Balita Hiligaynon

Gindakup ang tatlo ka mga persona matapos gin-alegar nangawat sang motorsiklo sa Purok Gahili-ogyon, Barangay 23 sa Bacolod City.Ginkilala ang mga gindakup nga sanday alyas “Edmar”, 19-anyos, alyas “Ronel”, 25-anyos, kag alyas “Rey”, 22-anyos. Tanan residente sang Talisay City.Naga-roving ang patrol car sang Station 4 sang nagpangayo sang bulig sa ila ang 28-anyos nga biktima bangud ginkawat ang iya motor.Sa hot-pursuit operation, nadakpan ang mga suspek kag narekober sa ila ang isa ka Honda nga motor. Positibo ini nga ginkilala sang tag-iya nga amo ang nadula sini nga motorsiklo.Gindala sa Police Station 4 ang tatlo ka mga lalaki kag sila ang ginpasakaan kagapon sang kaso nga pagsupak sang Section 3 sang Republic Act 10883 ukon ang New Anti-Carnapping Act of 2016.*

Dead on arrival sa Valladolid District Hospital ang 73-anyos nga mangunguma matapos nabungguan sang motorsiklo sa Purok Ykalina, Barangay Guintorilan sa banwa sang Valladolid, Martes sang gab-I.Ginkilala ang biktima kay alyas “Romero,” residente sang Purok Million Flower sa Brgy. Gintorilan.Nag-gwa sa traffic investigation nga padulong Barangay Sibucao sa banwa sang San Enrique ang motorsiklo nga ginamaneho ni alyas “Lolito”, 56-anyos.Pagdangat sa lugar, nabungguan sang motor ang tigulang.Bangud sang impact, pareho nga naka-angkon sang mga pilas sa lawas ang pedestrian kag ang rider.*

Matapos ang masobra duha ka bulan, nakit-an ang mga tul-an sang duha ka tuig nga bata nga lalaki nga naanod sang flash flood sa La Castellana matapos maglaslas si Bagyo Tino sadtong tinalikdan nga tuig.Suno kay Dennis Rebulante, nakit-an niya ang cord sang iya electric drill nga nakalubong sa duta. Sang iya ginbutong ang cord, nadala ang isa ka bagol kag bayo.Si alyas “Rich”, 2 ka tuig, residente sang Hacienda Taborda sa Barangay Robles, La Castellana.Positibo nga ginkilala sang iya himata ang biktima paagi sa purple sando shirt. Ini ang bayo sang bata sang siya ang naanod sang baha sadtong naglaslas si Bagyo Tino, mga las 7 sang aga sadtong Nobyembre 4, 2025.*

Ang ordinansa, nga gin-author ni Councilor Atty. Caesar Distrito kag co-authored nanday Councilor Celia Flor kag Councilor Dindo Ramos, nagatuyo nga mapasangkad ang access sa dekalidad nga edukasyon paagi sa financial assistance para sa tuition, libro, transportasyon, kag iban pa nga school-related expenses.Qualified nga aplikante ang mga PWDs kag ila kabataan nga residente sang Bacolod sang indi magnubo sa lima ka tuig kag ang sa solo parents - may bata nga unemployed ukon minimum wage earner nga may annual income nga mas nubo sa ₱180,000.Kinahanglan nga enrolled sa duly recognized secondary, tertiary, ukon vocational, technical school kag may general average nga at least 80%.Ang application iga-submit sa Public Employment and Services Office ukon PESO, kag pagahimoon ang evaluation...

Makabaton sang ayuda ang mga residente sang Purok Balinday, Barangay 2 sa Bacolod City nga apektado sang ipatigayon nga demolisyon nga kabahin sang tikang sang city government para sa relocation kag disaster risk reduction.Ang mga panimalay nga ginapatindog sa ibabaw sang creek ginakabig sang city government nga naga sabad sa ilig sang tubig sa lugar, gani kabahin ini sang relocation kag disaster risk reduction efforts sang lokal nga panguluhan.Suno kay Department of Social Services and Development Head Richelle Verdeprado-Mangga, 37 ka pamilya ang magabaton sang tig ₱10,000 nga ayuda bwas nga adlaw, Enero 15, 2026.Una na ginpadal-an sang notice ang mga apektado nga pamilya sang nagligad pa nga tuig, apang gin ayo nila ang city government nga tapuson anay ang selebrasyon sang Paskwa ...

Nagpatigayon sang search, seize, and examine computer data “evidence” operation ang mga personnel sang PNP Anti-Cybercrime Group sa Negros Oriental sa balay sang isa ka Estonian national nga vlogger sa Brgy. Cantile, Dumaguete City Sabado.Ini matapos ginreklamo sang isa ka babaye sang pagsupak sa Republic Act 9995 ukon ang Anti-Photo and Video Voyeurism Act.Ginpang kumpiskar ang iya nga laptop, cellphones, Go Pro cameras kag iban pa gid nga mga gadgets nga ginagamit sa pag shoot kag edit sang iya content.May mga indibidwal kag grupo nga nagareklamo batuk sa vlogger kay gina alegar nga pang abuso na sa mga menor de edad ang iya ginahimo.Ginapangkuhaan niya man sang video ang iban nga mga babaye nga wala sang pahanugot ukon wala siya maka lisensya sa ginikanan sang kabataan. ...

Ginpaidalom sa wind signal no. 1 ang anum ka mga probinsya matapos nga mag develop sa isa ka bagyo ang low pressure area sa east sang Mindanao.Ang ini nga mga probinsya amo ang Northern Samar, Samar, Eastern Samar, Dinagat Islands, Surigao del Norte, Surigao del Sur.As of 4pm, ang bagyo Ada ang yara sa 545 km east sang Hinatuan, Surigao del Sur nga may kabaskugon nga 45 kph kag pagmadlos nga 55 kph.Ang bagyo Ada ang ginapaabot nga makalab-ot sa tropical storm category kag gina lantaw nga signal no. 2 ang pinakamataas sini nga tropical cyclone wind signal warning nga madala.Ma landfall ini sa Samar sa Biyernes ukon kaagahon sang Sabado kag mapalapit naman ini ukon ma landfall sa Catanduanes sa Sabado ukon Domingo.Ginapaandaman ang tanan batuk sa posibilidad sang baha ukon landslid...

May pagsaka sa volcanic quakes nga na-record sa bulkan Kanlaon. Angut diri PHIVOLCS ang nag pa gwa sang notice of increased seismic activity sang bulkan.Humalin las 12 sang kaagahon tubtob 11:30 kaina sang aga sini nga Enero 14, may 45 ka volcano-tectonic ukon VT earthquakes ang na record sa bulkan Kanlaon.Suno kay Mari-Andylene Quintia ang resident volcanologist sang Philippine Institute of Volcanology and Seismology nga nabase sa La Carlota City, 0.6 tubtob 3.9 magnitude ang kabaskugon sang sining mga linog nga na-record, nga ang epicenter kalabanan sa Western side sang bulkan Kanlaon.Ini nga bahin suno sa iya ang yara sa tunga sang La Carlota City kag Bago City.Pila ka mga lugar ang naka batyag sang pagtay-og nga naga lakip sang La Carlota City, mga nabukid nga bahin sang Bago C...

Isa ka orientation sa mga energy programs kag workshop angut sa pag harmonize sang LGU-level permitting processes ang ginsakdag sa pag pamuno sang Department of Energy upod ang probinsya sang Negros Occidental.Suno kay Governor Eugenio Jose Lacson ang pag harmonize sang LGU-level permitting processes nga naga lakip sang mga business kag building permits, certificates of occupancy kag letters of no objection kag ang pag integrate sini sa EVOSS ukon Energy Virtual One-Stop Shop platform ang naga kakas sang pag ka guot ukon delay sang mga Energy projects.Ini ang isa sa mga rason nga naga pa las-ay man sa mga investors kag gina kabig kun kaisa nga kabug-atan sang mga applicants kag mga public servants.Suno kay Mayor Salvador Escalante, Jr., nga amo ang presidente sang Negros Associ...

Nagkadto Lunes sang kaagahon sa Sipalay Police Station ang 26-anyos nga lalaki kag nag-ako nga gingulgulan niya ang iya upod nga construction worker sa Sitio Moning, Barangay Cabadiangan sa Sipalay City.Ang rason, tungod nga ginhikap sang 37-anyos nga si alyas “Mark” ang pribado nga parte sang lawas sang asawa ni alyas “Christopher”.Ginsiling ni Police Lt. Cipriano Lumanog III, deputy chief sang Sipalay PNP, naga-inom-inom sanday “Mark” kag “Christopher” sang nanugid ang asawa ni “Christopher” nga ginhikap ni “Mark” ang pribado nga parte sang iya nga lawas.Naakig si “Christopher” kag gingulgulan niya si “Mark”, gamit ang binangon.Gindala si “Mark” sa Sipalay City Infirmary kag karon istable na ang kondisyon.Suno kay Lumanog, wala sang kaso nga ginpasaka sa duha ka const...