Shadow

Isa ka grupo sa Bacolod naga panawagan kay VP Leni Robredo nga magpapili bilang presidente

Pagkakaisa, grupo nga naga panawagan kay Vice President Leni Robredo nga magpapili bilang presidente sa 2022 elections ang ginlunsar.

Suno kay Matet Lozada ang presidente sang grupo sa Bacolod, nationwide ang launching.

Ang Bunyog-Pagkakaisa nga una ginporma nga grupo sa Bicol sang tion pa nga nagpapili si Robredo bilang bise presidente ang nagaplano man sa Bacolod nga magpaatigayon sang signature campaign para ipanawagan kay Robredo nga magpapili bilang presidente.

Pag-isa ang kahulugan sang Bunyog nga isa ka tinaga gikan sa Bicol region nga lugar ni Robredo.

Suno kay Miles Octavio ang bise presidente, luyag nila nga magbalik ang demokrasya sa Pilipinas rason nga ila gina tib ong si Robredo.

Ginapaabot man nila ang iban pa gid nga lokal nga grupo nga maga hatag man sang suporta kay Robredo kasubong sang grupo ni anay gov Rafael “Lito” Coscolluela.

Leave a Reply

Your email address will not be published. Required fields are marked *

Secured By miniOrangeSecured By miniOrange