Balita Hiligaynon

PNP photosTigayon nga nadakop sang kapulisan subong nga semana ang duha ka mga persona nga yara sa top 10 most wanted sang Negros Occidental.Sang Martes, naaresto ang 31 anyos nga si Ranny Panaligan nga numbero 4 sa most wanted person sang probinsya.Siya ang gindakop sa Barangay Alangilan sa Bacolod paagi sa pag serbe sang warrant of arrest.Si Panaligan ang suspek sa pagpatay sa iya lolo kag pag himulos sa utod sang iya iloy sang tuig 2014.Samtang kahapon, nadakop naman sa Rizal Province si Arsenio Radoc nga number 10 most wanted person sa Negros Occidental.Ang CIDG Bacolod upod sang mga unit sang Rizal Police Provincial Office amo ang nag serbe sang warrant of arrest kay Radoc sa kaso nga rape.Detained na karon ang mga gindakop.

Padayon ang road clearing operation sa mga local government units.Ini suno kay Provincial Director Roselyn Quinta nga katapo man sang grupo nga nga naga libot sa karon sa probinsya para mag lantaw sang estado sang compliance sa amo nga mando.Suno kay Quinta padayon ang ila nga monitoring sa road clearing activities kag gina hulat ang final date sang validation nga patigayunon kaupod ang PNP kag BFP.Kun gin extend man ini suno sa iya para mahatagan sang ligwa ang mga LGU nga maka comply ilabi na sa mga nakita pa nga obstruction sa mga dalanon.

Indi pa mapat-od kun san-o gid maga abot ang bakuna gikan sa AstraZeneca sa probinsya pero mahimo sa second ukon sa third quarter sini nga tuig.Ini suno kay Negros Occidental Governor Eugenio Jose Lacson. Nag advance purchase na ang Negros Occidental para sa 100,000 ka dose sang bakuna gikan sa AstraZeneca. Yara pa man sa karon sa phase three sang trial ang Nova Vax.Suno kay Lacson nasandig man sa IATF guidelines ang hatagan sang priority sa bakuna.May nagakaigo nga storage facility ang probnsya pero paga dugangan ini.Sa bahin sang vaccinators ini ang ginahandaan naman sang probinsya suno sa gobernador ilakip. na ang training para sa ila.

May yara sang 14 naman ka bag-o nga kaso sang COVID-19 ang Negros Oriental.Tunga sang bag-o nga mga kaso ang yara sa siudad sang Dumaguete. Kabahin sa bag-o nga kaso sa dumaguete ang tatlo ka mga empleyado sang gobyerno. May 75 anyos man nga pasyente sa Dumaguete City ang napatay bangud sang COVID-19 kahapon.May mga bag-o man nga kaso sang COVID-19 sa Bindoy, Bais, Dauin, Guihulngan, Siaton kag Sibulan.Nag record man sang anum ka new recoveries ang probinsya. 1258 na ang total COVID-19 cases sa Negros Oriental kag 229 sa diri ang active cases.

Bacolod Councilor Archie Baribar ang bukas sa panugyan sang Task Force Disiplina nga multahan ang mga tag-iya sang establisimiento komersyal nga wala nagapatuman sang minimum health protocols sa ila mga customer.Si Baribar ang proponent sang ordinansa nga nagapatuman sang pagsunod sang minimum health protocols sa mga pumuluyo nga yara sa pampubliko nga mga lugar.Ini ang pagsuksuk sag face mask, face shield kag pagsunod sa physical distancing.Damlag pa ginpanugyan sang pamuno sang Task Force Disiplina sa Sangguniang Panlungsod nga i-amend ang ordinansa para mamultahan ang mga tag-iya sang establisimiento.Ini matapos makit-an sang task force nga madamo nga mga customer sa sulod sang mga baligyaan ang wala nagasuksuk sang face shield.Nakabutang sa ordinansa nga ang mga wal...

Ang presensya sang mga pulis sa mga banwa kag siudad sa Negros Occidental ang naga pabakod sang pagsalig kag koneksyson sang komunidad sa otoridad.Ini suno kay Negros Occidental Governor Eugenio Jose Lacson kun ngaa kinahanglan ang police visibility.Importante ini suno sa iya indi lamang sa bahin sang public safety kundi pati na sa pag dul-ong sang public service.Sa iya nga mensahe sa katapo sang Negros Occidental Police provincial Office sa ila sini nga new years call kaina ginpahanumdom man sang gobernador ang mga pulis nga samtang nagapabilin ang ila nga katungdanan sa away kontra sa kriminalidad, iligal nga droga kag insureksyon …. indi dapat pagkalipatan ang balanse nga pagpatuman sang law enforcement kag preservation of liberty. Dapat suno sa kay lacson mapatuman sang pul...

Victorias PNP photoPatay ang 14 kag 15 anyos nga lalaki nga naga angkasanay sa motorsiklo matapos sila mag bunggo sa naga dalagan nga truck sa highway sa Victorias City kahapon sang kaagahon.Suno kay Police Major Eduardo Corpuz, hepe sang Victorias PNP, ang motorsiklo nga ginadala sang menor de edad ang nag overtake sa ila gina sundan nga salakyan malapit sa kurbada nga bahin sang dalan.Sang sila ang mag overtake, na alang alang sila suno sa pulis bangud sa naga sugata man ang nagadalagan nga truck sa pihak nga lane gani wala na makabalik pa sa linya kag nag head on ang motor sa truck.Gindala pa sa ospital ang duha ka menor de edad pero sila ang gindeklarar nga dead on arrival.

BCPO photoSang Lunes, P123,500 nga balor sang iligal nga droga ang nakuha sang Police Regional Office sa buybust operation sa Purok Kagaycay sa Barangay 2 sa Bacolod. Subject sang buybust amo ang high value target nga si Romulo Hamantoc. Nakapalagyo si Hamantoc pero ang iya upod nga si Arielle Descutido nga isa ka street level target ang na aresto sang kapulisan.Sang Martes may tatlo naman ka separado nga buybust operation ang Police Station 2, 6 kag 7. Naaresto sang kapulisan sang Police Station 2 ang street level target nga si Dhece Rose Duadores. Siya ang naaresto sa Purok Sigay, Barangay 2 kag nakuha sa iya ang P74,800 nga balor sang suspected shabu.Ginpatigayon naman sang Police Station 2 ang buybust operation batuk sanday Arturo kag Larry Villacuatro sa Purok Kawayan, Bar...