Balita Hiligaynon

Nagapadayon na ang procurement process sang siudad sang Bacolod para sa pag-hire sang blue guards nga magabantay sa Bacolod City Public Plaza.Ginsiling ni City Administrator Atty. Mark Steven Mayo, nga madamo na sang mga negatibo nga komento ang publiko nahanungod sa plaza, rason nga kinahanglan na nila mabutangan sang pribado nga mga gwardya ang palibot sang plaza.Sandig kontrata, Hunyo tubtob Disyembre sini nga tuig, blue guards na ang mabantay sa plaza.Sa 12 ka oras nga shift, tatlo ka blue guards ang ideploy kada anum ka oras. Kaupod sini nga magabantay ang mga empleyado sang POSO kag katapo sang Police Station 1.https://youtu.be/6wfcbm3WAUA?si=327L9r0MmGMuOHFyNagaplano man ang siudad nga mabutang man sang blue guards sa mga mayor nga mga lugar sa siudad.Damla...

Wala sang malain sa isa ka eswelahan nga naga tuyo maghibalo sa mga nagakatabo nga activities sa ila nga school campus.Ini suno kay Negros Occidental Governor Eugenio Jose Lacson nga nag paathag nga ang iya pahayag nga dapat hibaluon ang naga katabo sa mga school campus kasunod man sang pag baton nila sang impormasyon nga may nagakatabo nga recruitment gikan sa rebeldeng NPA para sa mga pamatan-on sa mga eskwelahan.Nagpabutyag sang kabalaka ang Kabataan Partylist sa amo nga pahayag sang gobernador.Kasubong lamang nga daw gina punggan ang academic freedom, critical thinking kag holistic development sang mga pamatan-on sa mga eskwelahan suno kay Florence Guzon ang Vice President for Visayas sang Kabataan Partylist.Suno kay Lacson iya nga gina respeto ang ila nga opinyon kag r...

3 ka mga bangkay sang mga napatay sa Toboso encounter, ipakalkal sang pamilya. Suno sa mga pamilya, ang isa sa mga bangkay sang napatay ang napadala sa lain nga pamilya.May tatlo na ka pamilya ang nagpangabay sa Commission on Human Rights nga ipakalkal ang bangkay sang ila himata nga napatay sa natabo nga engkwentro sa Barangay Salamanca sa banwa sang Toboso.Ginsiling ni CHR Commissioner Beda Epres nga nagpangabay ang mga pamilya matapos nagwa ang resulta sang examination sang Forensic Pathologist nga si Raquel Fortun kon sa diin may isa ka bangkay ang ginpadala sa lain nga pamilya.Sa ila imbestigasyon, sala nga bangkay ang ginpadala sa pamilya ni Errol Wendel, katapo sang Unyon ng mga Mangagawa sa Agrikuktura nga nalakip sa Toboso 19.Bangud sini, nag-request na ang pamilya...

Gin-suspend sang Land Transportation Office-Negros Island Region sa sulod sang tatlo ka bulan ang driver’s license sang isa ka persona nga nagpasugot nga i-operate sang tawo nga wala sang driver’s license ang iya ginrentahan nga salakyan.Ginsiling ni LTO-NIR regional director Jeck Conlu, nag-renta sang salakyan ang nasambit nga persona kag iya ini ginpahulam sa iya migo, nga wala sang lisensya.Ang nasambit nga salakyan nangin imbulbado sa “gas-and-go” incident sang tinalikdan nga bulan, kung diin nagpatughong ang driver nga wala sang lisensya sa gasoline station sa Barangay Taculing sa Bacolod, kag pagkatapos sini, siya ang wala nagbayad kag nagpalagyo.*

Bureau of Soils and Water Management ang may P6 million nga budget para sa cloudseeding operation sa Western Visayas kag Negros Occidental.Ini suno kay Department of Agriculture Regional Director, Engr Jose Albert Barrogo nga nagsiling man nga natapos na ang BSWM sa pag validate bahin sa gina hinyo nga cloudseeding operation bilang alibyo sa mga talamnan nga karon naga batyag na sang epekto sang dry spell.Suno kay Barrogo, siya sa karon ang naga hulat sang ila nga abiso kun san-o gid man mapatuman ang cloudseeding operation.Sa karon suno kay Barrogo, isa sa ila nga nakit-an nga apektado sang kainiton amo ang katubuhan. Kun indi matatapan sarang nga ma apektuhan ang yield ukon ang production sini suno kay Barrogo.https://youtu.be/4tktiPFi44A?si=WtWR1dBPGfy6lib8“What is...

Ang ginhugpong nga pwersa sang Bureau of Customs, Coast Guard District Southern Visayas kag Port Police ang naka intercept sang shipment sang smuggled nga mga sigarilyo sang Jacos Transport sa Dumaguete Port padulong Siquijor.Ang rolling cargo ang gin-inspect kag didto natukiban ang mga kontrabando gani gin-hold ini sa puerto.Ang Bureau of Customs nagpatigayon na sang pagpangusisa kag inventory sang mga smuggled nga sigarilyo. As of press time wala pa matumod ang kadamuon kag balor sini.Pasakaan sang kaso kun matumod ang mga persona nga sa likod sang sini nga shipment. Nangin sunod-sunod na ang pag intercept sang otoridad sa mga smuggled nga sigarilyo sa Negros Island Region.*

Matapos ang engkwentro sa banwa sang Cauayan, Negros Occidental, isa ka pilason nga gin-alegar miyembro sang New People’s Army ang nakit-an kag gin-rescue sang katapo sang 15th Infantry Battalion sa Barangay Poblacion, Cauayan.Suno sa report sang Army, sa tion sang clearing operation pila ka oras matapos ang engkwentro, may ginsundan ang mga soldado nga mga tulo-tulo sang dugo halin sa encounter site padulong sa isa ka balay, kun diin ila nakit-an nga naga-isahanon kag pilason si alyas “Joey”, 21-anyos, taga Sipalay City.Base sa impormasyon nga nakuha sang militar, mga isa na ka tuig nga nagbiya si alyas “Joey” sa iya pamilya.May igo sang bala sa iya pa-a kag alatrasan si alyas “Joey” kag may minor hip injury.Gindala sang mga soldado ang pilason sa Isio District Hospital an...

May nadiskubrehan naman nga mga tul-an sang tawo sa katubohany nga sakop sang Sitio Ubay, Barangay Guinpanaan sa banwa sang Moises Padilla.Nakilal-an sang iya bata ang biktima paagi sa bayo kag dental features.Ginsiling ni Police Major Ryan Villasario, hepe sang Moises Padilla PNP, na-claim na sang pamilya ang mga tul-an sang biktima.Base sa impormasyon sang iya himata, ulihi nga nakit-an ang biktima sadtong Nobyembre 6, 2025 sang siya ang nagsunggod kag naglakat matapos sang gamay nila nga away sang iya asawa.*

Patay ang lalaki nga nagasakay sa bisekleta matapos mabungguan sang taxi sa national highway nga sakop sang Barangay Mabini sa banwa sang Valladolid, Lunes sang gab-i.Ginsiling ni Police Lt. Celso Omega, deputy chief sang Valladolid PNP, posible nga wala makita sang taxi driver ang nagatabok nga biker bangud tuman ang pagbunok sang ulan sadto nga tion.Suno sa mga nakakita, naga isi-isi ang agi sang biker nga gikan sa inom-inom.Naabtan sang mga nagresponde nga kapulisan ang biktima nga nagahigda sa dalan kag may mga pilas sa ulo, samtang ang Toyota Avanza nga taxi ang nahulog sa kalog sa higad sang dalan.Nag-gwa sa imbestigasyon nga ang taxi halin Valladolid proper kag pakadto Pulupandan.Bangud sa kakulba sa iya safety, nagpasilong anay ang driver sang taxi nga si alyas ...

Governor Eugenio Jose Lacson ang naga pati nga kun luyag sang Senado nga ma redeem ang ila nga integrity sarang nila mahimo ini sa impeachment trial.Ginsiling ni Governor Lacson nga ang publiko ang maga bantay sa impeachment proceedings ni Vice President Sara Duterte.Ang impeachment isa ka importante nga bagay suno kay Lacson sa karon.Gani kasunod sang natabo nga shooting incident sa Senado nga indi lamang gin lantaw sa pungsod kundi pati sa iban nga bahin sang kalibutan, sa impeachment sarang ma redeem sang senado ang ila nga integridad.Pormal na nga nag convene ang Senado bilang impeachment court para sa kaso ni Vice President Duterte, matapos mabaton sini ang Articles of Impeachment gikan sa House of Representatives.*