Balita Hiligaynon

Isa ka public hearing para sa Negros Bulk Water Supply Imbang Watershed-Hinalinan River Project sa Silay City ang natalana sa Lunes, Abril 27.Ini ang pangunahan sang Deparment of Environment and Natural Resources - Environmental Management Bureau - Negros Island Region nga patigayunon las 10 sang aga sa covered court sang Brgy Guimbalaon.Tuyo sang hearing nga mabatian ang bahin sang tagsa lakip na ang mga proponent sang proyekto, mismo ang EMB-DENR, mga natungdan nga ahensya, tagsa ka LGU kag iban pa gid nga mga stakeholder may kaangtanan sa environmental impact sang gina duso nga proyekto nga sa karon naga apply sang Environmental Compliance Certificate.Suno kay Governor Eugenio Jose Lacson padayon pa ang pag duso sang gobyerno probinsyal sa proyekto nga may 20 million lit...

Linibo ka mga karton sang raw materials kag sinako nga mga ginapatihan tobacco nga ginagamit sa pag obra sang illigal nga sigarilyo ang nakumpiska sang Bacolod City Police Office sa isa ka warehouse sa Barangay Alijis sini nga hapon, Abril 21.Ginsiling ni BCPO OIC-Director Police Colonel Eugene Rebadomia nga una nga gin-raid sang kapulisan sang Negros Occidental ang isa ka warehouse sa Barangay Taloc sa Bago City kon sa diin may mga Chinese nationals nga nagkaladakpan bangud sa pag manufacture sang illicit cigarettes.Matapos nga nadakpan sang kapulisan ang mga Chinese nationals, gintudlo sini ang warehouse sa Barangay Alijis sa Bacolod City, rason nga ginkadtuan ini gilayon sang BCPO kaupod si Mayor Greg Gasataya.Ginklaro naman ni Rebadomia nga indi sa Bacolod gina manufact...

Lima sa 19 ka mga gina patihan NPA napatay sa engkwentro ang nakilal-an na.Masobra naman sa 20 ka armas ang na-recover.Padayon naman ang panawagan sang otoridad sa mga rebelde nga mag balik na sa sabak sang gobyerno.Yari ang report ni Shiela Gelera-Braga.https://youtu.be/thSgbsQopzc?si=nim6WrT6zwShGr9n

Temporaryo nga ginkakas sang pamunuan sang Barangay 12 sa Bacolod City ang napulo ka mga canopy nga ginatukuran sang ila nga Trade Fair sa Rizal Street.Ini bangud sa paglapas sang barangay sa mga pagsulundan nga nakasaad sa ila nga special permit.Ginsiling ni City Administrator Atty. Mark Steven Mayo, nga ginahaylo ni Mayor Greg Gasataya ang punong Barangay nga mag proseso sang partial road closure ukon i-amend ang ila nga special permit agud makabalik na sila sa amo nga lugar.Dugang ni Mayo, ginkasugtan na sang siudad kag sang barangay nga pwede sila maka extend tubtob tatlo ka metro gikan sa sidewalk.Sa karun, nagahulat pa ang siudad kon magsabat ang barangay sa amo nga panawagan.Sandig sa special permit sang Barangay 12 nga gin-approve sang Sanguniang Panlungsod, gin...

Ginbisita sang Regional Incident Management Team sang Negros Island Region ang mga internally displaced persons sa Kanlaon affected LGUs sang nagligad nga semana.Suno kay Office of the Civil Defense director, Donato Sermeno, III, ini kasunod man sang report nga napadangat sa ila nga talatapan nga may mga IDP nga padayon nga naga sulod sa 4km permanent danger zone apesar sang abiso sang PHIVOLCS sa tunga man sang Kanlaon activities sa karon.Suno kay Sermeno na-verify man nila nga wala naman sang may naga balik pa sulod sang 4km permanent danger zone ukon PDZ.Damlag pa nag pa gwa sang panawagan ang Canlaon LGU nga ipaiway ang pagsulod sa 4km PDZ.Suno kay Sermeno, natukiban nila nga mas nag diutay na karon ang mga IDP nga yara sa mga evacuation center bangud ang iban sa il...

Duha ka mga panel vans nga may unod nga mga gina-alegar smuggled cigarettes ang nakumpiskar sang otoridad sa isa ka resort sa Barangay Pook, banwa sang Hinobaan, sadtong Biyernes, Abril 17.Nadakpan ang apat ka mga persona nga sanday alyas “Fatima”, 39-anyos, taga Jolo, Sulu kag temporaryo nga naga-istar sa Bacolod City; alyas “Bryan”, 40-anyos, taga Zamboanga Sibugay; alyas “Pipeto”, 57-anyos, taga Bacolod kag alyas “Romeo”, 43-anyos, taga Zamboanga Sibugay.Nagabalor P13.75 Million ang mga gin-alegar smuggled nga sigarilyo.Wala sang tax stamps gikan sa Bureau of Internal Revenue ang sumatotal 275 ka master cases sang sigarilyo kag wala man ini sang Graphic Health Warnings.Ginpatigayon ang operation sang Regional Intelligence Division, Police Regional Office-Negros Island Re...

Indi pag-intyendihanay ang ginhalinan sang kinagamo kun diin anum ka mga persona ang pilason matapos malab-an sa Sitio Dulaca, Barangay Sag-ang sa banwa sang La Castellana, Domingo sang gab-i, Abril 19, 2026.Nalakip sa mga nabun-an amo ang mag-asawa nga sanday alyas “Elya”, 60-anyos kag alyas “Landong”, 64-anyos, nga nagtinguha man lang kuntani nga magtambag.Ginsiling ni Police Capt. Jose Michael Muñez, hepe sang La Castellana PNP, may gamay nga problema ang mga biktima kag suspek, nga lunsay mag-paryentihanay. Ang mga asawa sang duha ka mga suspek, ang mag-pakaisahanay.Sa karon, padayon nga ginabulong ang apat ka mga biktima kag duha ka mga suspek sa ospital sa Bacolod City.*

May kapin sa 7,000 na ka mga drayber sang jeepneys, taxi, kag Transport Network Vehicle Services, ang nag submit sang ila nga application sa Land Transportation Franchising and Regulatory Board para sa fuel subsidy.Ginsiling ni Mayor Greg Gasataya nga napasa na sang siudad ang tanan nga application sa LTFRB-NIR kag ini man ang ginpadangat na sang talatapan sa central office.Dugang sang alklade, ila pa sa gihapon ginatinguhaan nga makahatag man ang siudad sang dugang nga suporta sa mga drayber, apang ini ang naga depende pa sa budget sang siudad.Tanan nga drayber, nalakip man sa nag pa consolidate ukon wala ang ginpapasa sang siudad sang application bangud suno kay Gasataya, tanan nga drayber apektado sang nagapadayon nga krisis sa gatong.Sa karon, ginahulat nalang sang ...

May kabilugan nga P240 million nga pondo sa idalom sang Presidential Assistance for Farmers and Fisherfolk ukon PAFF ang iga-distribute sa mga sugarcane farmers.Ini suno kay Administrator Pablo Luis Azcona sang Sugar Regulatroy Administration nga nag siling sa kabilugan 102,237 ang mga sugarcane farmers nga magabaton kun sa diin, 70,415 diri ang gikan sa Visayas.56,400 ang maga baton gikan sa Negros Island Region. Suno kay Azcona masobra sa 60 percent sang sugar produce sa pungsod ang gikan sa NIR.Damlag pa, ginsiling ni Department of Agriculture Regional Director, Engr Jose Albert Barrogo, nga ang una nga batch sang PAFF nga nagdangat sa masobra P13.5 million para sa 5,840 ka sugarcane farmers ang ginpanagtag na sa mga benepisyaryo sa Negros Occidental sang nagligad nga se...