Balita Hiligaynon

Nagbalik na ang operation sang Transcom subong nga adlaw matapos ang 48 oras nga notice of suspension nga ginpapanaug sa ila sang Bacolod City Legal Office.Ini matapos nga nagpositibo sa COVID-19 ang 41 sini nga mga empleyado.Pero indi pa makabalik ang kadam-an sang mga empleyado sa ila building bangud nagpatigayon pa sang site inspection ang Bacolod Emergency Operations Center kaina sang aga para masiguro nga napatuman na ang mga recommended health protocols.Sini nga hapon nagsapul ang country manager sang Transcom sa Bacolod EOC.Samtang, gina usisa karon sang EOC ang isa ka grupo sang mga empleyado sang kumbuyahan nga nagpadulong pa sa Sipalay City sang nagligad nga semana.Nagapanugyan si Bacolod EOC Executive Director Em Ang sa publiko nga kuntani ipaiway lang anay a...

Department of Health ang nagapahibalo sa publiko nga magpa swab test lamang sa mga laboratories nga accredited sang ila ahensya.Ini nga advisory ang ginpagwa sang DOH matapos ang pila ka mga insidente sang ginpeke nga RT-PCR test result sa pungsod.Suno sa DOH, may pila ka mga pamaagi para masiguro nga accredited ang isa ka laboratory nga may ginatanyag nga rt-pcr testing sa publiko.Ang listahan sang mga accredited laboratories ang makit-an sa official social media page kag website sang DOH.May yara man sang nakapaskil nga license sa opisina mismo sang laboratory.Ginpahayag man sang DOH nga indi tanan nga laboratory ang makahimo sang RT-PCR testing.Wala man naga issue sang license ang DOH sa COVID-19 antigen testing.Ang pagpeke sang RT-PCR test result ang paglapas sa...

Ginkumpirma kahapon ni Negros Occidental Police Provincial Office spokesperson, Lieutenant Abegael Donasco,nga may isa naman ka personnel sang NOCPPO ang nag positibo sa COVID-19.Ang bag-o nga kaso sang COVID-19 sa NOCPPO ang isa kanon-commissioned officer suno kay Donasco nga na assign sa police station sa norte nga bahin sang probinsya.Yara naman sa quarantine facility ang pasyente kag siya ang asymptomatic man suno kay Donasco.Sa karon, may yara sang tatlo ka active cases ang NOCPPO.Nagsaka naman sa 41 ang total COVID-19 cases sa hanay sang kapulisan sa probinsya.Samtang, ginpahayag man ni Donasco nga ang 150 ka NOCPPO personnel nga na assign sa headquarters nga ginpaidalom sa mass testing nagligad semana ang puro nag negatibo sa COVID-19.

Sa isa ka supermarket may abiso nga sa tagsa ka customer sarang lamang makabakal sang duha ka whole dressed chicken. Ang mga cut ups naman duha ka kilo ang maximum nga mabakal.Sa Burgos Public Market ang mga manugbalik, naga muno man sang kakulang sang supply.Suno sa manugbaligya nga si Jereme Bagioso ini gani ang rason ngaa nagsaka ang presyo sang kilo sang manok. Sa ila baligyaan 180 pesos ang kilo sang whole dressed chicken. Bangud sa kamahal suno sa iya, may mga naga bakal nga sadto anay isa ka kilo, karon tunga na lang sa kilo.Sa Feb. 1 nga monitoring sang Provincial Veterinary Office bente uno pesos ang average nga ginsaka sang broiler nga manok sa mga merkado kun ipaanggid sa jan 25 sini nga monitoring. 180.62 ang average nga kilo sang manok karon sa merkado.Paathag ...

BCPO photoGinpahayag ni Police Major Joery Puerto nga sila ang naga tutok subong sa anggulo nga love triangle angut sa pagpatay sang kahapon sa 23 anyos nga si Angelica Montalvo sa bahin sang Oroland sa Circumferential road.Si Montalvo upod sang iya live in partner kag mga himata ang gin holdup kahapon sa sulod sang salakyan sang wala pa makilal-an nga lalaki kag gin pa drive ang iya partner humalin sa Medical Plaza padulong sa Barangay Cabug kun sa diin gin tiro si Montalvo sa bahin sang Oroland.Suno kay Puerto, mahimo front lang ang robbery kag ang tuyo gid sang suspek amo nga patyon si Montalvo.Kay man suno sa pulis, wala man sang resistance sa bahins ang kga biktima kag kun robbery gid man, wala na naglawig pa sa salakyan ang suspek kag wala niya na gintiro pa ang bikti...

PDEA-6 photoGindakop kahapon sang mga katapo sang PDEA Region 6 Special Enforcement Team ang isa ka anay empleyado sang Bureau of Jail Management and Penology sa ginpatigayon gna buybust operation sa Henrietta Village sa Brgy. Singcang Airport.Ang gindakop amo si Trisha C. Galicia nga ginakabig sang PDEA nga high value target kag miyembro sang Vargas Drug Group.Si Galicia nga suno sa PDEA, nag AWOL sa BJMP sa isa na ka tuig, ang nakuhaan sang apat ka pack sang ginapatihan shabu nga ginabulubanta nagabalor sang P170,000.Kaso nga pag supak sang RA 9165 ang ipasaka batuk sa kay Galicia.

Isa si Ruth Tejada sa mga iloy nga nag pabakuna sang iya nga lapsag para oral polio.Para sa ikaayong lawas sang iya nga anak maid id nya nga ginatutukan ang pagpabakuna sini.Nahangpan nya ang importansya sang pagpabakuna para mapalayo sa ano man nga masakit ang iya anak.Target sang Barangay 1 sa sini nga adlaw ang dos sientos ka mga kabataan nga malambot sang supplemental vaccination program sang doh para sa measles rubella kag polio sa mga kabataan nga wala pa makalambot lima ka tuig.Paathag sang midwife nga si Roselyn Bohol naga serbe ini nga booster ukon para lubos nga makumpleto ang damlag pa mga bakuna sang mga kabataan sa sini nga pang edaron.Suno sa punong barangay nga si Cesar Rellos Jr., indi malikawan nga may mga ginikanan nga may kahangawa sa pagpabakuna. Iba...

Ginkumpirma ni Police Regional Office 6 spokesperson, Lieutenant Colonel Joem Malong nga may isa ka perdonnel sa Negros Occidental Police Provincial Office ang nag positibo sa drugs test.Isa ini ka Chief Master Sargeant suno kay Malong.Siya amo gid lang ang nag positibo gikan sa 32 ka ginpaidalom sa random drug test sang NOCPPO sang Enero 19.Ginmanduan na suno kay Malong ni PRO-6 Regional Director, Brigadier General Rolando Miranda, nga i relieve ang nag positibo nga pulis kag i re assign sa Personnel Holding and Accounting Unit sang PRO-6.Padayon man ang imbestigasyon suno kay Malong sa pulis nga na assign sa Candoni nga nag positibo man sa drug test sang Disyembre.

62 anyos lalaki nga ginasiling asset sang NBI patay matapos gintiro pasado las 9 sang aga sa Brgy. 32 sa Bacolod.Ang biktima nga ginkilala kay Ramie Cientos, ukon mas kilala nga si Gerome, ang nag agum sang igo sang bala sa nagkalain-lain nga bahin sang iya nga lawas nga gintunaan sang iya kamatayon.Nagatawag sa telepono si Cientos sang gintiro sang suspek ukon mga suspek sakay sa pula nga Innova suno sa nakakita.

Siudad sang Bacolod ang magapatigayon sa Biernes sang dry run para sa pagahimuon nga pagbakuna sang mga pumuluyo para sa COVID-19.Pagahimuon ang simulation exercise sa Barangay Villamonte gym sa Biernes sang hapon.Nalakip sa dry run ang pag pick-up sang mga bakuna gikan sa central cold storage facility sang siudad kag pagdala sini sa vaccination areas.Matapos nga madapatan sang bakuna, iga-monitor ang persona sa sulod sang 30 tubtub 45 ka minutos antes pahanugutan nga makapauli.Pagahimuon man sa dry run pati ang disinfection sang mga venues kag disposal sang infectious waste.Pagapamunuan ang dry run sang City Health Office kaupod ang mga mga barangay health workers kag medical personnel.Ginaduso sang gintukod nga Vaccination Council ang pag designate sang lima ka me...