Balita Hiligaynon

Sa gin papanaog nga resolution sang Negros Oriental Regional Trial Court ginpamatbatan guilty sa indirect contempt ang lima ka mga PDEA agents sa Dumaguete City bangud sang gina siling fake buybust nga ginpatigayon sang Hunyo sang nagligad nga tuig.Nag issue na ang korte sang warrant of arrest batuk sa mga PDEA agents nga sanday Nelson Muchuelas, May Ann Carmelo, Jose Anthony Juanites, Cheryl Mae Villaver, kag Realyn Pinpin.June 2020 sang gin dakop sang lima ka PDEA agents ang lima man ka mga persona sa buybust operation sa Dumaguete. Suno sa arresting officer, dungan sila nga gindakop sa isa ka balay.Pero base sa CCTV footage nakita nga isa isa nga gin pickup sang mga operatiba ang ila lima ka gindakop kag ginpasulod sa ila nga salakyan gani ini ang gintawag nga fake buybust. ...

Pagkakaisa, grupo nga naga panawagan kay Vice President Leni Robredo nga magpapili bilang presidente sa 2022 elections ang ginlunsar.Suno kay Matet Lozada ang presidente sang grupo sa Bacolod, nationwide ang launching.Ang Bunyog-Pagkakaisa nga una ginporma nga grupo sa Bicol sang tion pa nga nagpapili si Robredo bilang bise presidente ang nagaplano man sa Bacolod nga magpaatigayon sang signature campaign para ipanawagan kay Robredo nga magpapili bilang presidente.Pag-isa ang kahulugan sang Bunyog nga isa ka tinaga gikan sa Bicol region nga lugar ni Robredo.Suno kay Miles Octavio ang bise presidente, luyag nila nga magbalik ang demokrasya sa Pilipinas rason nga ila gina tib ong si Robredo.Ginapaabot man nila ang iban pa gid nga lokal nga grupo nga maga hatag man sang sup...

Mga empleyado sang isa ka delivery service company sa Bacolod ang nagreklamo sang illegal deduction nga nagakatabo sa ila nga sweldo.Sa press conference nga ginsakdag sang pila ka mga empleyado ila ginsiling nga sa pila na kabulan ginabuhin sa ila nga sweldo ang mga nagakadula nga parcel.Suno sa supervisor sang distribution center sang J and T Express nga si June Mike Fernandez sila ang nagfile na sang reklamo sa Department of Labor and Employment bangud sang gina alegar illegal deduction. May ginapaabot na nga inspection nga patigayunon.Kun ano man ang kantidad sang madula nga parcel ang gina bahin bahin sa mga 60 ka mga empleyado kag ini ang gina buhin sa ila nga sweldo.Suno sa sorter nga si Joash Gucaban ang masubo kay halos kadam-an sa ila minimum wage earner kag buhina...

Holiday bwas nga adlaw sa pagdumdom sang ika 35 nga anibersaryo sang Edsa People Power Revolution.Sa Bacolod City, ang Federation of Urban Poor ang maga tipon sa Ninoy Aquino monument sa dalan Araneta bwas sa aga sa pagdumdom sang maragtason nga hitabo sa pungsod.Suno kay Joy Jarabelo ang pamuno sang grupo, maga tipon sila las seis sang aga para maghalad sang bulak, magkanta kag mag pangamuyo.May napulo ka mga affiliated organization ang maga upod sa amo nga pagtililipon.Suno kay Jarabelo, natungod nga may pandemic ila man gina pasiguro nga masunod ang minimum health protocol ilabi na ang physical distancing.

BCPO photoPatay na sang naabtan sang otoridad kagab-i sa sulod sang iya balay sa Barangay Cabug sa Bacolod ang tricycle driver nga si Eduardo Cataraja.Siya ang may igu sang bala sa nagkalain lain nga bahin sa iya lawas.Siyam tanan ka bala ang na recover sa crime scene, suno sa pulis, ang mga residente ang nakakita nga may tatlo ka persona nga nag sulod sa balay sang biktima kag didto na nabatian ang pag nilupok.Sa karon isa sa gina tan-aw nga anggulo sang pnp amo ang alegasyon nga si Cataraja ang miyembro sang kilala nga Epogon robbery group.Suno kay BCPO director, Col. Manuel Placido, sila ang naka baton sang impormasyon nga kuno miyembro sang grupo ang gin patay nga si Cataraja kag may naka istar pa sa iya nga balay nga miyembro man sang Epogon group.“Sabi nga ng ...

Calatrava PNP photoPatay ang 28 anyos nga si Dindo Villacorte matapos tiruhon sang maka pila ka beses sang wala pa makilal-an nga persona sa Barangay Lemery sa banwa sang Calatrava.Sa imbestigasyon sang kapulisan, si Villacorte ang naga pungko lang sa sulod sang isa ka vulcanizing shop snag Dominggo sang gab-i sang hinali na lang mag pondo sa gwa sang shop ang motorsiklo sakay sang tatlo ka mga persona.Isa sa mga sakay ang nag panaog sa motorsiklo kag iya na lang gin tiro si Villacorte sang makapila ka beses.Anum ka basiyo sang 45 caliber kag isa ka deformed slug ang na recover sa crime scene.Dead on arrival sa ospital si Villacorte nga nag agum sang anum ka gunshot wounds.Daan nga dumot ang gina tan-aw sang PNP nga motibo sa pag patay sa biktima.

Karon nga masami naga ulan, City Health Office ang nagapaandam batuk sa mga masakit nga masami dala sang maulanon nga panahon.Kaso sang leptospirosis sa Bacolod ang nagsaka.Sa record sang City Health Office humalin Enero tubtob Pebrero 13, pito ang kaso sang leptospirosis. Duha sa pito ang napatay.Sa record sang CHO sang 2020, sa kasubong nga tion tatlo lamang ka kaso ang na record, wala sang napatay.Samtang, dengue cases nga na record ang 27 humalin sa Enero tubtob Pebrero 13.Sa 27, isa ka isa ka tuig nga bata ang napatay.Suno kay Dr. Grace Tan, ang pamuno sang Environment and Sanitation Division sang CHO, sang nagligad nga semana may isa pa gid ka tatlo ka tyig nga bata nga napatay man tuga sang dengue kag wala pa ini malakip sa ginreport nga cut off.Wala naga...

San Carlos PIO photoBorder control sa buluangan sa San Carlos City ang ginbalik na sini nga adlaw.Ang Emergency Operations Center for COVID-19 kaupod ang City Health Office, Philippine National Police - San Carlos, City Disaster Risk Reduction and Management Office kag ang Barangay Buluangan ang naga operate sang amo nga Border Control ukon ang Health Checkpoint SA Barangay Buluangan.Ginbalik ang checkpoint kasunod sang direktiba gikan sa probinsya sa pagbalik sang amo nga border control.Sa pila ka bulan na nga ginbuksan sang siudad ang border sa Vallehermoso sa Negros Oriental.Damlag pa ginsiling ni Negros Occidental Governor Eugenio Jose Lacson nga padayon nga serado ang borders sang Negros Occidental kag iya na nasugilanon si Mayor Gustilo angut sa pagpatuman sang k...

Pagatalakayon sang Sangguniang Panlungsod sang Bacolod ang ginatukod nga cellsite sang isa ka telecommunications company sa Barangay Alijis nga ginpa untat sang Office of the Building Official sang nagligad nga semana bangud sang kakulang sang permit.Suno kay Vice Mayor El Cid Familiaran, bisan may yara na sang joint memorandum circular nga nagapahanugot sa pagtukod sang shared passive telecommunications tower infrastructure, luyag sa gihapon sang SP nga masiguro nga nasunod sang telco ang tanan nga requirements sa pagpatukod sang cellsite tower sini sa Purok Himaya, Barangay Alijis.Sang Pebrero dise sais ginpapanaugan sang OBO sang first notice of violation ang telco matapos mahibaluan nga wala pa ini sang building permit.Ini matapos nga ginreklamo man sang mga pumuluyo sa lug...