Ginkumpirma ni Major Cenon Pancito, spokesperson sang 3rd Infantry Division nga nagtaliwan na ang army nga pilason sa nagluntad nga engkwentro batuk sa mga miyembro sang New Peoples Army sa Sitio Inangaw, Brgy Sandayao sa siudad sang Guihulngan sang Miyerkules.
Ang napatay amo si Private First Class Arjun Guillermo nga katapo sang 62nd Infantry Battalion.
Si Guillermo nga tumandok sang Capiz ang napatay pagkasunod nga adlaw matapos ang engwentro suno kay Pancito bangud sang igu sang bala sa iya sini nga dughan.
Ang Leonardo Panaligan Command sang New People’s Army ang nagpagwa sang pahayag nga may duha ka miyembro sang 62nd IB ang napatay sa ila ginpatigayon nga tactical offensive batuk sa army pero si Pancito nagsiling nga ini tanan ang kabutigan lang sang grupo.
Subong nga adlaw idal-on balik sa Capiz ang bangkay sang suldado kag siya ang natalana man nga tagaan sang pagkilala sang Philippine Army.