Proficiency testing para sa RT PCR test para sa COVID-19 sang bio molecular labaratory sa Valladolid ang natalana sa una nga seman sang Pebrero.
Kahapon nag patigayon sang ocular inspection si Provincial Administrator Rayfrando Diaz sa amo nga laboratory.
Halos ang tanan nga machines ang nag abot na suno kay Diaz magluwas ang para sa saliva analizer.
Ginapaabot nga makapatigayon sang RT PCR kag saliva test ang amo nga laboratory.
Target nila nga maka kuha sang lima ka mga samples sang positive sa COVID para ma run nila ini kag ma pat-od ang accuracy sang amo nga testing facility.
Ang state of the art laboratory ginapaabot nga mag cater sa mga lgu gikan sa sur sang probinsya kag bisan pa sa Negros Oriental. nag partner ang probinsya kag ang safeguard diagnostics sa amo nga facility.
Kun ipaanggid sa molecular lab sa Silay mas barato ang sa Valladolid.
4,000 ka test ang sarang nga ma cater sang laboratory sa Valladolid.
94 percent ang accuracy sang saliva test kag 99 percent naman ang RT PCR test.
Pero luyag man sang probinsya nga mahatagan sang iban nga sarang mapilian ang mga negrense nga maga paidalom sa testing.