Balita Hiligaynon

Base sa memorandum order nga ginpagwa ni Supreme Court Chief Justice Diosdado Peralta, half-day lamang ang mga korte sa pungsod subong nga adlaw (Supreme Court, Court of Appeals, Sandiganbayan, Court of Tax Appeals, Presidential Electoral Tribunal kag tanan nga first kag second level courts).Pero madayon sa gihapon ang natalana nga training seminar sang Philippine Judicial Academy tuhoy sa 2019 Amendments to the 1997 Rules of Civil Procedure kag Revised Rules on Evidence.

Nagsulod na kagabi sa Philippine Area of Responsibility si Typhoon Rolly nga nagadala sang maximum sustained winds nga 120 km/h malapit sa sentro kag may pagmadlos nga tubtub sa 150 km/h.Base sa pinaka ulihi nga severe weather bulletin sang PAGASA, nagagiho si Rolly padulong sa southwest nga direksyon tubtub sa Sabado kag magagiho pa northwest.Ini ang ginapaabot nga maga landfall sa Central Luzon-Quezon area sa Domingo sang gab-i ukon sa Lunes sang aga kag ginapaabot nga magbaskug pa gid sa peak intensity nga 165-185 km/h.Si Rolly ang magadala sang maulanon nga panahon sa Bicol Region, Eastern Visayas, Central Visayas kag Caraga.Wala pa sa karon sang lugar nga ginpaidalum sa Tropical Cyclone Wind Signal.Samtang, nangin isa na ka Tropical Storm ang isa pa gid ka bagyo ng...

3ID photoNagbalik sa sabak sang gobyerno ang anum ka mga anay miyembro sang New People's army lakip na ang isa ka menor de edad nga naga busong.Ang nagabusong nga 17 anyos nga si alyas Ericka ang ginakabig isa ka NPA amazon. Siya ang nag sungka sa Community Support Program sang 94th Infantry Battalion sa Bindoy, Negros Oriental.Samtang sang Martes si alyas Mel nga Mel miyembro sang Komiteng Rehiyon-Negros/Cebu/Bohol/Siquijor (KR-NCBS) sang CPP-NPA ang nag sungka man sa mga army kag kapulisan sa banwa sang Isabela.Dala pa ni alyas Mel ang iya nga M16 rifle sa iya nga pag surrender sa otoridad.Sang tinalikdan nga semana may apat man ja miyembro sang NPA ang nag surrender sa otoridad.Sila amo sanday alyas Dem, alyas Mar, alyas Noky kag alyas Rodrigo.Liwat man ginpa...

Yara na sa 67 ang active cases sang COVID-19 sa Negros Oriental sa karon matapos mag dugang ang anum ka bag-o nga kaso kahapon (October 28).Kabahin bag-o nga kaso sang COVID-19 sa probinsya ang isa ka army nga katapo sang 302nd Infantry Brigade kag isa ka pulis nga assigned naman sa Ayungon PNP.Suno kay Dr Liland Estacion, ground commander sang provincial IATF, ang 35 anyos nga suldado ang gikan Antique kag nag tiner lang sa isolation facility asta nag abot ang iya resulta. Siya ang padayon nga naka quarantine.Ang 31 anyos nga pulis naman suno sa kay Estacion ang isa ka frontliner apang wala pa mahibaluan kun sa diin niya nakuha ang virus bangud sa madamo man siya sang ginkadtuan lakip na sa Guihulngan, Bacong kag Dumaguete.Ang apat pa nga bag-o nga kaso ang local transmis...

BCPO photoPatay na sang maabtan sang iya pamilya ang 53 antos nga si Gaudioso Empase, sakay sa iya tricycle sa dalan sa Purok Fatima sa Barangay Sum-ag.Sa imbestigasyon sang PNP, papauli na kun tani si Empase upod ang iya paka isa sang hinali na lang siya nga gintiro sang riding in tandem nga wala pa makilal-an.May igu sang bala sa ulo kag abaga si Empase.Suno kay Police Lieutenant Colonel Ariel Pico, spokesperson sang BCPO, indi man ma locate tubtob karon ang paka-isa sang biktima nga iya kaupod sa pag biyahe.Indi pa matumod sang PNP kun ano ang motibo sa pag patay kay Empase kag ila lang karun ginatutukan ang anggulo nga personal nga dumot.

As of October 28, wala na sang active COVID case ang banwa sang Don Salvador Benedicto.Ang pinaka ulihi nga kaso nga na-record sang banwa ang nag negatibo na sa virus sandig sa iya nga swab test result.Suno kay Mayor Marxlen Dela Cruz, sa karon may yara na lamang sang tatlo ka persona nga gina-monitor ukon gina kabig nga PUM sa DSB.Sila ang yara sa quarantine facility sang banwa.“The most number namon was three. One at a time. Anyway we cannot be complacent about it. Bantay gyapon. Steady kami gyapon sa pagbantay,” suno kay Dela Cruz.Sumugod Oktubre 16, nangin bukas na ang borders sang Salvador Benedicto.Suno sa alkalde makita ang liwat nga pagbalik sang mga bisita sa banwa ilabi na sa mga kapehan. Wala labot nga gina sayo naman gid nga daan ang DSB nadugangan pa gi...

Ginpasar na sa third and final reading ang ordinansa nga nagamando sa publiko sa pagsuksuk sang face shield sa pila ka mga pampubliko nga lugar sa Bacolod City.Ini ang nag-amend sa ordinansa nga damlag pa ginpasar man sang Sangguniag Panlungsod nga nagamando sa pagsuksuk sang face mask kag pagsunod sa physical distancing sa pampubliko nga mga lugar.Base sa bag-o nga ordinansa, mandatory naman ang pagsuksuk sang face shield sa sulod sang mga “supermarket, public markets, malls, venues for meetings (private or government service initiated), venues where private or government services are provided, all enclosed offices or establishments doing business, public transportation or public utility vehicles and enclosed work places.Ang magasupak sini ang may nagakaigo man nga multa.

Antes mag sira ang patyo sa bwas may gina hingagaw pa lubong kaina sang aga sa Rolling Hills Memorial Park sa Bacolod.Halos kadam-an sa mga pantyon may mga bulak na, patimaan nga may naka bisita na diri.Sanday Fe Villaquatro kag ang iya sini nga utod ang tatlo na ka dekada nga naga paninlo sang mga pantyon.May tag stenta sila ka mga kliyente kag gina tatap nga mga pantyon pero subong ahaw ahaw pa lang ang naka pakita.Suno sa ila, sa kalawig nga pagpangabuhi nila sa patyo, subong lang sila naka batyag sang amo sini nga puraot nga tigkalalag.May naka standby nga ambulansya sa sulod sang memorial park.Ililisipon ang mga pamilya nga yara sa patyo kaina sang aga bangud suno sa mga naga paninlo sang weekend kalabanan nag kinadto.Sa public cemetery naman sa Barangay Gr...

Kun may yara man sang variance ukon wala nagasanto ang gina report nga statistics sa kaso sang COVID-19 sa probinsya, ini natungod nga may delay sa releasing sa report.Paathag ni Atty. Rayfrando Diaz II, ang provincial administrator sang Negros Occidental, sumugod sang Setyembre uno may bag o nga MIS program para sa reporting sang COVID-19 cases.Ini ang mas madasig, kag nagatuyo nga malikawan ang ano man nga human error. Wala labot diri ini ang para sa gilayon nga pag pat-od sa nag positibo kag mapatuman ang gilayon nga aksyon sang tagsa ka LGU.Suno kay Diaz ang figures nga gina release sang DOH ang may delay sang tatlo tubtob lima ka adlaw bangud nga ini ang naga agi sa pila ka proseso kasubong sang counter checking kag mag pila pa ka mga signatories antes gina release.Sun...

Wala nagapanukot ang Barangay tangub sa Bacolod sa ano man nga bulig nga gina hatag sini sa pumuluyo nga naga hinyo sang assistance sa pag pa register sa BaCTrac.Suno kay OIC Punong Barangay Luz Atienza, ang nag gwa sa report nga may isa ka pumuluyo nga ginpabayad sang 35 pesos para sa BaCTrac registration ang indi matuod.Paathag niya sang nagligad pa nga semana nagpadulong sa barangay ang natungdan. Ugaling wala pa nagsugod sa paghatag assistance ang barangay rason nga gin refer siya sang isa ka barangay staff sa isa ka pribado nga indibidual sa isa man ka purok nga nagsukot sa iya sang printing kag lamination sang ID.Suno kay Atienza, Martes na nagsugod ang help desk para sa BaCTrac sa Barangay Tangub kay Lunes na naka seminar ang in charge. Bukas ini sa pumuluyo kag libre su...