Isa si Ruth Tejada sa mga iloy nga nag pabakuna sang iya nga lapsag para oral polio.
Para sa ikaayong lawas sang iya nga anak maid id nya nga ginatutukan ang pagpabakuna sini.
Nahangpan nya ang importansya sang pagpabakuna para mapalayo sa ano man nga masakit ang iya anak.
Target sang Barangay 1 sa sini nga adlaw ang dos sientos ka mga kabataan nga malambot sang supplemental vaccination program sang doh para sa measles rubella kag polio sa mga kabataan nga wala pa makalambot lima ka tuig.
Paathag sang midwife nga si Roselyn Bohol naga serbe ini nga booster ukon para lubos nga makumpleto ang damlag pa mga bakuna sang mga kabataan sa sini nga pang edaron.
Suno sa punong barangay nga si Cesar Rellos Jr., indi malikawan nga may mga ginikanan nga may kahangawa sa pagpabakuna. Iban diri epekto pa sang dengvaxia scare. Ang iban naman bangud sang kahangawa sa COVID-19 rason nga ang mga wala pa isa isahon kadtuan sa mga balay para ma engganyo kag makapabakuna ang kabataan.
Ginapasiguro naman nga nasunod ang minimum health protocol sa pagpatigayon sang bakuna.
Tubtob sa katapusan sang pebrero ang supplemental vaccination. Ini ang ika duha na nga phase sang programa sang DOH.