.Ini ang ginpahayag sang cluster head on markets sang Bacolod nga si Ernie Pineda.Suno kay Pineda matapos nga ginpa swab test ang mga market vendors ila gindason ang mga empleyado sang AVM Bernardo Slaughter House sa Barangay Handumanan.Ini para masiguro nga wala sa ila sang infected sang COVID-19.Masunod nga plano sang siudad nga ipa swab test ang mga yara sa food delivery services.

Ang City Legal kag General Service Offices, Talisay City Hall ang temporaryo sirado sumugod subong nga adlaw, Nobyembre 3.Base sa abiso sang Talisay Human Resource and Management magapatigayon sang disinfection sa mga talatapan kasubong man contact tracing.Magapahibalo ang siudad kun san-o liwat magabukas ang ini nga mga talatapan.Samtang, base sa report sang Talisay City Health Office may tatlo ka dugang nga kaso sang COVID-19 ang Talisay samtang may yara man dugang nga isa ka kaso nga nag ayo kag isa ang napatay.Sa kabilugan may yara na ang siyudad sang 594 ka confirmed nga mga kaso. 21 na lang ang nabilin nga active cases.

Police Station 5 photoPatay ang 56 anyos nga si Lory Fernandez matapos mag agum sang mga pilas sang mabunggo sa truck ang iya ginasakyan nga jeep sa Granada-Alangilan Road sa Bacolod, Lunes sang gab-i.Suno kay Police Lieutenant Melchor Tolentino, hepe sang Police Station 5, mismo ang anak ni Fernandez nga si Joshua Araujo amo man naga drive sang jeep.Suno kay Tolentino, posible waay nakita ni Araujo ang truck nga naga parking sa kilid sang dalan amo kun ngaa nag rekta ang jeep kag nag bunggo sa likod sang truck.Nakainom ang driver base sa imbestigasyon sang pulis.Si Fernandez nga naga sakay sa front seat ang nag agum sang pilas sa agtang, dughan, kag kamot nga gintunaan sang iya kamatayon.Pilason man ang asawa kag duha ka anak ni Araujo nga nagasakay naman sa likod....

Patay ang 18 anyos nga so Maica Gapan matapos ini aksidente nga mahulog sa bubon sa atubang sang ila balay sa Sitio Balabag, Brgy San Antonio sa Himamaylan City.Naga salod lang sang tubig sa bubon si Gapan alas syete sang aga sang Sabado samtang naga panglaba.Matapos ang pila ka mga inoras natingala na ang iya pamilya nga wala na siya makabalik pyanglaba kag sang ginpangita, ila nakita na lang ang iya tsinelas nga nagalutaw na sa bubon.Sang ila gin pahubsan sang tubig ang bubon, didto nakit-an ang lawas sang biktima.Sa imbestigasyon sang kapulisan, samtang naga sag-ob sang tubig, nadanlog ang biktima kag nahulog sa bubon nga ginabulubanta 15 ka tapak ang kadalumon.Posible nga nalumos ang biktima bangud sa indi man ini kabalo maglangoy suno sa PNP.

Bacolod City Mayor Evelio “Bing” Leonardia ang nagalaum sa gihapon nga ma de-escalate ang status sang siudad sa modified general community quarantine bangud sang pagnubo sang mga kaso sang COVID-19.Nagpagwa sang Sabado (October 31) ang alkalde sang executive order nga nagapalawig sang general community quarantine sa Bacolod tubtub sa Nobyembre 30.Ini matapos nga ginpahayag damlag pa ni Presidente Rodrigo Duterte nga magapabilin ang Bacolod sa GCQ tubtub sa katapusan sang bulan.Ini apesar sang endorsement sang Regional Inter-Agency Task Force sa National IATF sang panawagan sang siudad nga mahimo na ma de-escalate sa MGCQ ang Bacolod.Suno kay Leonardia, wala ginpahanugutan sang Department of Health ang ila ginhinyo nga MGCQ status apesar sang dako nga pagnubo sang mga kaso s...

Nag lab-ot sa 51 ka mga persona ang nadakop sang kapulisan bangud sang iligal nga bulang paagi sa nagkalain lain nga police operations sa mga banwa kag siudad sa Negros Occidental.14 ka persona ang nadakop sa Bago City, 9 sa Hinigaran, 7 sa Sipalay, 5 sa Kabankalan kag Himamaylan, 4 sa Sagay kag Mantapla, 2 sa Moises Padilla kag 1 sa Cauayan.Nakuha man ang 40 tanan ka mga manok nga inugbulang.Sila ang na aresto bangud sang padayon nga operation sang PNP batuk sa iligal gambling lakip na diri ang pag bulang nga wala pa ginatugutan sa karon.

BCPO photoPilason ang 32 anyos nga si Jason Baron matapos matiruhan sa gwa lang sang ilimnan sa 18th Aguinaldo Street sa Bacolod kagab-i (November 1).Suno sa imbestigador, pakadto sa ilimnan ang biktima upod sang iya mga grupo sang may naka engkwentro nga lain man nga grupo sa gwa sang ilimnan.Nakadalagan pa suno sa pulis si Baron sang makita nga may pusil ang ila kontra ugaling gintiro siya kag naigu sang bala sa likod.Ginahibalo pa sang PNP kun ano ila gin awayan kag kun sino ang persona nga naka tiro sa iya.