Balita Hiligaynon

Bacolod Emergency Operations Center ang estrikto nga maga-monitor sa mga establisimiento komersyal nga wala nagapatuman sang BacTrac monitoring system sang siudad.Ginpahayag sang Executive Director sang EOC nga si City Administrator Em Ang nga may nakalab-ot sa ila nga impormasyon nga ang iban nga establisimiento ang wala na naga scan sang BacTrac ID sang mga nagasinulod nila nga customer.May yara man sang mga establisimiento nga wala pa nakapa register sa BacTrac system sang siudad gani sila ang ginapaandam sang EOC nga mahimo sila multahan.Suno kay Ang, bisan pa nga manubo na ang mga kaso sang COVID-19 sa Bacolod indi dapat magkumpyansa ang mga pumuluyo kun magwa sa ila balay kag magkadto sa mga lugar nga madamo sang tawo.Dapat sa gihapon magsuksuk sang face mask, face sh...

Naglampuwas na sa 1,000 ang kaso sang COVID-10 sa Negros Oriental matapos madugangan naman kahapon sang 24 ka new COVID-19 cases ang probinsya.1008 na tanan ang total COVID-19 cases sa Negros Oriental kag 180 sa diri ang active cases.Ang siudad sang Dumaguete amo sa gihapon ang may pinakadamo nga active cases na malapit na sa isa ka gatus.May duha man ka bag-o nga covid-19 fatalities ang Dumaguete City. 13 na tanan ang napatay bangud sang COVID-19 sa siudad.Samtang, ang Bayawan City nga sadto isa man sa may pinakadamo nga active COVID-19 case sa probinsya, ang karon COVID-19 free na.Ini ang mismo gin palayag man sa social media page sang siudad nga wala na sang kaso sang COVID-19 sa Bayawan.86 ang total COVID-19 case sa Bayawan kag tanan ang naka recover na magluwas...

Ginpahayag ni Major Cenon Pancito, Chief sang Public Affairs Office sang 3rd Infantry Division sang Philippine Army nga may mga nakalab-ot gid man sa army nga report angut sa mga naga pakilala nga katapo sang MNLF ukon Moro National Liberation Front sa banwa sang Murcia kag Don Salvador Benedicto.Pero si Pancito nag siling nga wala sang presensya sang MNLF sa Negros kag ang mga nagapakilala ang mga miyembro lang sang sindikato ukon budol-budol.Suno kay Pancito, may kaangay man nga mga modus nga gin report sa isla sang Panay kag ang ila ginahimo amo ang magpangilkil sang kwarta sa mga pumuluyo.Suno kay Pancito, ila gina ganyat ang mga pumuluyo nga mangin miyembro sang MNLF agud makabaton sang P50,000 nga sweldo gikan sa gobyerno.Pero antes maka sulod, sila ang naga pangayo s...

Cadiz PNP photoPatay ang 64 anyos nga mamumugon nga si Ramon Castro matapos bun-on sang iya man lang mga kaupod inom sa Barangay Luna sa siudad sang Cadiz.Suno sa PNP, naga inom lang sa isa ka birthday party si Castro upod sanday alyas Nonoy kag alyas Gener.Nabatian na lang suno sang pulis sang mga naga tambong sa party ang pag inaway sang mga suspek kag sang biktima na naga inom sa gwa sang balay.Ila naabtan snga naga higda na si Castro kag may mga samad na sang pag pangbuno samtang yara naman naga tindog ang mga suspek nga nagpalagyo sang makita na ang mga tumalambong.Dead on arrival sa ospital ang biktima.Ang pulis ang padayon naman sa pag pangita sa mga nagpalagyo nga suspetsado.

Nangin mas madyutay ang na record nga crime incident sa siudad sang Bacolod sang tinalikdan nga tuig 2020 kun ikumparar sang 2019.Base sa datos sang Bacolod City Police Office, nagnubo sang 40% ang total crime incidents sa siudad. 1845 ang total crime incidents sang 2019 pero sng 2020, nag nubo ini sa 1105 ka insidente.Base sa assesment sang BCPO, ang pag nubo sang crime incidents sa siudad ang bangud sa mas ginpabakod nga police interventions kasubong man sa pag patuman sang mga community quarantines sang nagligad nga tuig.Madako man ang gin nubo sa mga insidente sa dalanon base sa datos sang BCPO.Humalin sa 309 ka mga traffic incidents sang 2019, nag nubo ini sa 119 sang nag ligad tuig ukon nagpanaug sa 61%.Nag dyutay man ang gin patigayon nga police initiated operati...

Bacolod Emergency Operations Center ang nagaduso sang bag-o nga pagsulundan para sa mga magapinauli nga overseas Filipino workers gikan sa mga pungsod nga may yara sang bag-o nga variant sang COVID-19.Ginpahayag sang executive director sang Bacolod EOC nga si City Administrator Em Ang, nagaplano sila nga magpatuman sang pito ka adlaw nga home quarantine sa mga maga inabot nga OFW sa siudad kun gikan sila sa mga pungsod nga may positibo nga kaso sang bag-o nga variant sang virus.Sa karon, may yara na sang travel ban nga ginpatuman ang gobyerno para sa mga residente sang mga pila ka mga pungsod nga may positibo nga kaso.Ang mga nagapinauli nga OFW gikan sa ini nga mga lugar ang ginapaidalum sa RT-PCR test kag katorse nga adlaw nga quarantine sa Metro Manila antes makapauli sa ila...

Negros Occidental Police Provincial Office ang nagpahayag nga indi matuod ang balita nga may yara sang presensya sang mga katapo sang Moro National Liberation Front sa banwa sang Don Salvador Benedicto.Suno sa public information officer sang NOCPPO nga si Police Lieutenant Abegael Donasco, ila ginkumpirmar sa hepe sang DSB Police Station kun ano ka matuod ang alegasyon nga may nasiplatan nga mga katapo sang MNLF sa banwa sang nagligad nga Nobyembre.Ginpahayag ni Donasco nga wala ini sang kompirmasyon gikan sa ila nga Intelligence Branch kag mahimo sala lang nga impormasyon ang nakalab-ot sa mga pumuluyo sang banwa.Nagapasalig ang PNP nga hugot ang ila pagbantay sa bug-os nga probinsya para masiguro nga indi masudlan sang mga armado nga grupo gikan sa iban nga lugar kag mapabili...

BCPO photoArestado ang 28 anyos nga si Ralph Robert Lizares matapos madakpan nga nag panulod sang balay sa Santorini Subdivision sa Eroreco, sa Barangay Mandalagan sa Bacolod.Suno sa hepe sang Police Station 3 nga si Police Captain Richard Fajarito, ang suspek nagsiling nga iya lang nakita nga bukas ang balay kag iya lang ini ginsulod.Nakita siya sang tag-iya kag gilayon man gin report sa gwardiya. Naabtan sang gwardia ang amo nga persona.Posible suno kay Fajarito nga may tuyo gid man nga magpangawat si Lizares ugaling wala ini madayun bangud sa naabtan siya sang gwardiya.May nakuha pa nga isa ka 38 calibre nga armas kag kutsilyo sa suspek.Siya ang sa karon detained na sa Police Station 3.

Photo courtesy of ARBPatay ang isa ka tricycle driver nga ginkilala kay Noel Peraren matapos tiruhon sa ng riding in tandem sini gid lang nga aga sa Barangay Pahanocoy sa Bacolod.Suno kay Police Lieutenant Colonel Ariel Pico, naga drive lang sakay sa iya tricycle ang biktima kag nakasulod na sa bangga CEGASCO sang hinalo siya tiruhon sang makapila ka beses sang naga sunod sa iya nga mga suspek sakay sa motorsiklo.Gilayon man nagpalagyo ang mga suspetsado. Dead on the spot ang tricycle driver.Padayon pa subong ang imbestigasyon sang PNP.