Padayon nga ginaduso sang Bacolod City Police Office kag sang siudad ang pagpatukod sang bag-o nga mga police stations kag police sub-stations sa Bacolod City.
Ginsiling ni BCPO Director Police Colonel Eugene Rebadomia nga may lima ka mga police stations ang ginahikut sang siudad nga mapatukod agud mapadasig ang pag responde sang kapulisan sa tion sang kriminalidad.
Lakip sa mga ginaduso nga butangan sang kaugalingon nga Police Stations amo ang Barangay Banago, Singcang-Airport, Vista Alegre, Estefania, kag Sum-Ag.
Apang, antes mapatukod ang dugang nga mga police stations, kinahanglan nga ma declare anay sang Philippine National Police nga Type A City ang Bacolod City nga sa karun yara palang sa Type B status.
Suno kay Rebadomia, dapat nga magdangat sa 700,000 ang population sang siudad para ma mangin Type A ini apang yara palang ini sa karun sa 640,000.
Apesar sini, padayun man nga ginahikot sang siudad ang mga dokumento para diri.
Iya man ginsiling nga kinahanglan gid nga may ara na sang kaugalingon nga mga police stations ang mga dalagko nga Barangay.
Sa karun, ang kada police station sa siudad ang naga serbe kag naga responde sa anum ka mga barangay.
[sibwp_form id=1]