Balita Hiligaynon

Base sa latest weather forecast sang PAGASA, wala na ang low pressure area nga yara sa pungsod pero mangin maulanon sa gihapon ang panahon.Ang Tail End of the Frontal System ang nagadala sang ulan sa Southern Luzon kag sa pila ka bahin sang Visayas.Ang paghuyop sang Easterlies ang nagadala man sang ulan sa Eastern Visayas.Bisan pa nga lapta-lapta ang pag ulan nagapanugyan ang PAGASA sa publiko nga mangin mabinantayon bangud sang mahimo pagluntad sang flash flood kag landslides tuga sang malawig kag mabunok nga ulan.

Photos courtesy of Maricel RebucaPilason ang driver sang vios nga si Mary Ann Pastro matapos mabungguan sang isa man ka awto alas 7:30 kaina sang aga sa highway sa banwa sang Murcia.Suno kay Police Master Sargeant Donald Garde, Traffic Investigator, nag overtake sa iya gina sundan nga motorsiklo ang awto nga gina maneho ni Eugene Po ugaling bangud sa madanlog ang dalan, mahimo nadulaan sang control si Po kag nag tiyog ang iya awto.Nagbalik ini sa iya nga lane kag nag bunggo sa naga dalagan nga Vios nga ginamaneho ni Pastro.Pag bunggo suno sa pulis, posible nakibot si Pastro amo kun ngaa nahulog sa kampo sa kilid sang dalan ang iya salakyan.Nag agum sang samad suno sa pulis si Pastro kag siya ang gindala na sa ospital.Wala naman masamaran si Po suno sa pulis.

Calatrava PNP photoPatay ang 35 anyos nga si Rolly Cati-an matapos gintiro sang wala pa makilala nga persona sa Barangay Bagacay sa Calatrava.Sa imbestigasyon sang PNP, nagapauli si Cati-an sakay sa iya motor sang siya ang gin banggaan kag gilayon gintiro sang makapila ka beses sa bahin sang Sitio Bogo.Patay ang biktima bangud sang pagpaniro. Nakuha sa crime scene ang tatlo ka basiyo sang caliber 45 pistol.Suno sa pulis, ila ginatutukan sa karon amo ang anggulo nga pagtimalos.Si Cati-an suno sa pulis amo ang gina tudlo nga suspek sa pagpatay sang isa ka pwd sa Calatrava nga nasapwan na lang nga gintago kag gintabunan sang balas sa talamnan sang balinghoy.Padayon ang imbestigasyon sang PNP angut sa kaso.

Nakuhaan sang CCTV footage ang kawatan nga nag sulod sa San Antonio Abad Parish sa Bacolod.Ang video ang gin post sang simbahan sa ila nga facebook page para ipaandaman ang mga sumilimba.Makita sa video nga ang lalaki nga sakay sa motorsiklo ang nag park sa kilid sang salakyan sa sulod sang compound sang simbahan kag nag panaog.Sa sunod nga kuha sang CCTV, nakita nga may gin kuha ang lalaki sa atubang sang isa ka naka park nga bisekleta.Ang ginkuha sang lalaki ang kahita gali sang isa ka personnel sang parokya.Sa post sang simbahan ila ginpahayag nga ang lalaki ang nagkadto sa simbahan sang Disyembre 23 kag namangkot kun may kasal ukon bunyag.Pero iya lang nga tuyo gali amo ang pagpangawat.Suno sa tagdumalahan sang simbahan, wala na sila naka pangayo pa sang bul...

May yara karon sang 66 ka mga designated firecrackers kag community fireworks display zones sa 44 ka mga barangay sa Bacolod City.Sandig sa Republic Act 7183 sa ini lamang nga mga lugar sarang makapalupom kag makagamit sang mga pyrotechniques.Suno kay Bacolod City Police Office Spokesperson Police Lieutenant Colonel Ariel Pico, kun estriktuhon gid ang kasuguan bisan simple nga pasirit ukon fountain indi gid pwde sa gwa sang balay.Kun ang barangay wala sang kaugalingon nga designated zones, mahimo sila nga makapadulong sa pinakamalapit nga barangay nga may yara sini."That is why may gin designate gid nga community fireworks display zone kay maskin pasirit na maskin fountain lang ina or mga pa ilaw indi na tuod makatuga sang dako nga lupok pero ang tendency bala nga makasunog...

[embedyt] https://www.youtube.com/watch?v=5DeLjZpmvbw&live=1[/embedyt]Matapos sang masobra isa ka semana, nag sungka na sa otoridad ang driver sang pula nga SUV nga nag hit and run sa engineering graduate nga si Prince Joaquin Relatos.Si Relatos ang papuli na kun tani sang gab-i sang Disyembre 22 sang mabungguan sang SUV sa Circumferential Road ang iya gina sakyan nga tricycle kag nag rekta sa pihak nga lane kag nabugguan man sang nagadalagan nga truck. Ini ang nag resulta sa kamatayon ni Relatos nga wala na makasulog pa sang paskwa upod sa iya pamilya. Nakaluwas naman ang driver sang tricycle.Mabaskog nga ginpanawagan sang pamilya, abyan kag mga himata ni Relatos ang hustisya kag ang pag surrender sang SUV driver nga gilayon nagpalagyo matapos ang pag bunggo. Sila ang nag ...

Nagapanawagan sa karon ang Bacolod City Police Office sa tagsa ka mga Barangay sa Bacolod nga smag patigayon sang rekorida para mapahibalo ang mga pumuluyo kun sa diin lang sarang mag gamit sang palupok.Suno kay BCPO Spokesperson Police Lieutenant Colonel Ariel Pico, indi lang ang pulis ang sarang magdakop sa mga mapalupok sa indi designated area ukon sa gwa sang ila mga puluy-an kundi mismo ang mga opisyales sang barangay gani mas maayo nga mapahibalo sang maayo ang mga pumuluyo angut sa designated fire cracker zone nga mismo ang barangay man ang nag pili.Kun indi gid man totally ma implement suno kay Pico, mas maayo nga mapahibalo na ang mga pumuluyo subong nga adlaw para mapahagan hagan ang mga mapalupok sa ila ugsaran.Ang kapulisan ang malibot man suno kay Pico kag mag pana...

Nadugangan naman sang walo ka bag-o nga kaso sang COVID-19 ang Negros Oriental kahapon.136 na tanan ang active cases sang COVID-19 sa probinsya matapos man maka record sang 32 ka bag-o nga recoveries.Kabahin sa mga bag-o nga kaso sang COVID-19 sa Negros Oriental ang isa ka doktor, isa ka pari kag isa ka empleyado sang gobyerno sa Dumaguete City.Anum tanan ang bag-o nga kaso sang COVID-19 sa Dumaguete nga may isa man ka na record nga napatay.May tAg isa naman sa Bayawan kag Valencia.Naglab-ot na sa 908 ang total COVID-19 cases sa Negros Oriental.

BCPO photoNasapwan nga patay alas 8:30 kaina sang aga ang 81 anyos nga si Amparo Leyte sa kakugnan sa ginapatindog nga township sa Barangay 41 sa Bacolod.Ang iya tupad balay amo ang nakakita sa biktima nga suno sa ila, sang Disyembre 24 pa nga nadula.Wala na sang pang idalom nga panapton kag nagakaagnas na ang tigulang sang makita.Pero suno kay Police Senior Master Sargeant Raynond Bandojo, posible nga nagapangihi lang si Leyte amo kun ngaa wala siya pang idalom nga panapton kag mahimo gin stroke amu kun ngaa natumba kag nag higda sa kakugnan.Wala man gina tan-aw sang pulis nga may foul play sa pagkamatay ni Leyte bangud sa masanag man ang lugar kun gab-i kag madamo man sang guwardiya sa palibot.Posible ugto natabo ang pagka stroke ni Leyte, nga suno sa PNP may ara ...