Balita Hiligaynon

Bacolod PIO photoGinpahayag sang pamuno sang Quick Response Extraction Team sang Bacolod Emergency Operations Center nga si Ernie Pineda nga ang onse ka mga positibo nga empleyado ang yara na karon sa quarantine facility sang siudad kag ginpaidalum naman sa home quarantine ang ila tagsa ka mga pamilya.98 tanan ka mga empleyado sang AVM Bernardo slaughter house ang ginpaidalum sa surveillance testing sang siudad para masiguro nga hilway sila sa COVID-19.Damlag pa napaidalum na sa surveillance testing ang market vendors kag health care workers.Plano man sang siudad nga ipaidalum sa swab test ang mga driver sang food service delivery.

Ginkumpirma ni Major Cenon Pancito, spokesperson sang 3rd Infantry Division nga nagtaliwan na ang army nga pilason sa nagluntad nga engkwentro batuk sa mga miyembro sang New Peoples Army sa Sitio Inangaw, Brgy Sandayao sa siudad sang Guihulngan sang Miyerkules.Ang napatay amo si Private First Class Arjun Guillermo nga katapo sang 62nd Infantry Battalion.Si Guillermo nga tumandok sang Capiz ang napatay pagkasunod nga adlaw matapos ang engwentro suno kay Pancito bangud sang igu sang bala sa iya sini nga dughan.Ang Leonardo Panaligan Command sang New People's Army ang nagpagwa sang pahayag nga may duha ka miyembro sang 62nd IB ang napatay sa ila ginpatigayon nga tactical offensive batuk sa army pero si Pancito nagsiling nga ini tanan ang kabutigan lang sang grupo.Subong nga ad...

Municipal treasurer sang La Libertad sa Negros Oriental, nag positibo sa COVID-19.Ang treasurer ang ginkilala nga si Elenita Canallero.Ini ang ginpalayag mismo sa official Facebook page sang La Libertad nga may pahanugot man ni Caballero, agud maka bulig sa contact tracing sang banwa.Ginapanawagan sang banwa nga makig angut sa health officials ang kun sin-o man ang naka upod ni Caballero sang nagligad nga 2 ka semana.Nagapabalin nga bukas ang munisipyo sang La Libertad magluwas na lang Municipal Treasurer’s Office.Anum ang bago nga COVID-19 cases sa Negros Oriental, lakip na diri ang municipal treasurer.141 karun ang active cases sang COVID-19 sa bug-os nga probinsya.

Kahapon, Nobyembre 5, nag abot sa San Carlos City ang grupo sang mga duktor nga gina pamunuan nanday Dr. Chris Sorongon kag Hector Gayares, ilakip na si Liga ng Barangay President Lady Gles Gonzales.Suno kay Mayor Renato Gustilo, sila ang ginpadala sang grupo ni Mel Feliciano, ang chief implementer sang IATF Visayas, nga damlag pa nagbisita man sa San Carlos.Suno kay Gustilo ang mga duktor kag si Pallen ang maga bulig sa sistema sang ila nga Emergency Operations Center.“There are gray areas sa EOC namon that needs to be corrected,” suno kay Gustilo.Dugang pa ni Gustilo nag siling man si Feliciano nga magahinyo sila sang contact tracer gikan sa PNP, DILG kag Army.Ang nag-abot pa lang ang gikan sa DILG. Kinahanglan pa ipaidalom sa quarantine ang mga contact tracers sang m...

Isa ka Christmas event ang gina plano sang Bacolod para makabulig sa mga magagmay nga mga negosyante kag pati na sa mga BJMP inmates.Naga padayon sa karon ang beautification sang Bacolod public plaza kag gina paabot nga indi pa ini mahuman pag abot sang bulan sang Disyembre.Pero bisan wala pa matapos, naga plano ang siudad nga magbutang sang Christmas Tree diri bilang simbolo nga magapadayon ang paskwa sa pihak sang pandemya.Suno sa consultant sang siudad para sa trade, tourism and investment nga si Atty. John Orola, maga lunsar pa gid sila sang isa ka Christmas event.Ini bilang bulig man para sa mga magagmay nga negosyante nga lubos karon nga apekadto sang pandemya. Pati mga BJMP inmates ang tuyo man nila nga buligan pinaagi sa pagbakal sang ila nga mga parol.Kag bangu...

PCG-Negros Occidental file photoMetro Bacolod Chamber of Commerce and Industry ang nagalantaw sang amat amat nga pag sanyog liwat sang ekonomiya.Suno kay MBCCI chief executive officer Frank Carbon ang pagbukas sang mga puerto kag balik biyahe sang mga fast craft maayo nga patimaan.Dugang pa diri suno kay Carbon ang pag nubo ukon kontrolado na ang paglapta sang virus.Karon suno kay Carbon ginahulat ang bulig sang gobyerno national paagi sa mga pondo nga mahatag sini sa mga lokal nga panguluhan nga maga resulta sa dugang nga trabaho nga maga resulta sa paghatag sa mga pumuluyo sang kapasidad nga magbakal ukon may igasto.Sa karon suno kay Carbon may pila naman ka mga hotel ang nagpakig angut sa iya para man sa liwat nga pag operate sini.Maayo man nga sinyales sa ekonom...

Richard Malihan photosMatapos ang pila ka bulan nga pagsira sang lagoon sarang naman liwat nga maka jog kag maka walk ilakip na exercise ang mga pumuluyo.Suno kay Governor Eugenio Jose Lacson, istrikto nga ipatuman ang minimum health protocols.Antes pa man magsulod sa Lagoon may temperature check.Sa group exercise, tatlo lamang ang maximum suno sa gobernador.50 lamang ang tugutan nga makasulod sa Lagoon.Ang liwat nga pagbukas sang Lagoon sa publiko kasunod sang pagnubo man sang kaso sang COVID-19 sa Bacolod. 18 tubtob 65 anyos naman ang tugutan nga maka sulod sa Lagoon.

Matapos makig sapul sa Regional IATF, nakig sapul man sa Provincial IATF ang ang Inter-Agency Task Force sang Guihulngan agud matapna ang pagsaka pa sang COVID-19 cases sa siudad.Ang guihulngan amo abi sa karon ang may pinakadamo nga COVID-19 active cases sa Negros Oriental. 49 amo ang active cases sa siudad.Suno kay Karen Molas, City Legal Officer sang Guihulngan, wala gin tugutan sang probinsya nga ipaidalom sa ECQ ang bug-os nga siudad gani ang ila na lang gina dumilian ang non essential travels.Ginahyalo ang pag tiner sang mga pumuluyo sa ila mga balay kun wala man lang sang importante nga kaladtuan.Sila ang nagpangayo naman snag bulig sa kapulisan agud masiguro nga naga face mask kag face shield ang mga naga gwa nga mga pumuluyo.Ang Barangay Poblacion ang sa Guihul...

Isa ka enkwentro ang nagluntad kahapon sang hapon, Nobyembre 4, sa Sitio Inangaw, Brgy. Sandayao sa siudad sang Guihulngan sa tunga sang tropa ka 62nd Infantry Battalion kag ginabulubanta 15 ka mga miyembro sang communist terrorist group.Sa initial nga impormasyon sang 62nd IB, ang tropa ang nagapatigayon lang sang combat operations sang ila maka engkwentro ang mga rebelde.Naglawig snag 15 minutos ang bayluhanay sang lupok nga nag resulta sang pagkasamad sang isa ka miyembro sang militar.Wala naman mahibaluan suno sa army kun may napilasan sa tropa sang mga rebelde.Nag pangayo na sang bulig ang army sa Guihulngan PNP para malagas ukon madakop ang mga rebelde.

Otsenta’y nuebe por siento nga nag nubo ang kadamuon sang kaso sang dengue sa siudad sang Bacolod.Ini sandig sa record sang City Health Office humalin Enero tubtob Oktubre 31 sini nga tuig kun ipaanggid sa kasubong man nga tiun sang 2019.Sa datus sang CHO 274 ang kaso sang dengue nga na record subong nga tuig. Wala man sang may gin report nga napatay.Sa mga barangay, ang Barangay singcang-airport ang may pinakadamo nga na-record nga kaso, 26, nagasunod naman ang Mandalagan nga may 22 kag Sum-ag kag Mansilingan nga pareho may 21 ka kaso sang dengue.Sang 2019, 2,503 ang na igo sang dengue kag may siyam ka iban pa ang napatay.Wala naman untat ang pahanumdom sang CHO sa pumuluyo nga mag mangin matinlo sa palibot.