Balita Hiligaynon

Nauna na nga nag self isolate si Negros Occidental Police Provincial Office Director Colonel Romy Palgue matapos nga may mag positibo sa COVID-19 sa Anti-Illegal Drugs Summit nga ila gin tambungan sang Biyernes.Ang summit ang gin tambungan ni Governor Eugenio Jose Lacson kun sa diin siya ang nag isolate man.Isa ka babayi nga opisyal sang DILG Iloilo nga nag tambong sa nasambit nga summit amo ang nag positibo sa COVID-19.Suno kay NOCPPO spokesperson Police Lieutenant Abegael Donasco, yara man sa drug summit ang tanan nga hepe sang mga police stations sa probinsya.May iban nga nag self isolate na suno kay Donasco.Ang iban nga mga pulis ang wala man sang direct contact sa nag positibo nga pasyente suno kay Donasco.Wala man sang direkta nga order suno kay Donasco gikan ...

Capitol photoTubtob nga may yara sang naga positibo sa COVID-19 sa mga naga abot sa puerto kag airport padayon nga maga patigayon sang swabbing ang probinsya sa mga naga inabot.Ini suno kay Atty Rayfrando Diaz nga nag siling man nga indi sarang maka pabaya ang probinsya sa istrikto nga pag bantay sini kontra COVID-19.Kuntani mahangpan sang tanan nga ini ang pagpangapin sa ikaayong lawas.Wala man naga patuman sang swabbing ang Bacolod sa mga naga inabot sini sa ila nga lugar isa ini ka bagay suno kay Diaz nga dapat talupangdon, ilabi na nga may paagsaka sa kaso sang COVID-19 sa mga kaiping nga probinsya kasubong sang Cebu kag Iloilo.Padayon man ang pagbaton sang probinsya sang mga stranded individuals kag sa katapusan sang bulan may 70 gani ka maga abot nga gikan sa cebu...

Photo courtesy of Em AngJohnson and Johnson ang magasugod na sang ila clinical trials para sa COVID-19 vaccine sa Bacolod City sa madason nga bulan.Nagsapul na kaina sang aga sa Bacolod Emergency Operations Center ang principal administrator sang Johnson and Johnson para ipahabilo sa EOC nga nagapadayon karon ang ila recruitment para sa mga volunteers para sa ila Phase 3 trials sang bakuna kontra COVID-19.Suno kay Bacolod EOC Executive Director Em Ang, nagahinyo ang kumbuyahan sang bulig sang EOC kag sang mga barangay para sa amo nga recruitment.Magasugod na sila sang clinical trials sa madason nga bulan kag ang Bacolod ang isa sa lima ka mga siudad sa pungsod nga ila ginpili para himuon ang trial.Ini ang isa ka randomized, placebo-controlled clinical trial nga nagatuyo...

NellasGina usisa man sa karon sang Provincial Legal Office ang Negrense nga taga Talisay City angut sa gina siling discrepancy sini sa iya nga quarantine certificate.Wala labot sa tatlo nga gikan sa United Kingdom nga taga Pontevedra, kag taga Cadiz kag Sagay, gina usisa man ang taga Talisay nga gikan sa us Virgin Islands, gani sa karon may anum na ka mga returning overseas Filipino suno kay Atty Rayfrando Diaz ang gina usisa angut sa misrepresentation kag pagsupak sang health protocol.Suno kay Atty Alberto Nellas, Jr. ang provincial legal officer, ginatutukan nila ang tatlo nga taga Pontevedra kag mahimo sa katapusan sang bulan maka pa gwa sila sang rekomendasyon angut sa imbstigasyon.Ang kaso sang taga Talisay may angut sa na issue nga certification sini gikan sa Bureau o...

Ray Diaz photoProficiency testing para sa RT PCR test para sa COVID-19 sang bio molecular labaratory sa Valladolid ang natalana sa una nga seman sang Pebrero.Kahapon nag patigayon sang ocular inspection si Provincial Administrator Rayfrando Diaz sa amo nga laboratory.Halos ang tanan nga machines ang nag abot na suno kay Diaz magluwas ang para sa saliva analizer.Ginapaabot nga makapatigayon sang RT PCR kag saliva test ang amo nga laboratory.Target nila nga maka kuha sang lima ka mga samples sang positive sa COVID para ma run nila ini kag ma pat-od ang accuracy sang amo nga testing facility.Ang state of the art laboratory ginapaabot nga mag cater sa mga lgu gikan sa sur sang probinsya kag bisan pa sa Negros Oriental. nag partner ang probinsya kag ang safeguard diagnos...

NOCPPO photoNagapangape lang sa atubang sang isa ka tindahan sa Barangay Mambulac sa siudad sang Silay ang 54 anyos nga si Rodulfo Cain Jr sang siya ang gin pondohan kag gintiro sang riding in tandem.Duha ka igu sang bala sa liog ang naagum ni Cain nga nag resulta sa iya kamatayon.Gilayon naman nag palagyo ang motor riding suspects.Nakuha sa crime scene ang 2 ka basiyo sang 45 caliber.Ginahibalo pa sa karon sang PNP ang motibo sa pagpatay kay Cain nga isa ka street level target sang PNP kag sadto na nga naaresto bangud sang iligal nga droga.

Candoni PNP photoPosible nga mapasaka na sa masunod nga semana ang kaso administratibo batuk sa pulis sang Negros Occidental Police Provincial Office nga nag positibo sa drug test.Ang police corporal nga sadto na assign sa Candoni PNP ang gin paidalom sa drug test sang Disyembre upod sang 4 pa ka mga pulis.Siya ang nag positibo sa preliminary kag confirmatory drug test.Gintagaan lang sang isa ka semana sang Regional Police Office 6 ang pulis nga maghatag sang iya paathag kag kun indi niya masabat kun ngaa nag pag positibo siya sa drug test ipasaka na ang kaso batuk sa iya.Yara karon sa PRO-6 gin assign ang pulis pero ginbawi na ang iya nga issued firearm.

Bacolod DRRM photoIsa ka siyam ka tuig nga bata ang nahulog sa banglid sa Barangay Mansilingan sang kahaponSa post sang Bacolod DRRMO sa ila nga Facebook account, nagpadulong sa Purok Kahirup sa Mansilingan sa Bacolod City kahapon ang rescuers sang Bacolod City Disaster Risk Reduction Management Office kaupod ang iban pa gid nga mga rescue volunteers.Ini matapos makabaton sila sang report nga may siyam ka tuig nga bata nga nahulog gikan sa banglid nga beinte ka tapak ukon twenty feet ang kataason mga las kwatro sang hapon.Ang menor de edad ang nag agom sang dislocation sa iya sini nga kamut kag mga bali sa lawas bangud sang iya nga pagkahulog. Gilayon siya nga gindala sang mga rescuers sa ospital.

BCPO photoGrupo sang mga negosyante sa Bacolod City ang magahinyo sa lokal nga pangulohan nga i-lift na ang night curfew kag liquor ban sa siudad.Suno sa Chief Executive Officer sang Metro Bacolod Chamber of Commerce and Industry nga si Frank Carbon, nagadihon na karon sang isa ka position paper ang ila grupo para ihatag sa kay Mayor Evelio Leonardia.Nalakip sa amo nga position paper amo ang pagdula sang night curfew nga ginapatuman karon humalin las onse sang gab-i tubtub las kwatro sang kaagahon.Ila man iduso ang pagdula sang liquor ban kag ipatuman na lamang ini sa mga naga edad 22 anyos kag panubo.Ginpahayag ni Carbon nga tinutuyo sini nga madugangan ang ginansya sang mga magagmay nga negosyo ilabi na sa food and beverage business.Ginakasubo man ni Carbon ang pa...

Naka self isolate sa karon si Negros Occidental Governor Eugenio Jose Lacson kag 18 ka iban pa nga empleyado sang DILG Negros Occidental.Ini kasunod sang pag positibo sang isa ka babaye nga opisyal sang DILG Iloilo nga nagtambong sa drug summit sang Biyernes diri sa probinsya.Suno kay Atty Rayfrando Diaz, ang gobernador kag ang 18 ka iban pa nga gikan sa DILG ang maga pa idalom sa swab test bwas nga adlaw.Wala naman sang may malain nga gina batyag ang gobernador suno kay Diaz.Ang mga nag self isolate sarang nga ma quarantine sa Mambukal suno sa provincial administrator samtang gina hulat ang resulta sang ila nga swab test.Sa post sang DILG Region 6, may 23 sila ka mga empleyado nga nag positibo sa COVID 19 as of January 25.Napatigayon na ang disinfection.Sa tala...